مشاكل أمي الكثيرة نفرت الجميع منا وأوصلتني لطريق مسدود

السلاام عليكم ورحمه الله انا شاب عمري ٢٥ عام من ساعة مااتولدت والله وانا بشوف امي بتتخانق مع ابويااا ودايما كنت بشوف ان امي ال غلطانه ودايما مكنتش بتحترم ابويا كل همها انها تحوش فلوس باي طريقه علشان تبني بيت وتعمل حااجات راحت قصادها راحتنا واعصابنا وف الاخر علشان تبين للناس انها ست بميت راجل وانها هي ال بتبني وتحوش وان ابويا دا ملوش لازمه ودايما كانت تعمل مشاكل عشت عمري كله ف مشاكل معاهم واهانه والناس كل يوم كانت بتدخل لحل مشاكلهم وبيعرفوا مشاكلنا وفضايحنا كلهاااا جاتلي حاله نفسيه الا اني بقاوم الحاله دي وبحاول اكون طبيعي لكن ربي ال يعلم ب ال جوايا والله والدي توفي وانا ف الثانوي وبالرغم من كل دا فكرت ان المشاكل انتهت ككده لدررجه اني فرحت ان ابويا مات وقولت ارتاح لكن المشاكل مخلصتش بقت تتخانق كل يوم معانا انا واخواتي واخويا كانت نفسه ضعيفه بقي ياخد مخدرات لدرجه انه ينسي القرف دا وبقي ااعد ف البيت مش بيخرج خاالص وبيعمل حاجات غريبه وبقي هو كمان مصدر احراج وفضايح لينا من تصرفاته ودلوقتي امي طريقتهااا وحشه جدا معاانا ومش بتفهم اننا تعبنا ونفسنا ترتاح لو شويه متخانقتش معانا يبقي مع الجيران تخلص هنا وتشتغل هنا ودايما عايشه دور ال هي مظلومه وتقعد تتشكي للناس وتقولهم ع اسرارنا كلها وتفضحنا علشان تبان انها هي ال مستحمله ً/اخواتها بعدوا عنا والناس بقت تتجنبنا من كتر المشاكل والقرف وانا زهقت والله م العيشه دي ونفسيتي باظت وشايف اني اقل من الناس كلهااا ومحدش بيشغل باله بينا بسببها وبسبب المشاكل والجيران قاطعوها وساعات بيسبوها تشتم وميردوش عليها وكل شويه تتخانق معايا وانا كبرت ومش بستحمل وبرد عليهااا وبفقد اعصابي وبهينها وبقولها الناس زهقت منك واحنا كمان زهقنا منك وم المشاكل طول عمرها بتدعي علينا من واحنا صغيرين لاتفه الاسباب وتدعي ع اختي طول عمرها وتضرب اختي وتهينها ادام الناس علشان ترضي الناس مش فارق معاها اي حاجه غير انها تحوش فلوس وتبني علشان الناس تشوفها بتعمل ككده والله اتحرمت من اي كلمه حلوه ف حياتي وتعبت من نظره الناس لينا كل يوم فضايح وشتايم واهانه والناس تسمع بينا مفيش شويه بنرتاح حتي ومفيش فايده كبرت ف السن وبرده مفييش اي فايده فيهاا ولا ف لسنهااا وبتقولنا طول عمرها الفاظ قذره والله من وانا صغير وتشتم ابويا بيها واما مات بقينا احنا ال نتشتم ككده عايز ابعد عنها واسيبها علشان استقر وحالتي تتحسن بس هي كبرت وبرده بتصعب عليا اني اسيبها وامشي م البيت لان اختي اتجوزت ف محافظه تانيه ومش بتيجي غير يوم ف السنه واخويا بقي مدمن ومش فارقه معاه ولا بيسال عليها وانا ال ااعد معاها وتعبت لاني بقيت اتخانق معاها كتير لدرجه اني بفقد اعصابي اما تقولي لفظ ارد عليها زيه ولو رفعت ايديها عليا بقيت اتعامل معاها بكده برده وانا كده خايف من ربنا دماغي تعبتني مش عارف اعمل اي والله عايز اسيبها وامشي وخايف من ربنا قولولي اعمل اي