حلمت أن والدي قد أوصلني بالسيارة

حلمت انو بابا بوصلني بالسيارة على مكان لأخذ فيه دروس بالدين والعلم فلما بوصل بنزل من السيارة وابكون منقبة بنقاب اسود نظيف كتير وبالحقيقة انا مالي منقبة فلما بنزل من السيارة بقللي بابا وهوي معصب وبخانق هلأ لا تتأخري واتبيني وجهك انا بعصب وببكي وابكون متدايقة من بابا كتير وابقللو فوق مالي حاطه نقاب ومو مبينة شي ولسا عم تقللي لاتبيني وجهك وبالحقيقة ابي كتير ظالمني من بين اخواتي بفكر فيني تفكير غلط بفكر انو انا يمكن عم بحكي مع واحد او بشوف واحد غير زوجي مع اني متزوجة وزوجي سجين وبدقق عليي اكتر من اخواتي لاتلبسي مشلح ولاتظهري صدرك ولاتطلعي ولاتروحي ومافي تشتغلي واكتير قصص مع اني والله بموت بزوجي وابحبو وماعندي هيك قصص والله شاهد وحاسه بالظلم من جهة والدي كتير حتى والدتي واخواتي لاحظو ظلم ابي لي . المهم بروح بدخل بلاقي نفسي بالمسجد النبوي الشريف بتطلع يمين ويسار ولفوق بكون فيه دور تاني من جوا المسجد وبكون فيه ناس كتير فوق وتحت وبكون فوق حاطين درابزين عشان العالم ماتوقع وبكونو بعض الناس يلي فوق واقفين ومتكئين عالدرابزين وعم يتفرجو عالعالم يلي تحت وبكون فيه مكان فاضي فوق عالدرابزين للرسول صل الله عليه وسلم وابقول هلأ بدو يطلع الرسول عليه الصلاة والسلام ويلقي فينا خطبه فبتذكر وابقول الرسول صل الله عليه وسلم ميت شلون بدو يلقي فينا خطبة وابقول معناتها احد الشيوخة بدو يلقي فينا الخطبة وابشوف ولد عم يصرخ بالحرم النبوي فالعالم بيقلولو اشششش وبخانقوه انو يعني اسكت هاد مكان مقدس ماحدا بيرفع صوتو