أقرب الناس لي في هذه الحياة هم أكثر من يجرحني

السلام عليكم أنا قبل ما أبدأ اكتب مشكلتي أحب أقول لكم أني فعلاً تعبانه وماني عارفه شلون جالسه أكتب يعني إذا ماعندك حل أتمنى تدعي لي هذا الشيء يكفيني انا ياناس اعيش بهالحياة أحس بضيقه بقلبي بسبب تصرفات أعز واقرب الناس لي متخيلين أن اقرب الناس لي هم اكثر الناس إللي يضايقوني ويجرحوني وينقصون من قدري بالله عليكم قولوا لي وين أروح للغريب !! وعشان اكون واضحه معكم انا اتكلم عن اهلي اذا مارتحت مع اهلك وين ترتاح ؟ بالشارع:( انا تعبت ياناس مالقيت اللي يحبني ويفهمني انا مابي شي كل اللي ابيه يقدرون خاطري لأن قلبي ماعاد يتحمل كل يوم انام وانا ابكي انا فعلاً مكتومه ابغى احد يفهم علي ليش ماحد يهتم فيني ويداري خاطري ليش دائماً انا اللي اهتم واداري انا انسانه من حقي احس ان لي تقدير ومكانه هذا غير المشاكل اللي ماتخلص! بيتنا صار كئيب وكل شخص جالس بغرفته يمر الاسبوع مانسولف مع بعض وماودي احلف اننا مانشوف بعض انا طبعي اجتماعيه احب الضحك والوناسه و ماحب الوحده والهدوء واهلي عكسي كل واحد مع نفسه تكفوووون احس بأنجن وفيه مواضيع كثيره متداخله ببعض حياتنا متخلبطه من كل جهه حاولت كثييييييير اتغير واغيرهم وفي كل مره يحطموني خواتي اقرب الناس لي مااجلس معهم ومالهم خلق لا يسولفون ولا حتى يطلعون كل وحده جالسه مع نفسها وانا اغلب وقتي انتظر احد يجي يونسي لا تقولون اشغلي نفسك لاني بقول لكم كل شيء يحتاج فلوس وانا هالسنه تخرجت من الجامعه وماحصلت وظيفه وضايق صدري من هالموضوع فتكفون لا تزيدونها علي اذا عندكم كلام يريح القلب قولوه ولا دعوه غير كذا ارجوكم اللي فيني مكفيني