صورة علم Saudi Arabia
من مجهول
منذ سنتان 13 إجابات
1 0 0 1

أبي تخلى عني وبلّغ عني قسم الشرطة

مشكلتي مع الوالد الله يهديه كان شخص عنيف الخلق ومع هذا كنت اشوفه قدوه لي واسمع كلامه وابشر ومن الكلام ذا لين دخلت الثانوي وصار عمري ١٨ سنه ، توظفت في شركه براتب ٣٠٠٠ الاف ريال طبعاً بعد خصم التأمينات يبقى ٢٧٠٠ ريال ..توظفت مجبور بسبب ماكان ابوي يعطيني فلوس مع ان وضعه المادي ممتاز ، وماكانت عندي سياره اروح اداوم فيها للشركه بعد المدرسة وكان يرفض يعطيني سيارته واضطر احيان اروح مشي مع انها بعيده او آخذ تاكسي ..إستلمت اول راتب لي وكنت راجع للبيت بعد الدوام قالي انا ابوك ومحتاج الفين ريال ولازم تعطيني ومن الكلام ذا وقلت له ابشر وعطيته الفين وصار يستقطع مني كل شهر الفين ريال وانا فصلت من الشركه لأن معدلي الدراسي انخفض بسبب ضغط المدرسه والعمل ويوم من الايام صارت مضاربه وانا كنت موجود بنفس المكان مالي اي دخل فيها وانضربت وصارت فيني اصابه بالعين وتنومت بالمستشفى وسويت عمليه لكن النظر مستحيل يرجع كامل الا بعمليه ثانيه ما اقدر اتحمل تكاليفها اشتكيت للشرطه وانمسك اللي سبب لي المشكله ومرّت الشهور واستدعانا الشيخ وقدّر قيمة الاصابه ب ١٨٠ الف ريال وجاني الوالد قال انت توك صغير وهذا مبلغ كبير عطني اياه احتفظه لك واعالجك فيه ( بإسلوب حنون اول مره اشوفه كذا ) وقلت ابشر ..عطيته المبلغ لأنه بيعالجني مرت الاسابيع وماصار شيء جيته وقلت متى نروح عشان اتعالج انا بخلص الثانوي وماتعالجت يمكن ما انقبل بالوظايف قالي : فلوسك راحت وسددت ديوني انا ابوك واعرف مصلحتك مايحتاج تسوي عمليه وصار نقاش حاد بيني وبينه وطردني من البيت ، طلعت واخذت شقه جلست فيها يومين وكلمني اخوي قال ارجع ابوي يبيك ورجعت قلت لعل وعسى قلبه حن وبيسوي لي عمليه اول مارجعت للبيت جلس معي وقالي انا ابوك ومديون ومن واجبك تساعدني وانا بعدين انشاءالله بشتري لك سياره وبدخلك الجامعه وبسوي لك عمليه وقلت خلاص انا اسف ..وتخرجت من الثانوي قدمت على الجامعه وماشرالي سياره وماكان يعطيني مصروف وكنت اداوم مع اخوياي احيان من الجوع يغمى علي وكنت مضطر ما اكل مامعي فلوس وانجبرت افصل من الجامعه وكلمت ابوي قلت سو لي العمليه عشان بدخل العسكريه وانا ارجع لك الفلوس اذا تخرجت عسكري ان شاءالله وقالي : ماني ابوك انا دور غيري 💔 ..مرت سنتين وانا عاطل مقدر اتوظف ما املك سياره عشان اروح اقدم وقدرت ادبر مبلغ ١٥ الف ريال من شخص قريب لي ( سلف ) وسويت العمليه ، جاني ابوي قال الحين تقدر تدخل عسكري وانا عندي الواسطه اقدر ادخلك بس اذا تخرجت تعطيني مبلغ ١٠٠ الف ريال بشتري لي سياره وقلت له انا اسف بس انا ولدك ماني شخص يشتغل عندك وزعل علي وقال منت ولدي انت متغير انا بشتكيك للشرطه بقضية عقوق وراح اشتكى بالقسم مع اني والله ماسويت شيء وكتب بالمحضر اني ما اكلمه ودايم اتلفظ عليه بكلام بذيئ وقدم البلاغ وكلمت اخوي وراح له بالقسم واقنعه يتنازل ومرت الاسابيع مايكلمني ولا يعطيني اي اهتمام ولا مصروف اقدر امشي نفسي لين اتوظف ..ابي الحل تكفون ؟