أمي ترفض العرسان رغم أني مطلقة
من مجهول
تاريخ النشر: 09-04-2017 35 إجابات
انا بنت عندي 25 سنة بشهادة الجميع جميلة جدا وموظفة و مطلقة من 8 شهور بدون اولاد بعد زواج دام شهرين ،مشكلتي ان والدتي بترفض العرسان اللي بيتقدمولي ، بعد طلاقي اتقدملي واحد اعزب لم يسبق له الزواج بس غير متكافئ معي في المستوي الوظيفي والمادي و الاجتماعي فلم يعجب والدتي واانا اقتنعت بعد كدة مع اني كنت مبسوطة بالعريس ده علشان حاجتين انه اعزب واتقدملي مع اني مطلقة وكمان علشان حسيت اني لسة مرغوب فيا ففرحت اوي وبعدين رفضته والدتي واقنعتني وبولت ربنا هيعوضني، بعهدها بشهرين اتقدملي واحد مطلق وعنده بنت عايشة مع والدتها ومستواه المادي والوظيفي والاجتماعي ممتاز وزميلي بالعمل بس اكبر مني ب13سنة .رفضته والدتي ايضا ووالدي لانه مطلق وعنده بنت قولتلهم طيب ما انا كمان مطلقة قالولي زي ما هو طلق مراته وما حافظش علي البيت وساب بنته وهانت عليه يبقي سهل يسيبك في يوم انتي كمان لانك مش اغلي من بنته ده غير انه عنده 38سنة واني لسة صغيرة وجميلة. انا مش مقتنعة بوجهة نظرهم دي مش يمكن تكون مراته هي اللي كانت مش كويسة. انا نفسي اتجوز واحب واتحب ويبقي عندي اولاد واربيهم و ارعاهم .انا اتطلقت برغبتي من طليقي لانه كان وحش بصورة انسان غشني ومثل عليا الحب لغاية ما اتجوزنا وبعدين ظهر علي حقيقته كان بيضربني وبيذلني وبيستمتع بتعذيبي مثلا يقولي اغسلي البوتاجاز وهو بيضربني مع انه مغسول ونضيف بس لازم يذلني وخلاص اكتشفت انه بيعرف عليا ستااات كتيير وبيضرب برشام و مريض نفسي وهو بيضربني بيقوم يسرح شعره و يرجع يضربني تاني ده غير الورم و الكدمات والاثار البشعة اللي كانت سايبة اثر من الضرب. كل ده صبرت عليه لوحدي ومكنتش بشتكي لحد لغاية ما فاض بيا في يوم وكلمت اختي وانا منهارة من الضرب لما ضربني وقولتلها انصحيني اعمل ايه راحت قالت لاهلي و اخدوني عندهم بالقوة وطلقوني منه غصب عنه. كل ده حصلي في شهرين جواز وكل ده انا ما حكتش التفاصيل اللي تبكي اي حد احكيهاله.. كان حلم حياتي اتجوز علي سنة الله و رسوله انسان طيب ورحيم يحبني واحبه وانا مش هستخسر فيه عيوني هو لو كان كويس معايا و طلب مني عيوني كنت هعطيهمله بدون تفكير. انا بس خايفة من موقف ماما رافضة اتجوز واحد مطلق و عنده اولاد والمشكلة ان هي دي بقت فرصي في الجواز انا مقتنعة اني مفيش واحد اعزب هيتقدملي انا وهيسيب كل البنات اللي متجوزوش قبل كدة ،انا واقعية و راضية بنصيبي ، بس ماما لو فضلت مصممة كدة انا عمري ما هتجوز بصراحة كل ما اشوف العريس التاني ده في الشغل بفتكر وبزعل اوي اني رفضته بسبب ماما بس اعمل ايه هي رافضة نهائيا وانا خلاص رديت بالرفض وده كان من اكتر من شهر بس انا لسة زعلانة عليه وعلي نفسي لاني شايفة اني عمري ما هقدر اتجوز تاني بسبب ماما. ارجوكم قولولي ازاي اقنعها اذا اتقدملي واحد زيه تاني بظروفه.
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
المدرب ماهر سلامة سيدتي واضح انك تشعرين بفشل من إثر زواجك السابق، وكلك عجلة واستعجال لتضميد تلك الجراح وحالة الخذلان التي شهدتيها. واضح ان امك ووالدك يمتلكان حكمة لا تقدرينها أنت بعد، لاْنك مشدودة لاعتبارك الشخصي وليس العائلي أو الشمولي. لا تنظري الى نفسك بأنك شخص ناقص لاْنك مطلقة، أنت شخص كامل البهاء سيدتي، وتعاملي مع زواجك ليس من منطلق النقص، بل من منطلق السعي الى الكمال والثقة بأنك شخص لا ينقصك شيء. احذري من التقليل من احترام نفسك ووضعك، فما زالت الفرص كثيرة. لا تساومي على نفسك لاْنك مطلقة، ولا يضحك عليك صاحب مركز ونفوذ، لينفذ لك من منطقة الطمع. هذا التوازن مطلوب سيدتي، عليك الانتقاء بعناية كبيرة جدا. وعليك خوض مرحلة خطبة طويلة، لاتقل عن 6 أشهر الى سنة لتتأكدي من هذا الشخص. الزواج الثاني خطر سيدتي، لكن مع أهلك ستصلين الى الخيار الصحيح والمحب. بالتوفيق دائما
من مجهول ابوك وامك صح الاول غير مناسب لانه مع اختلاف مستواه العلمي والوظيفي عنك شاف ان كونك مطلقة راح تزيل تلك الفجوه والثاني اكبر منك وغيرته بعد كده حتجننك خصوصا وانك بتقولي انك جميله وفعلا زي ماهانت عليه بنته انت مش اغلي منها لاتتعجلي ولاتقلقي نصيبك جاي و وابوك وامك لن يضروك ابدا ولن يسمحوا بتكرار ماحدث لك مع المعتوه الذي تزوجتيه وكان يتلذذ بعذابك 
من مجهول قوله صلى الله عليه وسلم : ( لا تنكح الأيم حتى تستأمر ، ولا تنكح البكر حتى تستأذن . قالوا يا رسول الله وكيف إذنها ؟ قال : أن تسكت ) وفي رواية : الأيم أحق بنفسها من وليها ، والبكر تستأذن في نفسها ، وإذنها صماتها وفي رواية : الثيب أحق بنفسها من وليها والبكر تستأمر ، وإذنها سكوتها وفي رواية : والبكر يستأذنها أبوها في نفسها ، وإذنها صماتها . إذن من حقك أن تزوجى نفسك بقول رسول الله من مجهول عزيزتي .. طلاقك كان من فترة قريبة والافضل تعدي وقت وتتجاوزي الازمه تماما لان واضح انها خلت اثر فيكي وهزت ثقتك بنفسك وهذا طبيعي حاليا .. الدخول في علاقه الان غير صحيح ولن يكون مبنى على اسس سليمه .. اهلك ناس واعين وحكيمين في قراراتهم ويدعموكي بالطريقة الصحيحه وليس همهم يتخلصو منك ويزوجوكي اي واحد والسلام وعندها لن يكون أمامك الا خيارين الصبر حتى لو كان سيء او طلاق ثاني؟؟ لا تقللي من شان نفسك وتقبلي اي شخص لمجرد الزواج، الحمدلله خرجتي من زواجك بدون اولاد وقد لا يتكرر هذا وتحملي ذنب طفل معك.. تعقلي حبيبتي ونصيبك الذي يستحقك سياتي .. من مجهول لا تنزعجنى من انك مطلقه وتفقدى ثقتك بنفسك بالعكس استمدى قوتك من اخلاقك وتأنى فى اختيار الزوج ولا تقولى انى مطلقه اتزوج من اى شخص يتقدم لا طبعا ده غلط كبير رأى الوالد والوالده مهم جدا لمساعدتك ف اختيار الرجل المناسب ولا تستعجلى حتى لا تقعى فى خطأ آخر تكون نتائجه سيءه وفقك الله عليكى بكثرة الاستغفار والصلاة 
من مجهول أختي باختصار .لا يمكن للمرأة بتاتا وقطعا أن تجمعين بين الحياة الزوجية والعمل .ولهذا يجب أن تختارين واحدة فقط .اما العمل أو الزواج .واذا حاولت أن تجمعين بينهما فانك ستعيشين حياة مغتصبة وستقرأين حياتك الزوجية متقطعة وبصعوبة .لأن العمل تكتسبين منه فيروسا فتاكا يدخلك الى عالم المقارنات والاختيارات .وأشياء أخرى والسلام عليكم .الموضوع طويل جدا جدا والفاهم قليل جدا والوقت غير كافي , من مجهول مشكلتك صعبه مع امك وزواجك انتي غلطي لما عطيتي زوجك الاول حبك كله واستغله في طيبتك وتطاول عليك بالضرب وخسرتيه اشي الثاني غلطي لما عوضك الله بشاب اعزب مايعرفش عن النساء شي وهذه فرصه عظيمه كانت جاتك اتروكي كلام أمك واخطفي إلا عزب وتركو الكلام الفاظي طبقتي مستواي الله الرازق والمستوي موش احنا الى نجيبه كلنا اولاد ادم وحواء من مجهول انا مريت بنفس ظروفك دى ولكن خرجت من الزواج الاول بطفلين ..واتقدملى ناس مش كتيرة منهم الطمعان ومنهم و الكبير فى السن ومنهم ومنهم ومفيش حد عدل اتقدملى لانى مطلقة وكل ما اتعرف على حد واتعلق بيه واقول هو ده اللى هيسعدنى ...الاقيه بيستغلنى للوصول لاغراضه الدنيئة ولما بصده الاقيه اختفى....وكأن المطلقة دى جسد ثائر بلا مشاعر ولا عقل....ربنا يعينك اختارى صح وانظرى لنفسك بأنك زهرة لا يستحقك الا من يقدرك 
من مجهول عندنا نفس حالتك اختي الصغري تزوجت شهر واحد وطلع انسان سافل بكل معني الكلمه واتحسبت جوازه .وللاسف في مجتمعنا بينظروا للمطلقه انها ناقصه فلا يجب ان تتزوج الا المطلق او الارمل .لماذا كل هذه الدونيه في كلامك مش اي عريس والسلام حتي لا تقعي في نفس الخطأ مره ثانيه تمهلي وان شاء الله ربنا هيعوض صبرك خير وان كان الخطيب مناسب فلما لا تحروا عنه جيدا واسألوا عن اسباب طلاقه وان كان مناسب فربنا يكرمك من مجهول اصبري وربي رح يعوضك وامك وابوك هم اكتر ناس بحبوك وبدهم الافضل لك كل شي بوقته حبيبتي - 0
- اعجبني
- .
- اضف رد
- .
- عرض الردود
- .
- 14-04-2017
من مجهول انا عمري 19 سنة نعيش في دار ميما ومعيا امي وأبي وأخي انا نحب ولد أكبر مني برشا وهو زادة يحبني برشا معندوش خدمة قارة ومعندوش دار يخدم شوية شوية وقاعد يلوج عايلتو تحبني برشا اما المشكلة هو كان خاطب بنت خالت امي وبعد علاها عندو 4 سنين امي محبتش عليه والعيلة الكل جات ظدي ضربوني ويحبو يبطلوني مل القراية انا نحبو برشا برشا نلقاه وقت الشدة وياقف معايا وقلي مانيش باش نخليك انا زادة اما امي قاتلي مانيش باش نرضى عليك والله حرت وليت نتمنا في الموت أمان عاونوني شنوة نعمل شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اجتماعية
احدث اسئلة قضايا اجتماعية
اسئلة من بلدك
احجز استشارة اونلاين
