أهل خطيبي وعدوني بحل هذه المشكلة لكني محتارة وخائفة!

add_commentأضف إجابتك

thumb_downلم يعجبني0

مشكلتي صعبه جدا ويأست من حلها وراح اقولها بالتفاصيل بعد صبر سنوات كثير تقدم لي رجل متزوج اصريت ان اهاي يسألوا عنه فقالوا انه على خلق من خلال الرجل اللي جابه وانه يشتغل معاه من 11 سنه وانه على خلق ودين فقام هالشخص بالحديث عبر الهاتف فأخذه معاه بالسياره للشقه اللي راح تكون بيت الزوجيه ووداه بيت اهله وبيت جدته وقال له قول لها عن ظروفي الماديه واني شخص على قدي بكل شي المهم جا وقال لي اللي قال له على العلم اني مدرسه وعندي راتب وكل خواتي اللي اصغر مني تزجوا وصرت آخر وحده وقلت بنفسي مو مشكله اذا زين ويتقي الله فيني بوافق المهم بعد ماوافقت طلب رؤيه شرعيه وفعلا شافني وعجبته وسوينا تحليل قبل الزواج وبعد يومين من استخراج التوافق بينا ملكنا كل شي سريع حاولت أجل وقال خير البر عاجله و كان خجول وهو جالس جنبي فأستغربت منه وسألته ليش هالعجله فقال بعدين راح اقولك المهم ظل يجي بيتنا عشان يشوفني ويطلعني يوم الجمعه او ليلة الجمعه عشان اروح اشوف اهله وخواته ووداني اشوف الشقه فضاق خلقي منها كان يمليها الغبار والبناء حقها قديم جدا فقلت عادي وقلت له عدل الحمام وكان صغير حيل مايكفي يحط حوض للسباحه والحدران صبغها سيء والخشب طالع من الحدران فسكتت وقلت خلاص صبري الله ييسرها اهم شي السعاده وكنت سعيده بقوه غطت سعادتي على عيوبه الكثيره كان يمدح زوجته ويسوي نفسه انه اقوى وانه شديد وكل شي لاتسوي لا تلبسي وكنت اسمع كلامه ومر شهر وشوي وهو يشتري اغراض البيت بصعوبه ونلف اماكن كثيره وبالغصب يشتري الغرض وبأقل الاسعار وعلما انه ماعطاني الا دبله بدون شبكه وعطاني مهر 20 ألف ورضيت قلت مو مهمه الفلوس وكان كل ماقال ماعندي اشتري الاغراض من راتبي وقلت له لا تحط ببالك ولا تفكر انا راح اشتري اغراض المطبخ كلهم واغراض الحمام وفعلا اشتريتهم وقمت اخليه يودي الاغراض للشقه كل فتره شوي وبعد فتره رحت مع بنت اختي للسوق ومرينا سوق الذهب فقلت ابي اصغر الدبله فقال البايع ماتتصغر واذا صغريتها بتخرب فشفت مثل دبلتي فجاني فضول اني اسأل عن سعرها فكان سعرها رخيص بقوه فقلت شدعوه كل شي رخيص مسترخصني عنده لهالدرجه على العمل انه زوجته الاولى حاطها بشقه ملك وعندها كل شي المهم رجعت للبيت وانا حزينه حيل فأتصل وقال بجي فقال لي شفيك صاير شي مع اني اخبي دايما عنه الا انه طالع حزني على وجهي فأصر علي انه اقول له فقلت له بعدين وطلع فقمت وكتبت له عالواتس انا ودي بدبله جديده بس ادري انه ماعندك فعندها غاب 4 ايام لا يتصل ولا يرسل واتصل وارسل رسايل ولا يرد علي وانا خايفه ليش يسوي المهم يوم خامس اتصل وقال بنطلع اليوم فقلت له مسويه لك شي بسيط خلنا بالبيت وبعد مانخلص نطلع فقال طيب وكنت محضره له الكيك والموسيقى والشموع مادخل الا الشموع فقال شكرا بس انا ابي اقولك شي فقلت له انت مو زعلان قال خليني اتكلم قال احنا عالبر ولا لمستك واذا ماترضي بحياتي وتعيشي براتبي كل واحد منا يروح بحال سبيله وانه يمكن تظلي ايام ماتاكلي ولا تشربي فأصدمت وقلت له انا وافقت عليك ومالي حق اغير رأيي وظنيت انه خلص الموضوع وحسيت ان الرجال من يوم الدبله متغير وانه كل شي يصير بينا ونقوله يقوله لامه وخواته واخوانه واصحابه المهم مره جاني وكان حيل متضايق ولون بشرته متغير شبه اسود وجلس وهو يقول انه ماعندي فلوس اشتري باقي الاغراض فقلت الله ييسر لا تفكر فصارخ علي وقال انتي ماتفهمين شي باقي اشياء واجد وكنا محددين تاريخ الزواج وانه بيحجز الصاله وظل كل يوم بكره بيحجز وانه اقول له لازم تاريخ عشان احجز فستان الزفاف والصالون والحنه فيقول بروح بكره المهم ارجع لليوم الأخير لجيته ظل نص ساعه وقال بطلع اشوف اذا بيجيبون الثلاجه فطلع ونسى جواله وكان ماعندي اي رقم من ارقام اهله سواء امه او خواته او اخوانه فجلست انتظره يجي ياخذ جواله فجا ضرب الجرس وعطيته الجوال من ورى الباب ماكان ببالي انه هذا آخر يوم بشوفه وانه ناوي يعذبني المهم رجع اختفى اسبوع مايتصل ولا يرسل ولا يرد على اتصالاتي ولا رسايلي فقلت يمكن زعلان فأتصل وكنت بالدوام وانافرحانه انه دق واقول اشتقت لك وينك فقال انتي قلتي هالكلمه 2مرتين والكلمه الفلانيه قليتها 3،مرات المهم بعدها قال انا حاس ان حتى الشقه مو عاجبتك حسستيني انك عايشه بقصر وكان كل ماانزنق قال انتي بيت اهلك وانا عند اعيالي وبعد هالمكاله خلاص ماسمعت صوته وهذا الاسبوع الثالث وكنت بالاسبوع الثاني لما مليت قلت لولد اختي يتصل فيه فرد وقال له بكره اكلمك وباليوم الثاني دق وقال لولد اختي تعال بالمكان الفلاني نتفاهم المهن راح له ولد اختي وجلس يحط الاغراض والهدايا بسيارة ولد اختي وهو متفاجأ فقال ولد اختي شنو صاير فقال له مابي خالتك تتطلب علي واذا تزوجتها شهر شهرين وبتجلس تتطلب علي وانا ماعندي واني بطلقها وانها قهرتني طقت علي كلمه قويه خلتني اصيح مانمت طول الليل فقال له ولد اختي شنو تطلبت عليك فقال 3 سلال زباله ونعلتين فقال له وهذه الطلبات تستدعي الطلاق وكلمته اختي وشتمها وقال لها هى بنتي اصبر عليها وانها ماتسمع كلامي فجلست اصيح انهرت ورحت بيت اخته اللي فيه شقتي المفروض وطلبت منها تتصل فيه يجي عشان نتفاهم دقت مرتين وهو يصارخ عليها ويقول لها ماراح اجي خليها تطلع وقال لها ليش تفتحي لها الباب فقالت له العيال رايحين البقاله وخلوا الباب مغتوح فدخلت فقال خليها تطلع ولد اختها ينتظرها فنقهرت حدي شنو سويت انا حتى يسوي فيني كل هالشي فطلع الرجال خايف من مرته وضحى فيني ورحت بالامس لاهله ابي اشيل همه عن قلبي فأنا تعبت معلقني لا هو مطلق ولا هو راجع فقال ابوه صبري هو يحبك ويبيك كام يقول لاخوه انه مبسوط معاك بس الظاهر قلبته عليكي عشان يكرهك ومحتار شنو يسوي موقادر يطلقك ولا قادر يوجعلك واننا نحبك ونبيك تصيري زوجه لولدنا وراح نحلها وانا محتاره شسوي ساعدوني
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • مدربة حياة ميساء حموري
    مدربة حياة ميساء حموري verified_userاهلا عزيزتي اقدر فرحتك بالزواج والاستقرار ولكن انا ضد افكارك وطريقه تقييمك لنفسك مع هذا الرجل فهل انت بحاجه فعلا لهذا الزواج لدرجه انك تتنازلي عن كل حقوقك ومطالبك العاديه اليوميه وتتزوجي هذا الرجل الذي لا يملك لك مالا ولا بيتا مناسبا ولا مشاعر ثابته ولا مراعاه لمشاعرك ومتطلباتك ؟؟؟؟ وهو بصراحه يتصرف معك بهذه الطريقه لانك منذ البدايه لم تدافعي عن حقوقك ورضيت بالقليل اليسير وانا لا اعرف لماذا !!!!! انت تعيشين بين اهلك وتعملي وتعيلي نفسك فما الذي سيرميك لحياه الفقر والضين والمشاكل مع رجل فقير ، متزوج ولديه اولاد ، ويخاف زوجته ؟؟؟؟؟!!!!! ليس المهم ما قاله اهله بل المهم ما تصرفه هو معك انا لا انصحك ابدا بهذا الزواج لانك ستتعبين كثيرا فانتبهي .
  • صورة علم Algeria
    صورة علم Algeria
    مجهول
    كلمة واحدة قالها الحق سبحانه "و "عسى ان تكرهوا شيئا و هو خير لكم "يعني يغلق باب ينفتح باب اخر قولي يا رب و خليه هذا يروح بحاله
  • صورة علم Saudi Arabia
    صورة علم Saudi Arabia
    مجهول
    أنا قريت المشكلة حرف حرف والله يكون بعونك (( شوفي يا أختي يقول الله عز وجل وجعل بينكم مودة ورحمة ... الايه )) بصراحة مافي توافق بينكم أوك فرحتك بالزواج وبعد صبر طويل وطبيعة حياتنا أنه اذا تأخر النصيب نرضى بأي شي ولكن هذا الرجال وللأمانه ما ينفع لعدة اسباب مو قادر يفتح بيتين _ مافي استعداد تام لتقبل فكرة الزوجة الثانيه _ مو قادر للمواجهه والصراحة التامة - أنا أنصحك تكوني عقلانيه بالأمر بشكل كبير لا ترخصي نفسك وبيجيك ان شاء الله أحسن منه حاولتي وصبرتي وبيض الله وجهك على مساعدتك للرجال من تأثيث المطبخ وخلافه ولكن كمان للأنسان كرامه وحق وخطوط ممنوع تجاوزها خلاص لهنا والله يستر عليه وبيجيك نصيبك __ معليه اختي القرار راح يكون صعب ولكن من البداية ولا عيشه اهانه وصراح ويعتمد عليك وعلى راتبك ربنا يهدي بالك ويختار لك الطريق الخير اينما كان
  • صورة علم Saudi Arabia
    صورة علم Saudi Arabia
    مجهول
    يروح ومايجي الله الغني عنه جالس يدلع عليك وكمان انتي الزوجه الثانيه انتي المفروض تدلعي عليه ويجري وراك....ربي يعوضك خير وخليه يطلقك وراسك مرفوع اختي
  • صورة علم Oman
    صورة علم Oman
    مجهول
    حالتك تبكي .. أنتي تريدين الستر و العفاف و السعادة بأي طريقة لأنك كبرتي في السن لذلك وافقتي على هذا الرجل رغم كل عيوبه و سلبياته و هو ذكي عارف بمدى احتياجك له أو للزواج لذلك يتعمد اهانتك و اذلالك .. احفظي ما تبقى لك من كرامة أختي و اتركيه أنتي قبل ما يتركك نهائيا أو يطلقك بعد الزواج بفترة بسيطة بعد ما ينهب منك مشاعرك و كرامتك و مالك أيضا ..
  • صورة علم
    صورة علم
    مجهول
    ما بدك ايااااااااااااااااه ولا يلزمك هو بحب زوجته الاولى وما بحبك ولا بدو اياكي خليكي عند اهلك افضل الك
  • صورة علم
    صورة علم
    مجهول
    ولشو كل هادا يعمل معك هيك يا اختي الي خلقه خلق غيره كتير ما بدك اياه ولا بدك الزواج منه عيشي بكرامة افضل الك بكرة ابن الحلال راح يأتي الك ويسعدك ويهنيكي وتندمي على شي فات
  • صورة علم
    صورة علم
    مجهول
    انصحك يا اختي كرامتك فوق كل شي تبقي في بيت اهلك معززة ومكرمة افضل بكثير من زوج مش مقدرك ولا محترمك وراح يفضل مع زوجته الاولى ومبسوط معاها ويتعامل معك معاملة سيئة لا يا اختي كرامتك وبس .
صورة علم United States
أضف إجابتك على السؤال هنا