صورة علم United Arab Emirates
من مجهول
منذ سنتان 13 إجابات
2 0 0 2

كل هذه الهواجس أصابتني بعد وفاة حماي

انا متزوجه ومسافرة مع جوزى من سنه ونص كدة سافرت اجازة لوحدي وطبعا كان لازم اروح لحمايا علشان يشوف البنت واشوف طلباتههو رجل كبير عنده حوالي 70 سنه بس هو تحرش بيا تحرش واضح يعنى مش حركه بالغلط تخلينى اقول مش قصدهو هو من زمان بصاته ليا بتقلقني لكن المرة دى مد ايده ومسكني سحبت نفسي من ايده من غير ولا كلمه ومشيت على بيتنا وكلمت جوزى قلتله بعد تردد طويل بس كان لازم اقول علشان ميسالش ليه مش بروح لبباهبس قلتله هو رجل كبير وعاوز يتجوز من ساعة ما ممتك الله يرحمها واوعا تقوله انى قلتلك علشان متحرجوش طبعا هو كان متعصب بس هدى بعد شويه وعمل نفسه مش واخد باله من اللى عمله بباهوالموضوع عداوبعد كدة بقيت بتعامل مع بباه من بعيد لبعيد ولكن من غير ما افتكر الموضوع ده كأنه محصلش لدرجه انى نسيته تقريبابس دلوقتي حمايا مات الله يرحمهومن يومها وانا مش قادرة اشيل الموضوع ده من دماغي بخاف اغير هدومي أو استحما وانا لوحدي ف البيت وجوزى حاطط صورة والده ف الدولاب لما بشوفها بخافومش عارفه اقوله ازاى يشيل صورته من قدامي خايفه أجرحهوبقا بيجيلي هاجس ان زوجي ممكن يبقا زى بباه لما يكبر خصوصا انى اكتشفت انه وقتها كان بيكلم واحدة زميلته متجوزة واتس اب واستغل انى مش موجودة وحسيت أن ربنا بيردهاله ف مراته اتناقشنا كمان ف الموضوع ده وسامحته وعدتهابس انا خايفه على بنتى وبقيت بخاف من كل الرجاله حتى لو عيل صغير بخاف اسيبه مع بنتىانا مزوداها يمكن بس الاحساس ده غصب عنى بيضايقني ومش عارفه اتكلم مع حد فيه لانى محكتش لأي مخلوق غير لزوجي وحسه انى هحرجه لو جبت سيرة الموضوع دهاعمل ايه...