خائف من ان تكون نهايتي الانتحار

صباحكن سعاده انا شاب لبناني وعمري 23وع أعتاب التخرج الله كتبلي أنا وأخوتي الشباب كون متل اللعبه بين ابي وامي ومشاكلن يلي ما بتخلص من شي 20سنه وهنه بالمحكام وغير مهتمين بمشاعرنا ولا شيء ... بيي ولانه مشترينا بمصرياته والوضع الإقتصادي يلي من المستحيل عيشه عندي امي ئدر يشترينا ... وبعد أخوتي عن امي وزرع فينا كرها وهي زرعت فينا كره .. لحد ما عدت طيئ حدن منن ولأهرب من هالصرعات أنا وخيي الصغير جينا للأردن منه دراسه ومنه بنخلص من مشاكل امي وبيي واخوتي يلي ما بعرفهن ومنقطع عنهن من 4سنين وحتى خيي يلي بالأردن وبغير جامعه ما بعرف عنه شي بخاف شوفه مع انه انا أكبر منه ... قصتي بتبدي من هون تعرفت ع صديق أردني من ديانة الإسلام حبيته كخي وتعلئت فيه وهو قدوتي وعيلتي كلها ... وكرامه لاله دخلت الإسلام واخترلي اسمي وصرت متل ظله وأكتر ... أنا ما بدي شيء منه ولأن ما بقيلي شي واتخرج واطلع من الأردن وما بقى شوف هالصديق خايف إرجع لخوفي وضعفي ولوحدتي وخايف موت منتحر لأنه لتلي تجارب سابقه بهالشيء لحالة الكآبه يلي سببا مشاكل اهلي ... مني خايف خبر أهلي عن إسلامي لان مني متخيل إتنازل عن السلام يلي كنت عم فتش عليه ... أنا خايف تكون نهايتي إنتحر وإرجع بلا عيله بلا أخ بلا أذن بتسمعلي بلا ايد بتحكيلي شو مالك يازلمه امسح دمعتك والله الحياة ما بتستاهل ... ومني متخايل حياة بلا منسف وجمعة رفقاتي يلي هو دعمني ليصيروا عندي