الرئيسية / مدارس وجامعات / التوجيهي قيمة للشخص في مجتمعنا فهل أعيد دراسته؟

السؤال

صورة علم Palau
مجهول
قبل 1 سنة (5 اجابه)
5 اجابه

التوجيهي قيمة للشخص في مجتمعنا فهل أعيد دراسته؟

صباح الخير كيفكم. طبعا انا نزلت قبل فتره انو رسبت بالتوجيهي. والتوجيهي بالنسبه لمجتمعنا هي قيمه الشخص للاسف وقررت اوخد دبلوم صيانه شامله مثل ( حواسيب جوالات شبكات طابعات )والكل شايفني انو ممكن اكون كفو لهشي بس اغلب عيلتي واكم واحد من صحابي بدهم ياني اعيد. وانا راسي صار. قد البالون من كتر حكي الناس انو عيد وشهاده التوجيهي بتساعدك تطلع وتشتغل برا. وانو بدون شهاده توجيهي على الفاضي وانا والله ما عارف شو اعمل وانا خايف اعيد وارد ارسب وخصوصي عششان امي بديش ترد تزعل كمان مره. وانا هس بلشت اتدرب بمحل للكمبيوترات. انو تصليح وهيك ٣. ايام بالاسبوع والايام الباقيه بالمعهد الي بعطيني دبلوم الصيانه. ومش عارف لو بدي اعيد فش وقت متى بدي ادرس ( للعلم الامتحانات. بشهر ١) بدي حد ينصحني شو رايكم

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

صورة علم Jordan
خبيرة تطوير الذات د. سناء عبده
قبل 1 سنة

يا ولدي لو كنت مكانك، او لكنت انت ولدي انصحك بما يأتيهي فترة قصيرة ولو تعبت فيها فان التعب يزول والخير يبقىالتوجيهي عنق الزجاجة ان تخطيت منه سيزول ثلث همك في الحياة، لانه يمكنك الدراسة والعمل والمتابعة ولو بعد سنين يمكنك ان تدرس جامعةعليك ان تعمل على تنظيم وقتك ولا تلتهي وابذل جهدك، وتحتاج الى تضحية بعدم السهر وعدم اللعب كثيرا الا في وقت محدد، وتقليل الميديا والفيس بوك وغيرها، وتدرس وتتدرب في موضوعك، وتكمل توجيهينعم انصحك ان تكمل توجيهييا ابني كلها 10 شهور وتحدد مصير حياتكاتعب واثبت لنفسك ولامك ولاصحابك انك قادرويا رب تبشرني انه بدك تدرس هندسة كمبيوتر كمان:) والحلوان عندي انا ومن عيونيأبشر

مجهول
10 شهر

الحمدلله نجحت بس العلامة ابدا مش منيحة بعد ما تعبت وما كنت اخرج الا ساعة فقط جبت 54.9 وياريتني ما رديت على احد وعدت


صورة علم Jordan
مجهول
قبل 1 سنة

بصراحه انا مع الناس الي بتحكيلك عيد التوجيهي الشهاده مهمه كتير و مسؤليات الحياة صعبه كتيير لا تفكر بضغط الدراسة حاليا فكر بكرا بس تتخرج من الجامعه وتشتغل في وظيفه محترمه تليق فيك ركز في شهادة التوجيهي احسنلك بكتير ولا تخاف من الرسوب ابدا وخليك تحاول انا كنت من الاوائل وتوفى والدي عند سنة التوجيهي وقررت أجل التوجيهي وتعبت كتير وفعلا كل الناس بنظرولك انك ولا شي من دون شهاده وقررت ارجع وادرس والحمد لله نجحت وهلا عم بدرس محاسبة وضايلي سنه ونص وبتخرج وناويه بعدها ماستر باذن الله تعالى خليك طموح لا ترضى بالقليل ليه فلان احسن منك ليه ترضى بالدبلوم بس لا ابدا لا ترضى تكون هيك والتوجيهي لو ركزت فيه رح تلاقيه سهل لانه اكيد كتب الجامعه اصعب بكتير شو يحكوا طلاب الطب وله طلاب الهندسه ومنهم ما شاء الله الي معدلاتهم فوق 90 ليه هما عندهم طموح وانت لا اكيد هاد مستحييييل لانه لو مقتنع بالي بتعمله اكيد ما كان كتبت مشكلتك هون اخوي ربي يسعدك خليك مركز في شهادتك الحياة صعبه كتييير وبكرا بتخلص دراسة وبخلص هالهم وبصير عندك زكرى وبالنسبة لمواد الفهم فيك توخدها في مراكز ولمواد الحفظ يعني بدي احكيلك شغله هلا الممثلين والمغنين بشو احسن منا لحتى بقدروا يحفظوا 100 اغنيه و100 قصه الله يسعدك لا تخلي الشيطان يضحك عليك كون واعي لكل شي وربي يوفقك ويسعدك وتنجح وتفرح احبابك

مجهول
10 شهر

شكرا الك اخي انا الحمدللة نجحت بس جبت للاسف 54.9 وانتا بتعرف هالمعدل عنا (بالاردن وفلسطين ) يعتبر ولا اشي وغفش جامعة بتقبل هيك معدل 😢😢


صورة علم
مجهول
قبل 1 سنة

لك شرف المحاولة ما تخافى قدمى الامتحان وتوكلى على الله ما حتخسرى شىء اذا رسيبت ولكن يوجد هناك احتمال ان شاء الله ان تنجحى مع تمنياتى لك بالتوفيق

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.