الرئيسية / قضايا اجتماعية / رفضت هذا العريس ولكن أمي وخالتي يصفوني بالسطحية

السؤال

صورة علم Jordan
مجهول
قبل 2 شهر (15 اجابه)
15 اجابه

رفضت هذا العريس ولكن أمي وخالتي يصفوني بالسطحية

رفضت هذا العريس ولكن أمي وخالتي يصفوني بالسطحية

السلام عليكم هلا انا صبيه عمري 27 سنة ومريت بظروف ومشاكل كتير .. خطبت فترة قصيره وبعدها فسخت خطبتي لاسباب كتير .. مختصر الحديث خالتي حكت معي من فتره وحكتلي في ابن صديقة الها دكتور بدو يتزوج وبدورو ع صبيه لاله هو كمان كان خاطب وفاسخ وكان شرطه انه يحكي ويقعد مع البنت قبل ما يصير اي شي رسمي وقبل ما يجي ع بيت اهلها .. بعد كتير كلام اقتنعت وحكى معي تلفون ع اكتر من مره والنا اكتر من شهر صراحه ابنحكي لقدرت اعرفه منيح.. هلا الموضوع انه الشب بكل مره بضل يسأل اذا كان الي علاقه مع شب قبله وبكل مره بحكيله لا وباكدله ع كلامي .. صراحه اعرفت شب بعد خطبتي بس ما صار نصيب وعلاقتي ما اتجاوزت الحكي والتعارف انصدمت فيه للشب لما حكالي اذا صار نصيب بدي اياكي تحلفيلي ع القرآن انك ما اعرفتي غيري وغير خطيبي حدا .. هلا هاد حقه والا شو وانه شو هاد شكاك والا كيف .. انا سألته اذا كان الك علاقات ردا ع سؤاله المتكرر عني حكالي حب كانو تنتين غير خطيبته وحكي ع التلفونات كتير انصدمت وسكتت .. الموضوع التاني حكالي المهر كم اهلك بطلبو حكيتله المتعارف عليه بالعيله حكالي من هلا انا اكتر من 1500 ما بجيب وجهاز لالك ب500 .. انا من صدمتي سكتت وحكيتله هالقصص بكير عليها ليصير نصيب وانا مو اقل من اخواتي ويلي انجاب لالهن بده ينجاب لالي وحكا عن حجز صالة العرس حكيتله هاد بخصك وانت احجز وين ما بدك فصدمني بيحكيلي من هلا حفلة خطوبة وحفلة وداع ما تطلبي وهالاشيا هون وسكرنا عليها هاد كله شي وانه ما معه هلا يخطب ويتزوج اشي بيحكي باخد قرض 4 آلاف وبنتزوج فيهم وبجيب فيهم اثاث وبرتب البيت تاعو .. اربع الاف شو بيعملو .. وحكا ابنختصر كتير من اغراضك وابتتحمليلك اول سنتين زواج وبعدين بصير اجيبلك حكيت لامي وخالتي بدي ارفضه فبيحكولي ما تكوني سطحية الشب منيح وما عليه اشي وفهمان ومو كل يوم بيجي متله.. كل قصته بوضعه المادي صعب هلا اتزوجي واصبري اذا هو مو قد الزواج والارتباط وما معه اصلا فلس ليه ليحكي ويعلق بنات الناس فيو هاد الشي طبيعي والا شو وانا هيك سطحيه بتفكيري لاني بدي ارفضه

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

صورة علم Jordan
المدرب و الكاتب ماهر سلامة
قبل 2 شهر

وجهة نظر والدتك وخالتك تنطلق من مفهوم أن العريس في بداية حياته، وأنه إذا كان يريد الزواج فهو يعتمد على نفسه لا على أهله، وهذه نقطة إيجابية تحسب له فعلا. فلا يمكن مطالبة عريس من الآن بالعيش وكأنه يعمل لمدة 20 عام، حيث تسعين الى نمط حياة بمستوى حياة ناس قضوا عمرهم وهم يعملون. والسؤال المهم: هل تعملين سيدتي لتتمكنوا من بناء أسرة؟. المسألة الاْخرى وهي الاْخطر، أن هذا الإلحاح في طلب من تعرفين في السابق من رجال، هو الحاح يجلب الريبة في الحقيقة، واضح انه شخص غير واثق من نفسه، ولا يعرف كيف يستقطب قلب امرأة له، بل يبحث عن زواج آلي، خالي من الشوائب حسب رأيه ونظرته للاْمور. هذه النظرة تثير الريبة في الحقيقة، فالارتباط مع هؤلاء شئ صعب، ويثير القلق ولا يبعث بالامان، فهؤلاء في الحقيقة لم يسمعوا بكلمة حب، ولا يعرفون كيف يحبون، فهم باستمرار خائفين من عدم محبة الآخرين لهم، مما يضعف شخصيتهم، ويلجأون للقوة المالية، وقوة الزواج للسيطرة على من معهم. بالتوفيق سيدتي

صورة علم Oman
مجهول
قبل 11 يوم

لا توافقي على هذا الزواج انا حسيت من كلامك انه شخص مو مهتم غير فنفسه وطماع وتحسي اتجاه هيك شخص بالخوف وعدم الراحة وبعدين لازم تفكري فحالك كيف حتصير لما تكوني مع هيك شخص

صورة علم Palau
مجهول
قبل 2 شهر

لاتوافقي عليه فهذه عشرة العمر وليس لفترة

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.