صورة علم Saudi Arabia
من مجهول
منذ 10 شهور 32 إجابات
5 0 0 5
  • أكره نفسي و وأكره مجتمعي فقط لأنني سمراء وقصيرة

    مرحبا انا فتاة عمري ثلاثه وعشرين سنه خريجة جامعة سالفتي ان بنات جماعتي اللي في سني وحولي تزوجوا وصاروا جماعتنا يناظروني ليه ماتزوجت وكلن يسأل امي ليه ما تزوجت وانا يجون ناس يشوفوني وبعضهم يروحون ما اعجبهم يقوولون بنتكم سمراء( حنطية ) وقصيرة ماحصل نصيب ( عن طريق الخاطبات ) انكسرت في نفسي وصرت أحس أحساس( انا مو راضيه عنه) بأني أقل من قريناتي وصرت في المناسبات مهما تزينت وتجملت احس اني اقل من البنات لاني سمراء حسيت اني مكسوووره ودايم احطم نفسي واقول انا ماحد يحبني لاني سمراء وقصيرة طبعا طولي (155) وحنطية انا ماحد يبيني لاني سمراء دايم هذي كلمتي دايييم مع ان لوني قمحي عادي لا ابيض ولا سود لكني دايم في المناسبات طول المناسبه وانا اقارن بيني وبين البنات انهم اجمل مني اذا رحت لمناسبة اعمامي اشوف بنات عمي متزوجات وهم في سني وبرضوا يضيق صدري ( بما إن بنات عمي كارهيني ومايبوني ) حسبي الله ونعم الوكيل واذا رحت لبنات اهل امي اشوفهم غنيات وبرضوا امهات وحياتهم حلوه ما استانس في المناسبه ابد لاني اقارن واكره نفسي واكره مجتمعي اللي مستصغرني ونابذني عشاني مو حلوه حتى ااذا جيت من المناسبه ما انام من كثر التفكير واحس بالقهر صار ودي اني ما اقابل الناس من كثر ما اتعذب اذا جيت من المناسبات العائيليه حسبي الله على كل ام صارت تدور لولدها عروسه وتجي بيوت الناس وتحطم فيهم وتروح انا مجروحه ياناس مدري كيف احب نفسي مدري كيف احس اني حلوه واقتنع بجمالي الي معططيني اياه ربي ياناس انا تعبت من المقارنه اللي تعبني من اللي يقولون عني سمراء وقصيرة وبنات خالتي اللي يخافون مني ويخبون عني كل شيء لانهم توظفوا وتزوجوا وبنات عمي اللي مايحبوني لان امي اجنبيه عنهم ويكرهوني انا وخواتي انا ماعندي صديقات ولا اعرف كيف اصاحب وانا الان ماعندي فرصه اني اصاحب لاني خلصت دراسة الجامعة وامهات المعارييس اللي جونا من عند الخطابات وطلعوا قالوا سمراء وقصيرة ماتناسبنا ياجماعة انا صرت ماحب البنات اللي اجمل مني ماابي يتطور الموضوع واصير حسودة واخاف يجي يوم واعتزل المجمتع بسبب هذي الافكاار تكفون انصحوني ابي احب نفسي وانا ربي من علي بنعم عظيمة الحمدلله عندي نعم عظيمة ابي اشوف نعم ربي واحمده عليها واترك الناس انا تعبت من استصغار نفسي وتقليل من قدري وتقليل على نعم ربي على عظمها علي يارب لك الحمد حمد لا ينتهي


أسئلة ذات علاقة