صورة علم United Arab Emirates
من مجهول
منذ شهران 14 إجابات
0 0 0 0

لا أستطيع السيطرة على شخصيتي أعامل أبنائي بقسوة بلا وعي

السلام عليكم انا عندي مشكله اني، مش عارفه، اصنف شخصيتي وشو انا وهاد الشي،مخليني ما اعرف اسيطر ع جالس وافكار ي ومشاعري من وانا طفله وانا امي الله، يسامحها كانت تضربني كفوف ع اي غلط ع اي،شي تافه ما عندها حكي ولما صار فيني تغيرات المراهقه والعاده الشهريه ما حكتلي وانت اتفاجات وخفت وانصجنت وضليت فتره عبين ما قرأت عن الموضوع وافهمت وضليت خايفه وبطريقه ما ماما عرفت وصارت تتعامل معي كاني بمرحله مراهقه وبتعرف ع الف شب مع اني والله


ما حكيت مع حدا الحين طول فتره المراهقه من عمري ١٤ لل ٢٢ وانا عايشه وامي شاكه فيني يعني لو اروح الحمام الله يعزمكم تلحقني تتسمع علي او قاعده بالغرفه بقرا مجله تفوت علي واحكيلي مع مين بتحكي انا عارفه انو هي خايفه علي بس هاد مو تصرفات وحده خايفه انتي ما سويتلي اشي، بحياتي غير أعطتيني طاقه سلبيه صرت اكره حالي واحس اني عيب ع الناس كل اشي بعملو غلط وما بيعجبك انا الغبيه الكسولع الي ما عندي شخصيه للعلم عندي ٥ خوات بس انا الوحيده الي شخصيتي حساسه وماما ما عرفت تعامل معي وهاد الشي خلاني دايما في حاله انفعال وصراخ وغضب لاقصا حد وما عندي اي معلومه عن التعامل مع البشر او كيف، اسيطر ع مشاعري لانو ببساطه اي تغيير فيني كان رح يبين اني عامله شي او او او او المهم كبرت وفتت كليه تخصص مقرف بكره بكره وحكيت ل ماما بدي ادرس تخصص تاني ما وافقت ليش طيب شو السبب جوابها خلص مزاجي هيك المهم اتخرجت وقعدت بالبيت من عمر ١٩ ل ٢٢ اقسم بالله من طفولتي ومراهقتي اتولدت عندي عقد مش عارفه، شو هي اتخيلو طول ٣ سنين كان يومي كالتالي اصحا افطر واروح ع الكمبيوتر العب شده او احضر فيلم كوميدي مكرر حاضرتو مليون مره واقوم اتغدا وارجع انا واروح اتعشا واسهر وارجع انام كنت شخص كتير، كئيب ححياتي روتينيه احس الكل بيطلع علي بيحزن مع اني بضحك ويبتسم بي كأنهم حزنانين ع حالي وانا مطنشه حكيت لماما وبابا اكتر من مره بدي اروح اشتغل او اسوي اشي، بحياتي يعني ليه خلص هي في اكل طيب بدي اروح انا عندي احتياجات لا ما في شغل بالبلد المهم ضليت بحياتي الروتينه اجا نصيبي وتزوجت وسافرت ع الإمارات بلد رائعه بتجنن مبسوطه كتير بس المشكله انو انا عايشه، بقفص جوا مخي وعقلي و قد ما حاولن اطلع دايما في تحبيط جواتي او كأني مبرمجه ع كلمه لا رح تفشلي لا لا تسوي لا غلط وقد ما حاربت حالي ع الفاضي الحين عندي ولدين عمرهم ٣ نسين واحد سنه ونص بس حالتي حاليا اني ابني الي عمره ٣،سنين بتعامل معاه من غير ما احسب ع اي غلط اضربو بشكل هستيري كانو عامل جريمه وامز شعرو واخبطو كفوف اقسم بالله بكتب وانا كرهانه حالي او بعيط انو ما احقرني وابني التاني الطفل ما بحكي معاه كتير لانو بيفضل ابوه عني وهاد شي عادي عندي مريحني ع اساس وزوجي بسب عليه وبضربو و بكفر عليه ومره طلعت ع الحاره وصرخت عليه وما كان هاممني اشي بالدنيا وصلت ل مرحله اني مربمجه بطريقه غلط قليله أدب الساني طويل والمشكله برا البيت بتلاقيني زي البسه مش عارفه اتعامل مع حدا وانا بعرف هالشي من خلال تعامل اكتر من مره مع العالم الخارجي والمشكله اني ما بحس اني غلطانه لااا بالعكس، بحس ب لذه واني بدي انتقم من العالم كلو وانو انا هيني قدرت احكي كلمه لا وبديش بس بطريقه غلط انا ما الي حد بهدنيا كرهانه حالي وشكلي وجسمي وكل ما افكر أصلح اشي، جواتي مش عارفه من وين ابدا ساعدوني امانه اقسم بالله بعيط

أضف إجابتك

صورة علم United States
السؤال التالي