أخي الصغير يتطاول على الجميع ولا يحترم أحد

انا بنت من سوريا عايشة ببلد اجنبي مشكلتي انو عندي اخ اكبر مني عمره ١٧ سنة هوي كتير عاق لامي وما بيحترمنا وبضل معصب وبضل يقول كلام وسخ النا حتى وكان يضربنا، كان يضربني الي اكتر كان يضربني كانه شي عدو الي كان يشد الي شعري ويضربني عالارض وانا عالارض يحط رجله عبطني ويفعسني وكان يضرب امي ويضرب اخوي الصغير الي عمره ٩ سنين حتى اخي الصغير عم يصير متله صاير كمان عم يمد ايده عيي وما يحترمني بس اخي الكبير ماعم يخلنا نعيش متل الخلق مع انو حياتنا كتير حلوة ومعنا مصاري وكلشي بس هوي هيك ما بعرف ليش وهوي بيشتغل وراتبه كتييير منيح، بده كلشي عكيفه بالبيت اذا صار شي مو عاجبه بيعمل مشاكل وما بيحكي مع امي غير، سكتي انتي ما تتدخلي وكلي خر* وسكري تمك وحقيرة وهالكلام كله والي كمان خوالي قالو انو بدن يطالعوه من البيت ويخلوه يستأجر بيت بس امي ماعم ترضا وبتضل تقول لا كيف رح ياكل وكيف رح يطبخ مين رح يدير باله عليه بس انا بضل قلها لا خليه يطلع وبس قلها هيك بتقلي ليش بتكرهيه وانتي كتير لئيمة (ابي وامي متطلقين وابي عايش بسوريا) بدي نصيحة شو اعمل بهالوضع