صورة علم Saudi Arabia
من هند الجوري
منذ سنتان 33 إجابات
1 0 0 1

ولدي عنيد

ولدي فيصل عنيد ودايم يفشلني ويحطني بمواقفه بايخه مع اهله! مع ان عمره 5 سنوات لكن تصرفاته مب طبيعيه. كلمه عنيد ماتوصف حياتنا معه دايم يعاندنا انا وابوه واهله كلهم ومايحترم احد وقليل أدب! خصوصا اذا كنا بنطلع نروح زياره لاحد أو احد بيجينا بالبيت يتصرف تصرفات مش طبيعيه، لدرجة أضطر اذا بنروح لاحد او بيجينا احد أقعد معاه من صباح الله وأدلعه و اسولف معاه و افهمه و بيجينا ضيوف و حنا نحبهم و نحترمهم و هم كبار و الله امرنا نحترم الكبار و انت رجال و الرجال يزين كلامه و حركاته, و احيانا ارشيه و اقوله اذا كنت مؤدب  أبعطيك 50 ريال يوم نرجع البيت. يوم يسمع الكلام وعشره لا ويبدء حركاته ويزعج الضيوف ويطق الجميع حتى جده يتشكى منه يطقه ويرميه بالنعال ويشد غترته، اذا سوى كذا انا ماأقدر اتحمل اقوم واضربه عشان يوقف هالهبال لكن مافيه فايدة بالعكس يزيد بتصرفاته ويدخل بنوبه هبال ثانيه و يدور بالبيت و يطيح مواعين المطبخ و يروح غرفة النوم و يسحب الملابس من الدواليب و يكسر العابه و يصارخ :أبغى بيتنا ..روحو بيتكم..ما ابغى اشوفكم..اطلعو من بيتنا. مفشلني دايم  ويحطني بموقف بايخ مع اهله لانهم يحسبون انا الي اعلمه واخليه يسوي كذا . ايش اسوي معه !