حلمت أني مسافرة مع عائلتي

تفسير الاحلام
animate

انا كنت مخطوبه لشخص وسبنا بعض و في يوم كنت مخنوقه جدا وقولت اعمل استخاره وحلمت حلم طويل شويه ومحتاجة تفسيره كل حاجة فيه معلش .. حلمت اني مسافره مع عائلتي للترفيه ف قريه و بابا حاجز لكل شخص فينا غرفه وبعد ما كل شخص دخل اوضته انا لقيت الشخص اللي كنت مخطوباله ده جاي من بعيد وراجع من سفره عليا ف المكان اللي انا فيه ( هو في الحقيقه فعلا مسافر) وجالي وقالي اني وحشته جدااا انا مسكت ايده و دخلته الاوضه و ادتهاله قولتله اقعد فيها خدها قالي لا بباكي يزعل هو حاجز الاوضه دي ليكي قولتله لا هو حاجزها ليك انت خدها وخرجت من الاوضه رحت اوضه بابا علشان اقوله ان محمد رجع وانا اديته الاوضه قالي ليه كده احنا كنا قفلنا الموضوع ده قولتله انا هتكلم معاه ف كل حاجة يا بابا خرجت من اوضه بابا رحتله و اتمشينا سوا لحد ما جينا قرب البحر ف انا فجأه سبته و فضلت اجري اجري و هو يجري ورايا و بيحاول يلحقني لحد م جيت خلاص قرب المايه ولقيت نفسي بترفع لفوق و بطير زي الطائر و هو بيحاول يمسك رجلي ايدي بيحاول يلحقني لكن مش لحقني و دخل المايه و فضل يعوووم وكان فيه ف بدايه الشاطئ زي وسخ البحر اللي بييجي علي الرمله مع الموجه وانا شيفاه و هو بيعوم ورجعت تاني الشويه اللي عمتهم و نزلت رجعت تاني المكان زي يعني رجعت الفندق وكده لقيت بابا وماما و اخواتي بياكلوا و هو قاعد معاهم بياكل بس مدايق مني ومش عاوز يكلمني لاني طيرت و سبته ف بقوله مالك مش بيرد و فجاه لقيته قام ف بقوله رايح فين قالي داخل اشوف حاجة في حاجة بتحصل جوا قولتله في ايه ومشي ودخل زي طرقه كده يشوف فيه ايه جوا وانا فمت وراه اشوفه رايح فين وفي ايه لقيت ناااار ماليه الطرقه دي وانا شتها وبرجع لوا كده لقيت اهلي ورايا جايين ورايا يشوفوا في ايه وانا مسكت اخواتي وفضلت اقولهم اجروا اجروا لان النار كانت بتجري ورانا بظبط اللي ياخر خطوه واحده هتاكله النار واحنا بنجري كلنا وهيا ورانا وانا بقولهم اجروا روحوا نحيت البحر روحوا عند البحر و شغالين نجري و هو معانا و النار ورانا .. اتمني تفيدوني و تعرفوني ايه معني كل حاجة في الحلم تفصيليا معلش ...

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • مفسرة الأحلام - أ. خديجة محمد السلام عليكم ورحمة الله وبركاته ، طابت أيامكم وشكرا لثقتكم بحلوها . اللهم صل على سيدنا محمد وعلى اله وصحبه وسلم. افسر قدر ما فهمت ولا تساليني اكثر ترغبي بالجلوس معه ومعرفة ايه اخباره وماذا لو كان وكان القصه ا انك انت من ذلل له الصعاب حتى تتم الخطوبه ثم بدأت تتنصلي وتطالبي بحق الخطوبه بعيد عن التضحيه التي توقعها منك هو دخل البحر اي الدنيا بقرفها املا ان يصل اليك وانت بطيرانك يعني عدم التوازن باتخاذ القرارات عند لان الطيران تعالي ببعض الامور وعدم توازن بالقرارات وهو رضخ على تلك المشاعر ورجع الا ان نار الفتنه بينكم ويبدو انه ليس من بيئتكم قد اثيرت على كل لم يتضح ان كان سيعود ام لا لان النار لحقتكم كلكم

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟