امي كانت تعاقبنا باسلوب التعذيب كالحرق وحلق الشعر !

انا فتاة ابلغ من العمر ٢٤ سنة متخرجة من احدى الگليات الازهرية وربما التعليم الازهري صاحب التأثير الايجابي الوحيد بحياتي مشكلتي هي عائلتي اتي تتكون من اب وام وبنتين وثلاثة صبيان انا اكبرهم اكتر حاجة تتميز بها عائلتي وانا منهم التمثيل فكل من يرى عائلتي ويراني نكون محل حسد وغيرة ولكن الحقيقة عكس ذلك فأمي ربة منزل تزوجت من ابي وهو يكبرها ١٦ سنة ابسط حاجة انها كانت بتعاملنا انا واخواتي واحنا صغيرين باسلوب التعذيب والاهانة لدرجة الحرق والضرب بالجلد وحلق الشعر زيرو للبنت وكل دة لاتفة الاسباب ان احنا شربنا عصير من غير من نستاذن او كسرنا لعبة مش عارفة لية كانت بتعامل اطفال في الحضانة والابتدائي كدة ووالدي كان ي وظيفتة انة ينكد علينا وبس واخرة كان ضرب بالقلم ع الوجه منكرش انها كانت بتذاكر لينا وخلتنا متفوقين بس كانت عشان زي ما بتقول محدش يقول عليا فشلت في تربيتكوا لغاية ما دخلنا اعدادي وثانوي والاسلوب اتغير تمام بقت بتستغل حاجتنا لعطفها وخوفها في نفس الوقت من ان احنا نرد عليها فانها تخلينا نرد ع اهل ابونا في اي تلميح بالاساءة ليها مع العلم انهم فعلا كانو بيسسئوا ليها اما والدي فكنا محل شك عندة على طول لاي حاجة كان عندة احساس ان البنت لازم هتعمل مصيبة وعشان كدة كان. ممنوع الخروج الا لو كان هو معانا ولو صحباتي سألوني هو لية بيعاملك كدة كنت برد اصل بيحبنا اوي وخايف علينا لغاية دلوقتي نعدي الشارع وطبعا كانو بيقولولي يا بختك واحيان بحسة انة مصدوم ان احنا معملناش مصيبة بل بلعكس تفوقنا وكل الناس بتحلف باخلاقنا لغاية ما دخلت الجامعة وكرهت اسلوبهم معايا واخواتي الصبيان انتهجوا اسلوب تعلية الصوت والغضب معاهم وبقوا يخدوا حقهم تالت ومتلت ونفس المعاملة معانا احنا البنتين ووالدي ووالدتي بقوا يخافوا منهم جدا وانا مش عارفة اتبع نفس الاسلوب زي اخواتي الصبيان ازاي اكون بحفظ قران وتفسير وحديث واعلي صوتي عليهم مع اني احيانا بحس امي هنفجر فيهم في يوم من الايام واقول لية وصلتونا لكدة شعوري دلوقت وعمري ما حسيت ان انا ليا ام او اب واخواتي الصبيان بقوا شبهم مبقتش عارفة اتعامل مع الناس برة حتى فكرة الجواز وتكوين اسرة كرهتها لخوفي اني مالقيش راجل يحب اولادة ويخدهم في في حضنة ويكون سندهم ويحميهم وخوفي ع اولادي مني انا واني اكون زي امي واعذبهم جسديا ومعنويا لن شوفت بنت خالتي شبة حالتي وكانت تقول عمر ما هعامل اولادي زي ما انا اتعاملت بس بعد الجواز بقت اصعب وبتقرف بنتها اللي لسة مكملتش سنة. احيان بحس اني عايزة اقفل عليا اوضتي ومطلعش منها ابدا افيدوني افادكم الله.