كلمات صغيرة قادرة أن تقتل فرحتي فكيف أتغير؟

add_commentأضف إجابتك

thumb_downلم يعجبني0

مرحباعندي مشكلة كتير زاعجتني ومسببتلي قلق وتعب نفسي، مشكلتي إني أنا إنسانة حساسة كتير وبضخم الأمور وبعطيها حجم أكبر من حجمها الأصلي مهما كانت بسيطة وتافهة، مثلا لو حدا انتقدني بكلمة بسيطة أنا قلتها بضل فكر فيها وبضل قول اكيد ما رح ينساها هالشخص واكيد غيرو لاحظ هالشي واكيد رح يضلو يقولو فلانة قالت هيك ويقعدو يحكو عليي، أنا حساسة لدرجة إنو لو حدا نبهني على شي غلطة بسيطة أنا عاملتا فورا بنجرح وبتأثر وبضل فكر فيها مهما كانت الفكرة سخيفة حتى إني لما بجي احكي لأختي او لأمي أو لأي حدا من رفقاتي إني مزعوجة من موضوع بيعطوني كامل الاهتمام ليسمعو مشكلتي بس لما بخبرهم القصة بيقولولي انو قصة سخيفة وما بتستاهل الزعل والحزن، بطلت احكيلهم شي لأني كنت حس انهم ما بيحسو فيي أو ما بيفهموني بس بعدين استنتجت انو كل القصة إنهم بينظرو للموضوع غير النظرة اللي أنا بنظرها، أي موضوع ممكن ينزعلي فرحتي ويشوش عليي ويعكرني مثلا بعرس أخي كنت كتير مبسوطة وطاير عقلي و ع كتر الفرح ضليت طول السهرة ارقص فرفيقتي من باب المزح قالتلي على مهلك شو صرلك اهدي شوي كأنك شربانة مشروب طاقة اليوم (مع العلم إنها عم تمزح وما بتقصد شي فهالكلام شوش عليي وخربلي كل فرحتي وقعدت باقي السهرة مهمومة وما عدت ارقص لأني صرت حس الكل عم يقولو عني اني رقصت كتير والكل عم يحكو وينتقدو وبصير قول اكيد بس يروحو من الحفلة رح يكون ما في غير سيرتي على كل لسان (قصة سخيفة والكل شايفها سخيفة وما مستاهلة التضخيم بس أنا مالي شايفتها متلكون ما بإيدي هالشي أنا عنجد لهلق كل ما بتذكر بندم اني رقصت كتير، موقف تاني اني من فترة صرت نزل لخطيبي على انستقرام كل يوم الصبح صورة صباحية منشان ينبسط لما يشوفها فمرة كنت عم احكي مع رفيقتي قالتلي (شو صايرلك كل يوم الصبح بتفيقي فورا بتحطي صورة، والله صار معي هوس اول ما بفيق لازم افتح صفحتك وشوف شو منزلة اليوم لخطيبك ومن وقتها ضليت زعلانة وضليت قول اكيد الكل عم يحكي متلها واكيد هالشي غلط ومن كتر ما فكرت بالموضوع تعبت كتير وصرت حزينة قمت حكيت لرفيقتي اني زعلانة بسبب هالموضوع فقالتلي انو الموضوع كتير عادي وبسيط بس طنشيها وما تردي لكلامها، موقف كمان إني مبارحة خالتي كانت عم تحكيلنا أنا وأختي انو من اربع سنين حكالها ابنها إننا شفناه وما سلمنا عليه قمت انا ضليت فكر بالموضوع وضليت قول اكيد لهلق بيتذكر القصة وبيتضايق مننا واكيد وقتها سقطنا من عيونو وقعدت كتير فكر وانزعج مع انو اختي ما تأثرت متلي ولا حست بشي من اللي حسيتو اناتعبانة كتيررر صدقوني أي كلمة قادرة تقتل فرحتي وأي موقف ممكن يدمر شي حلو أنا عم عيشو، كتير تعبانة من هالشيساعدوني رجاء بدي نصائحكمعمري ٢٠مالي ضعيفة أبداأنا إنسانة قوية واجتماعية ومرحة ومحبوبة والكل بيحب يقعد معي والكل بيحكي عني بالخير الحمدلله والكل بيحكي عن قوة شخصيتي وعن أسلوبي الحلو بالكلام وعن نجاحي بالحياة بس ما حدا بيعرف إني بعاني من هالمشكلة ما بحكيها لحدا ابدا لأن الكل شايفين إني عندي ثقة قوية بالنفس بس أنا من جوا ضعيفة كتير وأي كلمة بتأثر فيي
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • الخبيرة النفسية سراء الأنصاري
    الخبيرة النفسية سراء الأنصاري verified_userيتعب من يفكر براي الاخرين كثيرا عليك ان تضعي قواعد جديدة لنفسك مثلا بما انك لم تخطأي بحق احد وانك لا تجدي افعالك خطأ فلا يجب ان تهتمي الى كلام الاهرين الا اذا كان جديا وبه فائدة واضحة تنفعك كوني واثقة من نفسك اكثر ولا تبحثي عن الكمال فهو غير موجود ولا تبحثي عن ارضاء كل الناس فهو غير ممكن المهم ان تكوني انت سعيدة وان تفعلي ما يسعدك على ان لا يغضب الله
animate
  • صورة علم Saudi Arabia
    صورة علم Saudi Arabia
    مجهول
    خليك قويه وعظيمه في عين نفسك ذَا وقفتي قدام مراية قولي انا قويه انا عظيمه انا استحق الأفضل انا قادرة أعدي هالمشاكل الصعوبات انا محبوبة لدى كل انا رائعة انا جميله انا ملهمه انا ايجابيه من هالكلام كرري كل يوم لين يرسخ في عقل الباطن لا تقولين نفسك أشياء سلبيه مهما كان الامر وصلي ادعي دعاء دعاء بعد كل صَل قدسي كلام مع الله في تفاصيل صغيره كل شي حاولي تسوين لك جو مثل قهوه المغرب قراه الكتب ادخلي ف أشياء تحبيها امشي في الْيَوْمَ نص ساعه اشربي لتر مويه كل يوم خصصي كل يوم مثل اقل من ساعه استغفار مئة مره سبحان الله مئه وصلاه مئه الي أخره قران صفحه وحده تلفزيون قناه تحبيها شوي أشياء مقاطع عن نفس والحياه والقوه عززي هالأشياء بداخلك بنسبة لي اهلك اجلسي معهم سواليف ولا تدققين مثلا بكلامهم وسعي صدرك والزم معليك أمك كل يوم مري عليها قولي راضيه علي ذَا تستحين قدام اخوانك قولي لها أنتم لحالك اطلعي سوق مول كافي حديقه آكلي شي تحبيه لا تربطين نفسك ب أشخاص وحياه ومجتمع في خاطرك شي فزي على ربي وادعي من امنيات من أموال من شرح الصدر كل شي من الله جميل مايخذلنا صديقيني ذَا مشيتي ع هالأشياء تلقين كل شي حلو وتلقين الله يسخر لك أشخاص يحبونك وتلقين تحبين نفسك ما تقبلتها غيري في نفسك ترا تجربتك عشتها بحذافيرها حمدالله تغيرت للافضل واخذي قلم ورقك واكتبي أمنياتك أهدافك وش تبين حتى لو تشوفيها مستحيل صدقيني ع ربي مافي شي لا وصعب آخذي ورقه اكتبي سلبياتك أشياء تخوفك توجعك وتفاقم واكتبيها ثم أحرقيها كذا تخلصتي منها اجلسي كل يوم عشر دقايق تأملي السماء النجوم وخرجي من ذهنك الأشياء سلبيه دخلي الأفكار الإيجابية وادخلي قوقل اكتبي اَي شي يجول بخاطرك واكتشفي وأستفيد لا تجلسين كذا وذَا أحبك يارب كلامي يغير فيك وخليك قويه قولي من داخلك انا بتغير انا قادرة انا عندي عزيمه كل صباح بس والله و يليت تأخذين كلامي وتصوريه وتحطي بروز على غرفتك تشوفيه كل صباح تتحمسي
  • صورة علم Syrian Arab Republic
    صورة علم Syrian Arab Republic
    مجهول
    ولله يابنتي على هوى تربايتك في بنات مابيهتمو وفي متل حكايتك يمكن لأنك بتهتمي ب كلام ناس وجو السلبية لي فكرك مشغول فيه ..
  • صورة علم
    صورة علم
    مجهول
    يعني بالفعل كل المواضيه الت انتي بتدايقي عليها هي مواضيع سخيفة و بسيطة كبري عقلك ولا تكوني بهذه السلبية و عيشي لحظات الفرح والسعادة كاملة بكل تفاصيلها لانه اللظة الي بتروح ما بترجع
  • صورة علم
    صورة علم
    مجهول
    عزيزتي انت ما عندك ثقة في نفسك لانه لو كنتي واثقة من نفسك ولا انسان قادر انه يقتل فرجك او حتى يأثر عليكي لذلك لا تهتمي لكلام الناس وعززي شخصيتك وثقتك يفي نفسك
صورة علم United States
أضف إجابتك على السؤال هنا