خطوبتي أوصلتني للانفصال

بسم الله الرحمن الرحيم لو سمحتم انا عندى مشكلة ومحتارة جدا فى الوصول للسببها انا عندى 27 سنة ومعايا بكالوريوس تجارة وبشتغل فى شركة قطاع خاص كنت مخطوبة من حوالى 7 سنين فترة اسبوعين ومحصلش نصيب بنا عشان حسيته عينه زايغة كتيييرر ودى كان بيضايقنى جدا الموضوع دى وبعد الفترة دى كلها اتقدملى عريس متعلم وبيشتغل مدرس وعنده 40سنة وكان خاطب مرتين قبل كدة وجالى عن طريق خالتى لانه زميل زوجها فى المدرسة فطبعا كانت بتسال عنه كتييرر وانه بخيل ولا لا فكان الرد لا طبعا انا مفكرتش فى السن انا شفت فيه الاخلاق والادب والمركز العلمى بالرغم كل دى سنه مكنش باين عليه خااالص تمام اتقرات الفاتحة بدات شويه شويه اتعودت عليه وعلى طريقته واتحاول انى اتقرب منه عشان افهمه وهو كمان كان بيعمل دى اعدنا قراية فاتحة حوالى شهرين وفى خلا الشهرين دول كان بيجى البيت وبعد كدة حددنا الخطوبه لانه كان عايز يتجوز فى خلال 6 شهور الجاية وبعد الخطوبة ما اتعملت بدات المشاكل باسبوع واحد وحسيت انى رجعت بالمشاكل لنقطة الصفر اولا بدات المشكلة من الفرح انتقدتى من اول خروجى من الكوافير وقالى من غير المايكب انتى احلى وطول الطريق مكلمنيش نهاءى وكنت عاملة زفة نوبى هديه من عمتى ليا وفى نفس يوم الخطوبه عرفت وماما استاذنته ووافق عليها هى كانت فى الشارع وبردو انتقدنى وانا برقص مع اهلى وشاف ان دى كان غلط انى ارقص انا واهلى فى الشارع وان احنا الثقافات بنا مختلفة رغم انه هو كمان رقص وكان فرحان بعد الخطوبة ما انتهت لامنى وقالى انا كنت متوقع الخطوبة فى اضيق الحدود ومكنتش متوقع دى على الرغم انى الخطوبة كانت فعالا عائلى وفى البيت وبعد كدة قالى انا عايز اتفق مع والدك على شويه حاجات متكلمناش فيها وجاه البيت اتفق مع والدى ان المؤخر 10 الاف جنيه عشان المادون وبابا وافق وقالو وان العفش هو حيجيب اللى على زوقة واحنا براحتنا زى ما نحب نشترى تمام بعد كدة اتفق مع والدى عايز يعمل الفرح فى المسجد ودى مكنش الاتفاق ما بنا والدى مرفضتش المبدا قالو اتفق مع عروستك واحنا عادى طبعا انا اضيقت لانه مفكرش يرجعلى وياخد معايا القرار لانه كان بقاله اسبوع بيتكلم معايا وانه كدة عمل فرح فى الخطوبه ومينفعش يعمل الفرح لوحده فى الدخلة وان الفرح بنا النص بالنص ولما لمته فى دى قالى انا كنت فاكرك فرحانة انى حوفر دى ونسافر بفلوس الفرح شرم الشيخ وبعد شد ما بنا قولتله اقفل بقى بدل ما البخ فى الكلام ومن بعدها اخد موقف بس كان غبى اوووى الموقف دى مفكرش يكلمنى ولا يسال عنى وعرف انى كنت تعبانة وبردو مفكرش يكلمنى وانا عرفت ان مامته كانت تعبانه وسالت عليها وكانت بتكلمنى بقلة زوق واتصلت بيه اسال عنه وهو ولا فى دماغه يعد على الفيس وميتصلش ومحلش المشكلة وطلبت منه انى اقابله احل معاه الموضوع رفض واتحجج بمشاوير وبعد كدة لامح انه مش قادر يكمل وانا نفسيتى كانت بدات تتعب من الوضع وامن نفسى احل المشكلة بردو بعد كدة اتصلت بيه عشان اتاكد منه ازا كان حيكمل ولا لا قالى انه مش قادر يكمل وجتلى صدمة لان الموضوع كله مكنش يستاهل كل دى وانه لو كلمنى واتفقنا كنت حوافق باللى هو عايزة بس هو ما صبرش ولما حس انى كان حيجرلى حاجة فى الشارع نزل يجرى عشان يطمن عليا وفى نفس الوقت نزل والدى واخويا عشان يلحقونى واتقابل معاهم وبعد عتاب كتيير ما بنهم للى حصل اخويا قالوا انت قولتلها انك مش عايز تكمل قالوا لا انا مقولتش كده هي فهمت غلط لو انا مش عايزها هنزل لية اقابلها ييانا كنت هتلكلم معاها لغاية متروح الشغل ونحل المشاكل اللي بينا فقعدنا علي كافية واتكلمنا قال لبابا انه محسش اننا خايفين علية رغم ان هو متكلفش حاجة في الخطوبة كلفته 2000 جنية والشبكة هو اللي حدد مبلغها وانا قولتله ما يهمك العفش اللي تجيبه والشبكة احنا هندهالك اول ما توضب الشقة دي كده بتاعتك فاخويا قال لبابا انت موافق علي اننا نحل المشكلة وشاري قالوا اه وسال خطيبي نفس السوال قالواا انا كمان عايز اكمل كمان اخويا حب يتاكد من قراره قاله انا هديك شبكتك كلام رجالة بس قولي شعورك عايز تكمل ولا لا قالوا لا وبكده اخويلا فكر انه عايز يرجع عشان خايف علي شبكته انها تضيع منه اخويا شدني وقالي قومي هو مش عايز يكمل مشينا وانا مش عارفة اى السبب ومش عارفة ليه هو عمل كدة وحاولت صحبتى تتكلم معاه وطلبت منه اننا نعد نتفاهم ونحل الموضوع بس بردو ساب الموضوع من غير حل وقالها حصلى استخارة وبعدها اتصلت انا بيه وكلمته عشان مامنعش افهم وخرجنا سوا اتكلمت معاه قالي انه حاسس بتتدخل كبير من جوز خالتي اللي هو في مقام اخويا الكبيرة وان خالتي كانت بتتدخل في شؤنا وبتسال عليه كتير بحكم انها كمان بتشتغل في نفس المدرسة اللي هو وزوجها بيشتغلوا فيها وصحابها صحاب خطيبي فهمته ان ده مؤقت لان انت من طرفهم فلازم يسالوا كتير تفهم الموضوع وقالي انه في مشاعر هو حاسس بيها من نحيتي وانه بيحبني وكانت اول مره يقولهلي وانه حابب يكمل معاي بس للاسف الموضوع كبير عنده في البيت كدة قالى اصل الموضوع اتعرف عند اهلى والمشكلة كبرت وسبينى اسبوع ارد عليكى وفى خلال الاسبوع كان بيكلمنى كويس اوووى لحد يوم الرد وقالى تمام اهلى وافقو وانا عايز اشوفك عشان نتفق حنرجع ازاى تانى قولتله لازم تتصل بوالدي عشان يحل الموضوع وهو وافق بس اللى حصل بعد كدة وتانى يوم اتصل بيا فتحت معاه الموضوع كلمت بابا قالى لا قولتله ليه قالى عشان لسة فى البيت اخدين موقف قولتله ازاى انت قولت هما خلاص وافقو قالولى اعمل االى انت عايزه ملكش علاقة بينا ومفيش حد بيتجوز من غير اهله سبينى انا بحاول اقنع فيهم لان من غبائى ان حكيت عن المشاكل اللى بنا فى الاتفاق ومشاكلى معاكى انا رديت قولت كل شء قسمة ونصيب وربنا يرزقك بالاحسن منى قالى انا حاحاول وحفضل احاول لحد ما تكونى ليا انا ونا قولتله انا مش حينفع اكلمك تانى قالى تمام انا عارف وانا مش حضغط عليكى بس والموضوع بقاله اسبوع مش بيكلمنى ولا حاجة مجرد تلميحات انا وهو على الفيس بوك مش اكتر من كدة على العلم انه مطلبش الشبكة لحد دلوقتى اللي كنت فاكره انه عايز يكمل عشانها