كل شيء انهار بعد وفاة والدي

add_commentأضف إجابتك

thumb_downلم يعجبني0

السلام عليكم عمري 22 تعبانه كتير والله مشكلتي بدت وانا عمري 14 سنه كنت بحب والدي كتيييير وهو ميزني عن كل خواني وخواتي والكل بعرف قديه هو بحبني وكنت انا بحبه ومتعلقه فيه كتتتير ولكن عند بلوغي اتغير وصار بده يزوجني وللاسف اخوي كان بأثر عليه بالكلام ولازم اترك دراستي او اتزوج او اللبس طويل كانوا يعملوا المستحيل لحتى يكرهوني في الحياة بس انا كنت مصره كتير على دراستي لانه كان عندي حلم وهدف لازم احققه بس الي كان يحزني ليه هيك عمل والدي ليه تركني عند اهم عمر الي ليه تركني للدنيا الصعبه ليه احن واحد في الكون صار ضدي ليه صار بده يتخلص مني او يفرض علي اشياء انا مو قادرة اعملها طيب شو بدي احكيله عن خواتي الي ضدي شو بدي احكيله عن امي الي ما بتحس فيني وله عن الصحبه الي بتتمنى فشلي وله عن خواني الباقين الي كل واحد عايش بس لنفسه وهيك لما شفت انه الحياة زادت صعوبه قررت اجتهد واكون نفسي لاني بطلت الاقي حدا في حياتي والخيبات قتلتني من جوا قلبي وانا لساتني صغيره وبشوف كل صاحباتي بتفاخروا بأبهاتهم وانا صرت اكذب واحكي انه والدي احسن حدا لانه سمعته متل المسك بين الناس وصبرت وحكيت معلش بكرا بنسى بكرا بعيش بكرا هاي الايام بتتعوض بكرا بيعرف شو حلمي وهدفي ولكنهم حاربوني وكأني عدوتهم كأني مو اصغر بنت عندهم في البيت وصار الشاطر يحزني لكن ربي معطيني قوه من برا كتييير وكنت قد اني اصر على نجاحي واجتهادي يوم بعد يوم وساعه بعد ساعه وهيك من عمر 14 واهلي ضدي حرمني والدي المصروف متلي متل اي بنت في المدرسة مع هيك من حبي اله ما حكيت لاي حدا من صاحباتي هيك والدي بعمل لانه ما كنت بدي اخرب سمعته وهو معروف وما كان يرضى يحكي معي ابدا والحزن بزيد وبزيد ومو عارفه انا شو عملت غلط بس لاني بدي احقق نفسي وحلمي وهدفي ولما شفت الكل ضدي قررت ابعد وانسى الجميع واتعلقت بالدراسة كتيييير وحبيتها اكتر من نفسي هه او يمكن كنت افل من حزني ووجع قلبي للدراسة وما كان حدا بشجعني الا معلماتي في المدرسة وقد ما اتعلقت فيها كنت اروح من المدرسة على الساعه 215  وابلش دراسة على الساعه 230  وهيك مرت الايام وانا بعيده عن كل اهلي مع انه لساتهم هما زي ما هما رافضين سعادتي باي شكل ولكن خلص مع الايام اتعايشت مع هالاشي ومشيت اموري وكنت مركزه بحلمي وهدفي وحسيت انه هاد دافع لحتى احقق الفكرة اللي الله رزقني اياها وهيك مرت السنين وفي عمر 17 وبس وصلت من الاوائل وفجأة اتوفى والدي بعد ما كنت ولا شي وصرت وحققت نفسي ووثقت بقدراتي باللحظه الي توفي فيها والدي حسيت انه كل شي انهار بحياتي تركت دراستي حسيت انه ما في شي بستاهل كل هالفراق وهالتعب وهالحزن راح احن واغلى حدا علي راح الي كنت بجتهد علشان اثبتله انه نيتي والله منيحه راح قبل ما احكيله انه انا عمري ما حكيت لاي صاحبه عن تقصيره اتجاهي وكنت دايما اكذب واحكي انه احسن اب راح وما حكيتله والله عمري ما حكيت مع اي شب لاني بحبك وسمعتك وحتى قسوتك الي ما تخيلتها تكون منك ما اثرت علي ولا ضيعتني بالعكس كنت امشي وقلبي ببكي من الحزن انا شو عملت انا شو سويت بس الابتسامه ما بتفارق وجهي ليه الكل الناس تفتخر فيني الا انت وراح وحسيت ضيعت كل شي من حياتي وما حكيته عن حلمي انه بدي ادرس واجتهد علشان اكفل طلاب علم الي اهاليهم مو ملاقين يدرسوهم وراح وما حكيتله عن انه نفسي اكون في ضل رب العالمين يوم القيامه مهو صح كل الاعمال الصالحه في صحيفة الاب والام ورااااح احن انسان في الدنيا واجلت دراستي واتأخرت بعد وفاته وكل شي اتغير من يوم وفاته لحد هاد الوقت وكل اهلي لحد هاد الوقت ضدي بس امي اتغيرت وعرفت انها كانت مقصرة فيني لكن انا من جواتي راح حبهااا وبحس بثقل كبييير جوات قلبي لما اقعد واحكي معهااا وله خواتي الي لساتهم بحاربوني والله تعبت الي بتتمنى حزني والي بتتمنى انه ما ارتبط بحياتي والي بتتمنى افشل بدراستي وهلا صاروا ماسكيني من شغله تانيه يسرقوا اغراضي ويكبنهن في الزباله يعني لا انا استفيد ولا هن يستفيدن بس علشان يزيد حزني وخواني متل ما هما كل واحد مشغول في حياته والمشكله لا انا قادر ابعد عن امي ولا قادر اقرب منها وتكون في قلبي ونفسي ارجع احقق حلمي وهدفي بس خايفه ارجع اندم بعد عمر طويل لامي والله مو عارفه ارجع متل اول لاني املي بالانسان الي رح ارتبط فيه كمان انكسر في الفترة الي تركت فيها اعرفت شب على الفيس بوك وكنت كتير معجبه فيه وبصفاته ولكن خوفي من رب العالمين ابدا ما كنت ناويه احكي معه وتركت حبي اله في دعائي وكنت احسه محترم ومؤدب واخلاقه عاليه بس هو ما كان يعرف عني شي وفي مره بعتلي طلب صداقه لانه كنا في نفس الجروب وانا ما وافقت على الطلب وفي الوقت الي انا كنت معجبه فيه هو كان يدور اي طريقه لحتى يوصلي وللاسف عمل حسابات تانيه باسماء وهميه وانا والله ما كنت عارفه انه هو وصرت اشوفه كتير واتعلقت فيه فكرته هو املي وهو حياتي لكن ما اعطيته المجال ابدا ولا حتى ابتسامه وحده وحكيت علشان ربنا ولكن هو حول هاد الشي لحرب علشان رفضته وانا رفضته بطريقه كتير محترمه وانا ما رفضته هو لانه هو وحاولت افهمه ولكن هه حظي كتير حلو مع الناس قسي علي بزياده وعجب ما خلى حدا من صحابه الا دايما معه وغير رقمي الي جابه بطريقته ووزعه وحسيت انه والله ما الي حظ بقلب اي انسان والمشكله انه انا اتأثرت بوالدي وبأهلي وهاد الانسان الي كنت مفكره هو نجاتي من حزن اهلي وانا الحمد لله عندي معارف وصادقات بنات كتييير والحمد لله بصلي وبحاول كل يوم احسن من نفسي بس مو قادرة انسى الماضي بالكامل واحقق واعوض ايامي او حتى صرت بس بدي اعوض نفسي مع انه اجتهدت ودخلت التخصص الي بحلم فيه لكن في حزن كبييير في قلبي ومو قادرة ارجع متل اول او حتى ابدا من جديد
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • أخصائية علم النفس والتثقيف الصحي ميساء النحلاوي
    أخصائية علم النفس والتثقيف الصحي ميساء النحلاوي verified_userعزيزتي، احييك على مثابرتك وتحديك الظروف واصرارك على العلك حتى وصلت الى التخصص الذي تحلمين به. رحم الله والدك وادخله فسيح جناته وصبرك على فراقه فلا شك ان ذلك صعب جدا. اعتقد ان اباك قسى عليك من شدة خوفه عليك لكني اوكد لك انه احبك كثيرا وكان فخورا بك حتى لو لم يقل ذلك. ثابري على علمك حتى تتفوقي وتعملي واعلمي انك بذلك ستبقين اسم والدك مرفوعا وسيكون فخورا بك دوما وابدا. تقربي من والدتك واخوتك ولا تيأسي واعملي جاهدة لتنسي الماضي وتطلعي نحو المستقبل فقط. تعالي عن صغائر الأمور وتصرفات اخوتك غير اللائقة وافتحي صدرك لهم وسترين انهم سيندمون ويحبوك من جديد. اما الشاب الذي احببته، فقصتك معه تتكرر الاف المرات كل يوم، قمت بالعمل الصائب حين رددته بادب، من الواضح انه لا يريد غير التسلية والا لكان تقدم لخطبتك دون الاعيب. نصيحتي لك ان ترمي كل الماضي وتدفينه بعيدا عنك، انسيه، لقد تحديت نفسك عدة مرات ونجحت رغم كل العوائق، انا متاكدة من انك تستطيعين النجاح والتغلب على الماضي والتفوق بحياتك. احسني الظن بالله كما فعلت دائما واعلمي ان بعد العسر يسر، تفائلي واضحكي وكوني إيجابية وباذن الله توفقين. مع تحياتي
animate
  • صورة علم
    صورة علم
    مجهول
    الله يرحمه يارب , وصدقيني لو أنه عايش بيزعل منك كثير لانك حزينه كثير مو جالسه تسوين لاشياء الي يحبها ابوك منك , لازم تقومين و تكملين يومك بوجوده جنبك هو بقلبك ماىمات لسى و هو عايش معك بقلبك و تفكيرك
  • صورة علم
    صورة علم
    مجهول
    الله يرحمه و يسنكنه فسيح جناته , اذا تحبينه كملي حياتك أذا تحبينه ادعي له زعلك عليه يضايقه في القبر , تعذبينه تذكري انك تعذبينه بكل دمعه تنزلينها ادعي له هذا الي هو يحتاجه منك و الصدقة
  • صورة علم
    صورة علم
    مجهول
    انا من وجهة نظري ان تقلبي كل شيء الى امور ايجابية لان بوفاة والدك انتي لم تخسري احلامك و طموحاتك بل انتي يجب عليكي ان تسعيده بغيابه لانه هو يكون سعيد بقبره عندما تكوني ناجحه و حامله اسمه بكل فخر و عزة
صورة علم United States
أضف إجابتك على السؤال هنا