أحزن على دمعة أمي التي تذرفها كل يوم بسببي

أنا والعياذ بالله من كلمة انا لدي مشكله صارت مع اختي الكبيره المهم انا كنت ازورها كل فتره بالرياض عشاني احبها كأمي الثانيه وأحب بناتها كباراً وصغاراً واولادها ومتعلقين فيني بشكل مو طبيعي المهم انهم متعليقين فيني وواثقين فيني جداً ويصارحوني بمشاكلهم وهمومهم كوني اخ لامهم وخالهم البنت الكبار تكونت معهم علاقه جداً اخويه وصرت اخ لهم ومع الوقت اكتشفت ان وحده منهم تستغل عمل امها وداوم بدالها اوقت واكتشفت انها تداوم عشان واحد تقابله المهم كانت اصعب لحظه في حياتي تمر علي انصدمت وسكت ماعلمت احد وتكلمت معاها وقالت يا خال حب نظيف مافي شي من حركات المراهقين تبغى ابداً وانا مصدووم انها بالاساس تقابل شخص لا تربية أبوها ولا امها تسمح لها بفعل الشي ذا متشددين عليها وانها واثقه ان بتها تداوم عشان تريحها والمهم وعدتني قالت لا تعلم ووعد ماعاد اسوي حركات زي كذا وبعيد عن العنصريه كوني سعودي ومن المعروف في بلدي مانقبل نزوج اخد من خارج قبيلتنا المهم صدقت البنت وعلمتها ان مافي حب بزمنا مافي حب مصالح وبكره يبتلش فيك اهلك لو صارلك شي يا حبيب خالها المهم دارت الايام وكتشفت خسابها بتويتر لاني حطيت نفس يوزر سنابها اللي عندي في تويتر وسويت بحث طلع حسابها لاني عرفتها بالاسم وعرفت انها هي بنت اختي وكشفت انها مازالت على تواصل مع الولد لانها تنزل محادثاته بالهاص بالسناب وتحطها بتويتر لان محد يعرفها بتويتر انا ماعاد تحملت ودقيت على امها وعلمتها بكل شي وضربتها والبنت كرهتني لاني علمت امها وخواتها نفس الشي كرهوني وماعاد بينا اي ثقه قالت اذا انتم تدافعون عن اختكم وهي غلطانه احل انتم نفس حياتها المهم يا جماعه ان زادت المشاكل بيني وبينهم لدرجة انها صارت عائليه وطردها من بيت ابوي وماتقدر تجي كوني للامانه مصاب بالسكري واملك بنية جسديه جيده كوني لاعب حديد وطويل في القامه وشخص عصبي يهافون مني جميع من في البيت للامانه لا امدح نفسي المهم والدي ما يعرف عن الموضوع ودايم يسأل امي ليش بنتي ما تجي تسلم علي ولا تفكر تجيب اولادها وبناتها يسلمون علي وامي تتلعثم بالكلام وماتعرف ترد على ابوي وذا الشي مسببلي الم في قلبي