صورة علم Saudi Arabia
من مجهول
منذ 7 شهور 10 إجابات
0 0 0 0

مشكلتي مع حقد والدي الغير مبرر

السلام عليكم بقول مشكلتي مع حقد ابوي علي انا ما أدري وش يقصد يحبني ولا ينقهر من راحتي ولا وش السالفة المهم بعطيكم القصة : انا السنة ذي تركت المدرسة لأسباب نفسية مستحيل أحد يفهمها ارجع و اقول مستحيل أحد يفهمها مجرد التفكير في اني بدوام بكرا يجي أحساس اني منخوق من كل الجهات و فيه مكان قلبي يجيني شعور مؤلم جدا و سالفة طويلة و محد راضي يصدقني و اذا قلت لابوي يقول هذا وسواس شيطان و انا ما أقدر ادرس مستحيل اتحمل ذاك الشعور و هو الحين حاقد علي اذا شافني العب العاب إلكترونية و فرحان و اظحك يجي و يقول قم و رح نظف الغرفة يقولي قاعد تلعب و تارك المدرسة و يسب فيني و المصيبه ان نفسيتي مره تعبانه عشان نفس السنة ماتت أمي الله يرحمها و اذا اخوي يلعب ما يقول له شيء لكن انا ينشب لي و يقول قم نظف و تعال سو كذا و شيل كذا أحسه مغبون مني مره يعني حرام علي السعادة ولا وش السالفة؟ دايم يخليني استغفر الله اكرهه و أتمنى أنه يموت استغفر الله لكن هو يخليني أفكر كذا و انا قاعد أحاول اتجنبه قدر المستطاع لكن هو يتعمد يتدخل فيني و كل شيء ولله تعبت وش ذا انا انا مراهق يعني فوق موت أمي و التقلبات النفسية عند المراهق يجيني ابوي من تحت الأرض و ما يبيني افرح و دايم يأخذ مني الجهاز حق الألعاب اذا لعبت يعني ليش انا وش مسوي لك؟ حرام عليك ياخي و يقعد يقولي يا حيوان يا كلب بس تلعب و تارك المدرسة و انا اذا سمعت اسم المدرسة يجيني شعور مميت بمعنى الكلمة في قلبي أحس فيه في قلبي فا عطوني رأيكم وش اسوي معاه حاولت اتناقش معه بهدوء و بدون صراخ لكن يقولي ازعجتني و المصيبه ان هو اللي يجي يفتح نفس الموضوع ما يفع معه التفاهم وش اسوي؟