ما رأيكم، هل أذهب وأقابل خطيبي السابق أم لا؟

لو ابن خالتي كان متقدملي ووافقت بس ما اتعملش خطوبه و لا جابوا شبكه لانه كان في الجيش بس هو عنده ست و عشرين سنه و بعدين يوم ماما كلمته بعد ما روح هو و مامته من عندنا و قالتله انها عايزه تشوف الشقه اللي هنسكن فيها في اليوم اللي كان صابح هيروح الجيش لان ماما شكت كل شويه مامته تقول علقت حاجه في الشقه و احنا كان فات سنه من ما اتقدم ما شوفنهاش و لا مره المهم كان كويس و كلمني عادي لما وصل الجيش بعدها بيومين الاقي امه اللي هي خالتي جات و زعقت و علت صوتها في بيتنا و غلطت فينا علفكره انا كنت بحس دايما انها بتغير او بتتضايق من وجودي مع ابنها مع اني بعاملها كويس جدا و برده غديناها و نزلت كويسه جدا بعديها ابن خالتي ده ما كلمنيش خالص و لا انا اتكلمت و بعدين الاقي ابن خالتي ده بعت مسج علي الشات و يقولي انه كان نفسه نكمل مع بعض بس شخصيتي مهزوزه و كلام غريب جدا المهم قلتله ليه بتقول كده قالي اصل ماما بتقول انك كل كلمه يقول ماما و بعدين قالي سلام مع اني حكتله اللي حصل و هو عارف مامته وحشه مفيش فايده و من ساعتها و هو لا مره اتكلم برغم انه خلص جيش و انا و لا كلمته خالص و لا قولتله مبروك لاني مصدومه فيه اوي ما استناش حتي يشوفني علشان نتناقش و لا لما نزل كلمني كان دايما يقولي بحبك و ساعه عيد ميلاده برده ما قولتلوش حاجه بس هو في رأس السنه بعت صوره و انا رديت عليه بس انا لسه بحبه الموضوع ده عدي عليه ست شهور ما اكلمش و لا مره بس انا عارفه انه في يوم هيكون موجود في مكان معين و عارفه الساعه اروح و اعمل نفسي كأن شوفته فجأه علشان اتكلم معاه في اللي حصل و لا ما اعملش كده انا تعبت من كتر التفكير