لا استطيع نسيان طليقي بعد خيانته لي ماذا افعل

لا استطيع نسيان طليقي بعد خيانته لي ماذا افعل انا متزوجة من ١١ سنة تزوجت عن حب عن طريق بنت عمي وما شفته الا يوم الخطوبة زوجي كان زواجنا ناجح وتتخلله مشاكل بسيطة وبعد كم سنة تقريبا ٤ سنوات اكتشفت خيانة زوجية ومشيت له وتعبت نفسيا ورجعت الأمور تمام وعلاقتنا صارت اقوى لكن صار يسافر كثير للترفيه والغوص لجدة لمدة سنتين وكان يحب اكون معاه دايما في سفرياته وفجاءة بيوم وليلة اخر سفرة اتغير و قالي ما ابغاكي في البلد معايا خلال شهرين اتغير تماما وبعدين اكتشفت خيانته لي بالصدفة وكلمت البنت بدون ما ابين لها وهي اخفت هذا الشيء بس سألتني عن علاقتي فيه وقلت لها انه زوجي وعندنا عيال وامورنا تمام وقالت لي نخلي المحادثة بيننا وراحت وقالت له وقام هددني بالطلاق

بعدين فترة بسيطة اهله رجعوني لبيتي على اساس نصلح ما تبقى من العلاقة رغم اني تغيرت شخصيتي وصرت افضل بس حاولت معاه اصلحها وهو كان ما يساعد و صار الموضوع علني ويسافر لها وانا ما اتحملت وجيت كلمته قلت له اختار نرجع وننسى كل الي فات وتنساها او تكمل حياتك وانا مو موجودة فيها طبعا ما اعطاني رد ولما جا يدافع عنها طلقني وطردني من البيت وتعبت نفسيتي زيادة لأنه كلم خوالي انه يبغاني على ذمته ولكن اكون ديكور بس عشان لو جا يشوف عياله اكون حلال له وهو يتزوج وانا ما ارضى بالتعدد وقلت لهم خليه يطلقني بلا رجعة لأنه رجعني بعد الطلقة الاولى وجن جنونه وطلقني ثاني وارسل رسالة لوالدتي يتكلم فيها عن شرفي من ١١ سنة وانه هذا سبب الخلاف الرئيسي وانا والله كنت ومازلت مخلصة ووفية ومو مقصره معاه بشي حتى تبريره لخيانته كان اني ما ارقص له او اغني له واني تأخرت لما اتغيرت وصرت ما ابغى اشوفه واتوقع هو نفس الشي ما اعرف الى ان ضغطت عليه وخرج من بيته لبيت اهله عشان اجي اجلس مع اطفالي

لما رجعت رفعت عليه قضيتين حضانه ومسكن وفهم القضايا غلط اني احرمه من عياله وانه يتنازل عن بيته وانا ما طلبت هذا الشي انا بس رفعتهم لانه كان يهددني بالبيت وبعياله واخته تدخلت وصار التواصل بيني وبين اخته وكل مرا تزيد المشاكل الى ان كلمته يكون التواصل بيننا ويكون ودي وبتفاهم عشان الاطفال الصغار و الان اعيش في حالة غريبة كنت احسب اني تخطيته لكن من يوم جاب ملابسه العاملة تغسلها وتكويها انا تعبت نفسيتي اكثر مع العلم هو كل يوم يجي يوصل عياله للمدرسة ما اعرف ايش الحل ومع العلم ان البنت محد يبغى يخطبها له لانها كانت وقحة مع امه وهي خربت حياتنا وبيتنا ومستمرة تخربه زيادة ايش الحل