صورة علم Occupied Palestine
من مجهول
منذ 8 شهور 4 إجابات
0 0 0 0

كلما تكلمت مع أهلي يأخذوا الأمور بسخرية، كيف أقنعهم برأيي؟

السلام عليكم، الصراحة لو احكيلكم مشكلتي من اولها لاخرها ما بخلص وما عندي اعصاب، كل مشاكلي متعلقة ببعضها اساسا، لهيك رح اختصر واحكي واحدة منهن. كيف اقنع اهلي اسافر لحالي؟ مش كثير بس كم يوم هيك اتريح ابعد عن الكل عن كل اشي عن الروتين المقرف عن وحدتي الي زهقتها هون(عندنا كل قراباتي بسافروا لحالهم انا بابا بخلينيش) هسا رح تقولولي بخاف عليكي او حرام او شي بس لا من نظرة ثانية انا كثير مواقف بتصير معي بحس انه ما بيوثق فيي:( مع اني دايمًا لحالي ونادرًا ما اطلع حتى اهلي مش كثير بشوفهم دايما بغرفتي مش عارفة ليش هيك بصير بحياتي ملان شغلات... وكان حلم حياتي اطلع اتعلم الجامعة برة واشتغل برة او هون مع اجانب، بس كمان نجبرت اضل هون وافوت موضوع مش عارفة عن شو بحكي اصلاً، الموضوع الي كنت حاببته ما في متله بالجامعات عندنا :( انا وصلت حالتي النفسية وضع انا مش قادرة اتحمله، صرت اخاف من نفسي ع نفسي كثير.. بحس اني كثير بحاجة اتنفس اطلع لحالي(مع العلم كثير بحب اطلع لحالي ما بحب اطلع مع حدا ولا حتى العيلة) كثير نفسي اسافر لحالي، يعني انا بقول الحياة تجارب وبس ربنا بعرف وينتا رح نموت وانا مش حاسة اني عاملة اشي بحياتي، الحياة مش بس تعليم وجامعات ومدارس، وينتا انا بدي اعيش؟ لما انا هسا معي هاي الفرصة لي ما استغلها؟ لي ما اعيش واجرب واعتمد عنفسي؟ واجرب ابعد لحالي... وانا عندي لغة كمان بعرف ادبر حالي محل مبدي اروح... كل ما افتح مع اهلي الموضوع بياخدوا بمسخرة بس انا بكون كثير جدية... اسفة اني طولت يمكن في اشياء ما وضحتها واكيد ناس تفهم غلط... اعطوني طرق احكي معهم، لعلي استفيد منكم...