صورة علم Egypt
من مجهول
منذ 6 شهور 12 إجابات
0 0 0 0

تسلط وانانية خطيبي تزعجني

وازلام عليكم ارجوكم ساعدوني انا تعبانه هموت مش عارفه اعمل ايه انا فتاه مخطوبه بقالي سنه وباقي شهر واتزوج وعمري 24عام كنت مخطوبه قبل كده ومفيش نصيب واي علاقه كنت ادخلها كانت تفشل ولكن خطيبي حاليا هو جواز تقليدي انا مع الوقت حبيته واتعودت عليه وهو ايضا كان بيقولي انه بيحبني وفضلنا فتره كبيره جدا انا لا اري غيره واخاف ع زعله وازعل من اي حد يكلم عنه وراعيت ظروفه في كل الامور في الشبكه وطلبات البيت انا عندي عيب في شخصيتي انا عصبيه لكن عند الحق وبعرف اتحكم في هذا العيب اعرف انه عيب من اقوي العيوب في اي سيده او فتاه لكن مكنش بيظهر مع خطيبي الا في الفتره الاخيره عندما بدءت تظهر عيوبه وتسلطه ايوه هو بخيل اعلم ان ظروف الحياه الصعبه واقدر ده لكن لاقيت انه مش بيهتم باحتياجاتي ولا بيحاول يهاديني انا مش بطلب حاجه ومقدره ظروفه ومع الوقت اكتشفت انه شكاك وبدء يبعدني عن اصدقائي واقربائي واكتشفت ان راي ليس مهم بالنسبه له حتي في امور بيتنا كان يستشير امه واخ.اته في جهاز المنزل وانا اخر من يعلم والاكبر من كده انه اناني يحب نفسه ويدور ع راحته هو فقط عندما بدءت اواجه ذلك وانتقضه واقوله انت غلط بدء في الملل مني واخر المطاف حتي فستان فرحي من المكان اللي هز عايزه علشان هيوفر فيه ولا انتي قلبك مش عليه واخر كلام انا زهقت منك خلاص ولازم نبعد عن بعض ولكن امه دخلت وامي وقالي نبدء من جديد وطلب مني اني اسمع كلامه ولو عملت اللي يرضيه حتي لو فوق استطاعتي هو هيكون كويس ويديلي عنيه وقال الكلام دعه حرفيا لو يوم طلبت منك حاجه فوق طاقتك هتوافقي ساعتها هكون ملاك انا تعبانه جدا ومش مرتاحه خالص لتسلطه وانانيته حاسه انه عايزني خادمه فقط لا غير المصيبه الكبري اني احببته كثيرا واقول طيب ده نتيجة عصبيتي ولا ايه انا خلاص مش عيزاه بس بحبه