صورة علم United States
من مجهول
منذ 9 شهور 26 إجابات
2 0 0 2

حياتي مأسورة بالخوف من خالي وزوجته

حياتي اصبحت عبارة عن خوف شديد منذ وفاه اهلي اصبحت اعيش عند خالي لاكن دائما يتهاوشون مرت خالي تطلع مرات بدون استئذان من خالي وخالي شديد العصبيه انا اخاف منه يسالني وين راحت اخاف تصير مشكلة اقول مادري ويصرخ علي علمته انها راحت بيت اخوها كلمها وتهاوشو وصارت مشكلة بسببي مرت خالي ماهي متقبلتني في شقتها وخالي يبي اعلمه كل شي تسويه من وراه ولا بيطلعني من شقته وانا اموووت رعب اذا شفتهم هو خالي الوحيد اكبر بناته عمرها 6سنوات خالتي طلبت مصروف وهو رفض وصارت سالفه وضرب انا ارتجف من الخوف واروح غرفتي ابكي كل ليله ماتحمل احس اني سبب كل مشاكلهم ماروح اسواق ولا اشتري لي شي جديد اقول كل شي عندي اخاف تصير مشكلة ملابسي من سنين نفسها ماغيرتها وصديقاتي بالمدرسه يفكرون اني متاثره بوفاة اهلي لاكن انا اعيش برعب مع خالي ومرته مرت خالي تسوي اشياء تقول لاتعلمين خالك وهو يسالني وش سوت ليش طلعت ماعلمتني اذا سكت او تكلمت تصير مشكلة طول ايامي ارتجف وابكي احس بالم في صدري ومرات يجيني اختناق واحس بصداع لاكن مادري ايش سبب انا مابي ادخل في مشكله بينهم لكن غصب يسالوني ويخلوني اقول من الصح فيهم صرت وحده انطوائيه ومنعزله ماحب اختلط مع احد حتى صديقاتي تركتهم انا خايفه من الايام الجاية ماعرف انام او اصحى مرتاحه صرت ارتجف من اقل شي يصير