أخذوا الشبكة عندهم لوقت الفرح

انا بنت عندى ٢٠ سنة اتقدملى عريس وسالنا عليه وسمعنا كلام كويس ،المهم قعدنا واتفقنا اقصد العائلتين يعنى على كل حاجة.وروحنا جبنا الدهب فقالو انى مش هنلبس الا الدبل دلوقتى وباقى الشبكة البسها فى الفرح ،فوافقنا وبعد ما اشترينا الشبكة وروحنا قالولنا نبقى نروح عندهم البيت علشان نشوف بيتهم ونتعرف عليهم ونجيب معانا الشبكة علشان يوروها لباقى اهلهم ،روحنا وخدناها وبابا قالهم بعد ما يشوفوها وخطيبى جاى عندنا بعد يومين يبقى يجيبهالنا .ده على اساس ان الشبكة بتبقى مع العروسة ، عدى شهر وما جابوهاش وعايزين يشيلوها عندهم لحد الفرح،بابا وماما زعلانين وبيقولو انهم جرحو كرامتنا وخايفين على شبكتهم اوى ومش احترمونا لما عملو كدة مع ان بابا قالهم بس طنشونا وعملو اللى عايزينه.قولولى اعمل ايه،انا ابتديت اخاف من الناس دى هما شكلهم ماديين صح انا طول عمرى بسمع ان الشبكة بتكون مع العروسة حتى لو ما لبستهاش غير فى الفرح ،حتى لو محصلش نصيب ومكملناش احنا هنرجعلهم الشبكة اكيد مش هناخدها ابدا ، بس اللى حصل ده فيه جرح كرامة وعدم اعتبار ولا ايه رايكم؟؟