بعد أن رفعة جرعتي من الدواء أصبحت انسان آخر

السلام عليكم ورحمة الله وبركاته موضوعي عن دواء اسمه لوسترال او زولفت، بديت استخدمه بجرعة حبة 50 ملغ لمدة اسبوعين، وبعدين رفعتها لحبتين 100 ملغ لمدة 3 اسابيع والحمد لله حسيت بالفرق بعد مرور شهر لاني كنت اعاني من الرهاب الاجتماعي والقلق والخوف من اتفه الامور، وبفضل الله ثم لوسترال صرت جريء واحب المزح وما اخجل ابدا حتى لو احد احرجني يا استقبلها بضحك او ارد عليه رد قوي وبدال ما يحرجني احرجه انا، وصار عندي طلاقة في الكلام واتكلم بصوت عالي حتى في الاماكن العامة وصرت اجتماعي بزيادة واللي في قلبي اقوله باختصار معد صرت اخاف من شي والحمدلله، المشكلة بعد استخدام جرعة حبتين لمدة ثلاث اسابيع نزلتها لحبة عشيني كنت مسافر خارج السعودية لمدة ثلاث ايام وبقي من الحبوب ثلاث حبات وكنت مستعجل ومافي وقت اشتري العلاج فكملت على جرعة حبة ولي لحد الآن اسبوعين وثلاث ايام على هذي الجرعة المشكلة احس ان الرهاب والقلق والخوف رجع لي، ما ادري ايش السبب عشان نزلت الجرعة من راسي ولا ايش؟؟ مع العلم اني استخدمت الدواء بدون استشارة طبيب نفسي لاني ما ابغى اروح ولا بروح عند العيادات النفسية ارجوكم ساعدوني انتظر ردكم