صورة علم Egypt
من مجهول
منذ 10 ايام 11 إجابات
0 0 0 0

أخاف أن يكون خطيبي مثل أبيه تماماً

سلام عليكم من فضلكم عندى مشكلة ومحتاجة اسمع اراكم وراى علمى ونفسى للى يقدر .... انا مخطوبة لإنسان كويس الحمدلله بس فى مشكلة مضيقانى انه سعات فجاة يتغير او مزاجه يتقلب لمدة يوم او اتنين ... زائد انه طوووول الوقت سواء كويس او لا بيعمل حركات لاارادية وهو قاعد زى انه يقعد يحرك ويهز فى رجله كتيييير يقعد يلعب فى شعره او انفه او دقنه ... انا بحس ان دة كله توتر وبيوترنى انا كمان لفت نظره مرة او اتنين بس مفيش فايدة يقولى وايه المشكلة انا مش متوتر عادى ... فيه حاجة بقى طول الوقت عملالى هاجس ومخوفانى ... وهى اهله ... اولا انا مليش تعامل معاهم خاااالص هى والدته ست طيبة جدا وبنكلم بعض فى المناسبات بس واخته كمان كدة ... والده بقى مش بتعامل معاه خالص ولا حتى مكالمات ... هما أسرة منطوية جدداااا على نفسها مش بيزوروا حد ولا حد بيزورهم دة طبعهم ومش اجتماعين ... بس الى بحسه دايما السبب هو والده بحس انه عنده مشكلة نفسية معينة اثرت على حياة الاسرة كلها .. لان والدة خطيبى ست طيبة جدا وبحسها اوقات بتبقى مش مركزة او حاسة بارتباك ... انا حاسة ان زوجها الى هو والد خطيبى السبب فى دة .... المرة الوحيدة الى شوفته فيها وقت ما اتقدملى وكان قاعد مش بيبتسم حتى واحنا اتقلنا لما سألنا عنهم وقتها انه فعلا عنده ظروف خاصة .... بس انا لحد دلوقتى مش قادرة افهم تحديدا فى ايه غير انه فعلا مصاب بمرض نفسى معين ... حتى هو مش بيساعد خطيبى فى اى حاجة عموما فى حياته مش بيدعموا نفسيا دايما بيحبطوا ونادر جداااا لما يدعموا ماديا مع انه قادر ..... اسفة للاطالة بس انا مشكلتى دلوقتى انى خايفة جدا خطيبى يبقى زى والده ... ويبقى عنده اضطراب معين انا مش شيفاه ... وخصوصا انى كل ما اكلم والدته فى التليفون اقعد اقول انا استحالة اعرف اعيش عيشة دى وانى اعيش مع حد يطفينى بالشكل دة ويوصلنى للى الست دى وصلتله .... انا مبقتش قادرة احكم على الامور .... افيدونى