ماما حلمت أنها كانت في مكه

السلام عليكم لو سمحت عاوزه افسر الحلم ده : ماما حلمت انها كانت في مكه وبتشتريلي جوانتي ابيض وشراب ابيض كانو عاجبنها وان الراجل كان طالب منها 60 ريال وهي مش معاها غير 40 بس فبتفاصل معاه فقوافق علي 40 وبعدين لما جات تديله الفلوس قالها لا مش هينفعش ومرضاش يدهمولها.. وفي حلم تاني كان من فتره انا عمري 21 سنه وانسه وحلمت اني في معرض ادوات كهربائيه للمطبخ يعني تلاجات وديب فريزر وكده وشوفت تلاجات كتير بيضه وفتحت تلاجه بيضه كانت كبيره وببابين بس كانت فاضيه من جوه وبعدين الراجل اللي كان ف المحل كان جاي عاوز يسلم عليا فانا اتعصبت وقولتله اني مش بسلم ع رجاله اعرفهم عاوزني اسلم عليك وطلعت من المحل وانا طالعه لقيت حاجه زي ديسك كده وعليه فلوس انا كنت بحسب ف الأول الفلوس دي بتاعتي ففتحت المحفظه بتاعتي وعديت فلوسي لقيتها كامله فعرفت ان الفلوس مش بتاعتي فقولت هرجع تاني اشوفها بتاعت مين ف وانا راجعه لقيت راجل طالع من المحل بيدور ع حاجه ف زي مااكون عرفت ان الفلوس دي بتاعته فقولتله الفلوس دي وقعت من حضرتك فقالي اه وادتيهاله ومشيت