طليقته هي من قامت بخطبتي فهل أوافق

add_commentأضف إجابتك

thumb_downلم يعجبني0

طليقته هي من قامت بخطبتي فهل أوافق
لو سمحتو انا مشكلتي غريبة شوية بس ارجو الرد بسرعه عليها انا بنت عندي 20سنه وفي تانيه كليه طب المهم انا وواحده صحبتي نزلنا اجازة في محافظة تاني غير القاهرة اللي عايشين فيها ورحت هناك اعمل جلسات في اسناني وكان بيعمهالي دكتور ودكتورة وكنت بروح مع صحبتي والجلسات كانت بتطول شوية فكنا احيانا وسط الجلسات كنا نتناقش انا وصحبتي والدكتور والدكتورة واي ممرض مثلا عن اي قضية سياسية او اجتماعية مشهورة او نتكلم عن تجارب علمية والمواد اللي بناخدها كدكاتره مع بعض وانا حقيقة بحب اعمل ابحاث في الطب وعندي شغف في الموضوع المهم ان احنا كنا بنتكلم عادي مش في امور خارجه نهائيا المهم بقي لاحظت ان الدكتورة دي بتفضل تسألني في الاستراحات بين الجلسات عن اسئلة كتير زي مثلا انا عايشه فين وبابا بيشتغل ايه وحاجات غيرها شخصية حتي صحبتي كانت بتستغرب اسئلتها والموضوع دا بدا من الجلسة الرابعة تقريبا المهم خلصت الجلسات ورجعت القاهرة تاني ودا بعد جلسات كتير تاني ليا ولصحبتي وبعد فترة طويلة شوية لقيت رقم غريب بيتصل بيا وفتحت ولما لقيتها بنت رديت وقالتلي انتي فلانة قلتلها ايوة انتي مين قالتلي انا الدكتورة اللي كنت بعمل جلسات ليكي فانا افتكرتها علي طول من صوتها وبعد ما اتكلمنا شوية قالتلي انا هقلك علي موضوع بس مش عايزاكي تتخضي واسمعيني للاخر علشان تفهمي فقلتلها تمام فقالتلي بصي انا والدكتور اللي بيعملك جلسات كنا متجوزين زمان وبعدين حصلت بينا مشاكل هقولهالك في الاخر خليتنا نتطلق وخلت علاقتنا وحشه مع بعض (ودا كنت ملاحظاه اثناء الجلسات انهم مش بيكلموا بعض خالص وحتي لما كنا بنتكلم كانوا مش بيوجهوا كلام لبعض نهائيا المهم قالتلي انه اعجب بيا وبشخصيتي وبفكري وكمان باحترامي واخلاقي وانه مرضيش يكلمني علشان مش عايز يدخل معايا انا في اي علاقة حتي بمكالمة خارج اطار شرعي كخطوبة اوجواز وانه قالها عايزك في معروف تقدمهولي اخير وهو انها تحاول تعرف مني اي حاجه علشان يعرف يوصلي ويدخل البيت من بابه وهي وافقت علشان هي عايزة ترضي ضميرها بسبب ظلمها له فعلشان كدا كلمتني علشان تسألني ان كنت هوافق عليه ولا لأ علشان ميحطش نفسه في موقف محرج المهم انا اتصدمت علشان مش مقتنعه منين علاقتهم وحشه ومنين بتجيبله عروسه فقلتلها انا حقي اعرف انتوا ليه اتطلقتوا فقالتلي ان دا كان بسببها علشان هي مكانتش عايزاه واتجوزوا جواز صالونات وهما يقربوا لبعض قرابة مش بعيدة قوي وهي كانت عايزة تتجوز حبيبها لكن اهلها مرضيوش يستنوا لحد ما حبيبها يجهز واضطرت تتجوزه وهي مكانتش عايزه تحمل منه علشان عندها امل حبيبها يرجع وحملت منه مره واجهضت الحمل من وراه ولما عرف زعل منها وهي راحت عند اهلها بس مقالتش علي السبب وبعدين لما اهلها عرفوا اعتذرلوا له وقالوله انها صغيرة وخايفه من الحمل وبعدين رجعوا وعرفت ان حبيبها خلص وكلمها وقالها انه جاهز فكانت بتاخد حبوب منع حمل ولما جوزها عرف كلمها وقالها انتي ليه خايفه من الحمل فقالتله انا مش خايفه انا مش عايزة اتجوزك وهتجوز حبيبي ومش انت اللي جوا قلبي فطلقها وراحت لاهلها انه مش بيعاملها كويس بعد ما استمر جوازهم سنه ونص فاهلها اقتنعوا وبعدين اتقدملها حبيبها ووافقت وهما حاليا مخطوبين لكن هي حاسه بتانيب ضمير لانها سودت منظره وقدام اهله ومحدش منهم يعرف الحقيقة فعلشان كدا لما قالها علي الموضوع وافقت وكمان قالتلي انه حاليا بيفتح فرع في القاهرة ومش هيشتغلوا مع بعض تاني المهم انا طبعا استغربت جدا ومكنتش مصدقه وحاسه اني مش عارفه اجاوب وحقيقه مش عارفه ليه بس قلتلها سيبيني افكر واكلمك وهي وافقت فانتوا ايه رايكم هل اوافق واسيبه يتقدم ليا واشوفه فترة الخطوبة ولا ايه وانا لما كنت بعمل عنده جلسات كنت بلاحظ انه بيغض بصره وبيخلي الدكتوره هي اللي تلمسني مش هوا غير لو مضطر وكله كان بيقولي روحي عنده علشان محترم المهم هي كمان قالتلي في اخر المكالمه ان في حاجه عايزة تحذرني منها وقالتها هي وبتضحك انه وسيم ولو بتغيري مش هترتاحي فانا ضحكت وقلتلها سبيني افكر ارجوكو انشروا المشكله بسرعة وكمان حاجه نسيتها وهي انه عرف عمي لانه دكتور وهيطلب منه رقم بابا دا لو وافقت وكمان هي قالتلي علي حاجات تاني كانت سبب في طلاقهم بس دا حصل بسببها وهو برئ وكمان قالتلي انه مش بيكلمها خالص ومعني انه اتنازل وكلمها علشاني انه بيحبني اكيد وشكرا جدا واسفه علي الاطاله
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • خبيرة تطوير الذات د. سناء عبده
    خبيرة تطوير الذات د. سناء عبده verified_userاهلا بك يا ابنتي واضيف على ردك بان مشاعر والدتك صحيحة وهي تقارب ما قلت لك ان الأمر غير مطمأن بخصوص الطليقة وان هناك الكثير مما يجب معرفته وخاصة انه لا يزال يعمل معها في عيادة واحدة ويطلب منها ان تطلبك له للزواج. على كل حال انا اوافق كما قالت والدتك ان يسال عمك عنه ويتقدم لك رسميا ويطلب والدك منه كشف كل الاوراق لانك حقا لم تسمعي من طرفه وبالطبع سيقوم بالتحقيق في امره وليس فقط السؤال العام عنه فهذا زواج وحياة. لذا توقفي انت عن التفكير بالأمر وارجوك ان لا تتواصلي ابدا ابدا معه في هذه المرحلة ويجب ان تبقى امك على اطلاع باي جديد يحدث فربما يكون امرا بسيطا بالنسبة لك ولكن هو قضية لها قيمتها عند امك. اكثري من الدعاء ان يقدم الله لك الخير والصالح واكرر يا بانتي الزواج قسمة ونصيب، وان رغبت باي راي او مساعدة في اتخاذ قرارك بعد ان يتقدم لك انا في الخدمة، فقط ارسلي لي رسالة تالية وارد عليك فورا وربي يوفقك ويهدي بالك يا ابنتي
  • خبيرة تطوير الذات د. سناء عبده
    خبيرة تطوير الذات د. سناء عبده verified_userاهلا بك يا ابنتي ونصيحتي لك اتركي الامر كله فالقصة يلفها الغموض ولم اشعر بالراحة وانت لا زلت صغيرة وامامك سنين دراسة طويلة ولا اعتقد ان هذا هو الوقت المناسب للزواج، واعلمي ان الزواج قسمة ونصيب وانت لست مضطرة على هذه العلاقة انتظري لتنضجي اكثر وتصبحي اكثر وعيا وتاخذي شابا مناسبا لك وقريبا من العمر والفكر والتجربة. واكرر الزواج قسمة ونصيب ولا تعلمين اين نصيبك ولكن لم اقتنع بامر ان تقوم الطليقة بالخطبة لتكفر عن ذنبها بانها طلقته لتتزوج حبيبها!! وما الذي يجبرك ان تخوضي في هذه التجربة والعلاقة، نصيحتي لك ركزي اهتمامك بدراستك وانت شابة طبيبة وذكية والمستقبل كله امامك فانظري للامام وتابعي حياتك وان اردت معرفة الجواب الصحيح تكلمي مع امك  واسمعي رأيها ثم قرري وربي يوفقك.
  • صورة علم United Kingdom
    صورة علم United Kingdom
    مجهول

    بسألك سؤالعندما الإنسان يعرف ان زوجته تريد أن تتركه لأنها تعشق شخص آخر هل يعمل معها في نفس المكان؟ كيف لا يتواصل مع طليقته برسالتك وأنه بعد ثم أخبرها ان تتكلم معك من أجل الزواج؟ لماذا لم يترك طليقته وما زال يعمل معها؟ عزيزتي في القصة بعض من الغموض وكثير من معلومات الغير منطقية انتبهي لحياتكوفقك الله إلى كل خير 

  • صورة علم Egypt
    صورة علم Egypt
    مجهول

    تفاصيل مريبة جدا ......لا تنبيء بخير وقصة زواج وطلاق وصداقة مش راكبة خالص

  • صورة علم Saudi Arabia
    صورة علم Saudi Arabia
    مجهول

    نصيحة لله الباب اللي يجيلك منه الريح اقفله واستريح  انا شخصيا غير مستريح للقصة أو للفيلم القصير اللي تم سرده  ومش فاهم الصدفة جمعتهم للعمل مع بعض وهل دا عيادة خاصة أم مستشفي خاص الحدودته مش داخله دماغي وبحاول اقلبها يمين وشمال وشرق وغرب مفيش انك تبعدي عنهم نهائي

  • صورة علم United Kingdom
    صورة علم United Kingdom
    مجهول

    ..اتركيه..الموضوع غير طبيعي ومعقد....لاتوجد مسرحيه بهذه الصوره..اكملي ودراستك    اهتمي بها......يبدو انكم ناس طيبين بزياده وبسطاء.....اتمنى لك التوفيق......

  • صورة علم Poland
    صورة علم Poland
    مجهول

    يلي فهمته من ردودك داخل الرابط الموضوع صار عند ابوك وواضح جداً انه عاجبك الدكتور .برغم قناعتي  بدري عالارتباط والانشغال به لانك ببداية الدراسة والزواج ومسؤلياته +دراسة الطب صعب شوي إلا اذا كنت متمكنة من امكانياتك وبما انه عاجبك الدكتور وسمعة اهله كويسة استخيري واتركي الموضوع يمشي وحده بترتيب الله خصوصا صار ربط كلام بين ابوك والعريس للقاءقريب فيما بينهم   واتركي والدك يتحرا عنه اكثر ولا يعتمد فقط على كلام الدكتور نفسه.بالتوفيق والخيرة يادكتورة.

  • صورة علم Netherlands
    صورة علم Netherlands
    مجهول

    الرجل حابب يدخل البيت من بابه و ووالدك و اهلك ربنا يطول فى عمرهم بستيعين الاستعانة برايهم الموضوع لا بسنحق تنشريه فى موقع عام كهذا و خصوصا انك لاحظنى حسن اخلاقه بعيتك الشىء الوحيد فى الموضوع انك فى طب و هى كليه تحتاج تفرغ كامل اذا اردتى فعلا ان تصبحى طبيبة و اذا اردتى الزواج فعليكى التفكير مليا فى موضوع استكمال تعليمك 

  • صورة علم
    صورة علم
    مجهول

    انا صاحبة المشكلة  انا هقولكم علي اخر تطورات المشكله انا كلمت ماما زي ما انتوا عارفين وصليت استخارة كتير انا وماما المهم بابا كلم عمي وسال عن الدكتور فقاله انه يعرف والده و هو شخص محترم جدا وبيشتغل في المجال الطبي لكن مش دكتور وهو انسان خلوق ومن عيله كبيرة في سينا وناس كويسين وبعدين بابا قاله طب تعرف ابنه فعمي قال اعرف ان ابنه دكتور وحضرت حفل تخرجه وزرتهم مره وحقيقه مسمعتش عنهم غير كل خير وبعدين قال لبابا انت بتسأل ليه فبابا قاله اصلي عايز يتقدم لبنتي و كده فعمي قال والله احنا نتشرف ان احنا نناسب عيلة زي كدا وبعدين عمو قاله انت عارف انه مطلق فبابا قاله ايوة اعرف وساله انت تعرف السبب فعمو قال لا والله معرفش بس سمعت من ابوه انه اتطلق المهم بابا قالي علي اللي قاله عمي وقال لماما وقال ان رايه ان هو ياخد رقم الدكتور من عمي علشان عمي يقدر يجيبه من رقم والده واني اقطع علاقتي بطليقته علشان مش مطمنلها المهم انا وافقت وبابا قالي انا هكلمه واعرف منه حاجات كتير وبعدين نبقي نتقابل واشوفه كويس وقالي بصي انا عايز مصلحتك ولو لقيته مش مناسب هرفض ومش عايزك تزعلي لان دا هيكون لمصلحتك لانك بنتي وطبعا نفسي افرح بيكي بس لازم يكون جوزك اللي هتعيشي معاه حياتك محترم بجد فقلتله ماشي يا بابا اتصل بعمي وقاله عايز رقم الدكتور فعمو قال انا استني حوالي ساعتين يكون خلصت واجيبلك رقمه من والده فبابا قاله ماشي المهم جاب رقمه واتصل بيه الاول ما ردش وبعدين بابا قال نتصل بيه بكره اللي هو اليوم اللي بكتبلكم فيه وهو كلمه الصبح وقاله السلام عليكم انا والد (فلانه ) اللي هيا انا وعرفت انك كنت ناوي تتقدم لبنتي والكلام دا (بس انا معرفش بالتفصيل الحوار ايه) وبعدين قاله انا وصلي حاجات كتير مش واضحه وطليقتك قالت لبنتي كذا وكذا ومن حقي اعرف كل حاجه قبل ما اقرر فالدكتور قاله انا مستعد اوضح لحضرتك اللي تحبه وبابا ساله الاسئلة دي ايه اللي خلاك تفضل بنتي وهي غريبة عنك وانك ممكن تشوف واحده من محافظتك تعرف عيلتها ؟ فقاله انا مكنتش اعرف هي من فين بس توقعت انها تكون من نفس محافظتي علشان دا اقرب توقع لانها بتكشف عندي لكن عرفت انها من القاهرة لما عرفت عمها وهو صديق والدي لانه قال لوالدي انهم اتنقلوا هو واخوه اللي هو حضرتك للقاهرة وبعدين قاله انت ليه متقدمتش بنفسك ليها وليه خليت في واسطه اللي هي طليقتك قاله انا مكنتش ناوي الموضوع يوصل لكدا انا بس حسيت ان بنت حضرتك مش بتتكلم قوي حتي لما بيكلمها حد من الممرضين الرجال في موضوع خارج عن السياق الطبي وعن الجلسات بتتضايق وتقفل الموضوع فخفت لتاخد عني فكرة وحشة وترفض تديني رقم حضرتك فقلت الاول اعرف مين عيلتها وانا قلت لاهلي ان في بنت ناوي اخطبها واهلي لسه مصدومين من موضوع طلاقي لانهم مكانوش عايزين الموضوع يمشي كدا فلما قلتلهم قالوا اني الاول اعرف عيلتها كويس وكل حاجه ولو عجبتهم نروح نتقدم لها رسمي وعايزني اختار بنت ناس من عيله كويسه تبقي انسانه صالحه وعارفه ربنا تعرف تربي وتبني عيله مش زي طليقتي فعلشان كدا كنت بحاول الاقي المناسبة وبسرعه علشان كنت عايز استقر وقلت لنفسي اني لازم اتمهل في الاختيار وقلت لطليقتي اني عايز منك معروف اخير وهو انها تكلمها بس مكنتش اعرف انها هتعمل دا كله انا بس طلبت منها تعرف هي مين عيلتها وساكنة فين ورقم والدها وان كانت عندها رغبة في الزواج ولا لأ علشان مش عايز اعرض اهلي لصدمة تانية واحراج وهو دا الموضوع وانا كنت بنفسي هحكي لحضرتك موضوع طلاقي فبابا قاله هو انت هتيجي القاهرة فقاله ايوه ان شاء الله يوم الجمعه وهشتغل في الفرع بتاعي الجديد وممكن اقابل حضرتك في اي وقت تحبه ونتناقش بشكل احسن فبابا قاله انا في انتظارك وربنا يوفقك وخلينا علي اتصال فقاله تمام واتشرفت اني كلمت حضرتك وارجو اني مكونش ازعجتكم ودا الحوار باختصار هو بابا سجل المكالمه وانا كتبت اللي فاكراه من المكالمه وبابا هيقابله باذن الله الجمعه او السبت ويشوفوا قولولي ايه رايكم وارجوكم تابعوا معايا علشان محتاجة لنصايحكم وادعولي وشكرا وارجو نشر السؤال منفصلا او مع اللي فات ودا اختصار للحوار وعامة بابا قال انه ارتاح لطريقة كلامه وانه كان بيتكلم بهدوء وثقه وبشكل محترم لكن دا طبعا راي مبداي

  • صورة علم
    صورة علم
    مجهول

    الزواج قسمة و نصيب و عليك أن تحاولي لا ترفضي الفرصة .. ان عليك ان لا تنغري بأمر طليقته ربما عندما تراه متزوج بأخرى تغار منك ,, و خصوصا ـأنه ربما يكون حبيبها ليس بنفس مستوى طليقها ,, ان عليك أن تفكري بالفارق بينك و بينه و أن تحاولي أن يكون بينكم جلسات أكثر كي تعرفي ما هي نيتها 

صورة علم United States
أضف إجابتك على السؤال هنا