نفر مني من ثاني يوم زواج ويصفني بالبشعة

انا ست متزوجه الي اربعة شهور من مهندس ارمل وعنده اربع اولاد ... بفترة الخطوبه كان حاببني وبده اياني وكنا مبسوطيين ومتفقين مع بعض .... لما تزوجنا من تاني يوم نفر مني زوجي بس ما بينلي انه نافر مني بعد تلات اسابيع من زواجنا صار يصارحني انه مو عاجبه شكلي وانه انا مش انا يلي وافق علي بالخطبه وانا صار شكلي وحده تانيه وصار يحكيلي انه انا خدعته بوجهي على العلم انه كنت احط ميك اب خفيف كتير يعني ما اغير بملامح وجهي .... وغير هيك هوه بيشهد انو انا كويسه كتير مع اولاده وحبوني وحبيتهم وكنت عامله كامل واجبي بالبيت بس هوه بيحكي انا بدي وحده الي استمتع فيها ما بدي وحده للاولاد الاولاد عندهم شغالتهم هاد كلامه وبعد هيك ضليت عنده بالبيت شهرين وهوه هاجرني وما فيه اي علاقه زوجيه بينا علاقتنا كانت جدا رسميه مع هيك صبرت عليه وعلى تجاهله الي ولا كاني زوجه اله ويروح ويطلع ويعمل كل الاشياء لحاله وما كان محسسني انو انا مرته ابدا يحكيلي انتي مش مرتي انتي بس ع الورق وكان نافر مني ومش طايقني بالبيت وتحملت كل هاد لعل الله يحدث امرا ويتغير ويغير قراره انه بده يطلق بس للاسف اصر يبعتني عند اهلي وهوه يلي وصلني لعند اهلي ورجع ع بيته من دون ما يحكي شي لاهلي وبعد اسبوع بعت رجال يشوفوا شو طلب اهلي لانه بده يطلق وما بده اياني .... مع العلم اخدني بنت جامعيه واصغر منه ب11 سنه وشكلي عادي مو بشعه متل ما كان يحكيلي عمره 43 وعنده اربع اولاد .... وكان يقارن بيني وبين مرته هلا هوه بستنى لحته انا اقرر واحكي انه يطلق مشان يدفعلي مهري كاش بده يطلق بالتراضي ... بس انا حبيته وما بدي اتركه وهياتني الي شهر عند اهلي ولسه مو عامل اي شي ولا بحكي معي ولا مع اي حده من اهلي شو رايكوا نصحوني شو اعمل