أفكر في فسخ الخطوبة لكن أهلي يقفون عقبة في طريقي

السلام عليكم، الموضوع طويل شويه انا مخطوبه من 4 شهور لشخص والده متوفي وهو عنده 14 سنه و والدته توفيت وهو عنده 25 سنه وهو مطلق اتجوز 3 شهور بس وطلق وانا عمري ما ارتبطت قبل كده ولا رسمي ولا غير رسمي قبل الخطوبه بيومين فضل يقولي كلام يحمل ايحاءات مش مظبوطه زي انتي جسمك حلو في بنات بتحاول توصل لمستوي جمالك بالعمليات لكن انتي عندك الاساس اما هما لا ويعلق ان انا جدتي مخلفه كتير ويقولي جدتك دي بطله قولت لماما نوقف الخطوبه قالت تلاقيه مش يقصد وعديتها بعد حفلة الخطوبه بيومين قالي فستان الخطوبه كان جميل ده حشو ولا طبيعي طبعا انا اتصدمت وخوفت منه وقولتله دي مش طريقة تتكلم بيها مع خطيبتك وزعلت وكنت هفركش وقولت لماما قالولي اهدي واحنا هنتكلم معاه وفعلا كلموه واعتذر كتيييير جدا وفوتها مش هنكر انه من فتره للتانيه كان بيقولي كلام زي بتعرفي ترقصي شرقي انتي ليه هتشتري بيجامات ف الجهاز البنات بتجيب حاجات تانيه قصيره وكنت بكبر دماغي واقول مش يقصد خصوصا انه فعلا طيب بس مش للدرجادي كنت بقول لاهلي يقولولي انتي معقده لدرجة ان واحد زميل بابا قاله لو قالولي تقبل ان دي تبقي بنتك هقول لا و انا لما كان بيقولي كلام من ده كنت بقوله وانت مالك انا حره وبعدي بصراحه هو جابلي اول هديه بس هو ماكنش يعرف انها من محل زوج صاحبتي فقولتله انا عارفه المحل قالي طيب ماتسألي صحبتك البوكس الخشب بكام قولتله دلوقتي قالي اه سالتها قالتلي مش عارفه شاكله صوريه كده قالي لا بلاش قولتله لا هصوره قالي اصله مش خشب وبعدين قالي طيب اسأليها البرفيوم بكام صورتهولها قالتلي كان ب 600ج ونزل عليه عرض ف بقي 400ج وبعدين جابلي هديه دبدوب وانا معرفاه ان انا بخاف من الدباديب اخدته وشكرته ولمحتله بعديها تاني اني مش بحبهم جابلي دبدوب تاني وفوتها وبعدين جابلي ساعه قالي صاحب المحل كان هيضحك عليا قالي انها ب 500ج وانا لاقيتها ف مكان تاني ب 120ج المهم جه يوم الفلانتين وانا كنت جايباله هديه هو كان قال انه نفسه فيها قبل كده ف وسط الكلام هو مش طلبها مني بس انا اللي حبيت اجيبله حاجه هو عايزها المهم انه كان عارف ان بكره الفلانتين وهو قالي بنفسه بكره الفلانتين وكل سنه وانتي طيبه وده اول فلانتين بعد الخطوبه جالي فاضي مش جايب اي حاجه بصراحه انا عاتبته لانه كان مزعلني قبلها لاني حاولت اساعده ف الماستر ونزلت الجامعه مخصوص علشان اقابل دكتوره انا عارفاها علشان اساعده بس الموضوع مش كان مفيد من وجهة نظره ف استهزأ بمجهودي وقالي انتي كده مش فيدتيني بحاجه وفضل يضحك ف لما مش جاب هديه عاتبته فضل يقولي مش كان عندي وقت وكنت مضغوط ف الوقت مع ان اليومين اللي قبل الفلانتين كان واخد اجازه من الشغل وقاعد ف البيت المهم انا زعلت جه تاني يوم لاقيته بيقولي انزلي تحت في حاجه ع الباب قولتله مش هعرف انزل قالي طيب خلي اي حد ينزل ماما كانت خارجه بره رجعتها مخصوص شاف ماما وهو ف عربيته وكان جنبه اخوه عملها سلام من بعيد ومشي من غير ماينزل يسلم عليها ماما زعلت من قلة ذوقه قالي انتي حطيتيني ف موقف بايخ وانتي السبب مين قالك ترجعي ماما كان اي حد ينزل بس ف الوقت ده كله كان نايم لانه كان جاي بدري وقالي صلحي الغلط اللي عملتيه قولتله انا مش عملت حاجه وانت اللي غلطت صلح انت المهم اعتذر كتيييير لماما وليا علي طريقته معايا وماما عادتها كنت عايزه افركش بصراحه بس اهلي فضلوا يقولوا لا مش سبب وياما بيحصل روحنا شوفنا الشقه ف الاول انا كنت ساكته وخلاص ومش طلبت حاجه تتغير بس بعد اللي عمله قولتله علي انه يغير بعض الدهانات لان الباب قشر وقولتله غير سيراميك المطبخ لانه اتحرق قبل كده وكمان هو بعد ما طلق مش جدد حاجه ف البيت وانا طلبت المطبخ بس لانه فعلا متبهدل خالص قالي مش هقدر وظروفي مش تسمح ولو مش هتقدري يبقي مش هينفع اكمل كده وانا مش رضيت ادقق ع الكلمه دي وقولت متعصب وقالي ما انا ممكن اطلب منك تيجيبي تكييف علي اعلي مستوي رجع لما زعلت قالي انا بجهز نفسي ولازم توقفي جنبي مع ان مرتبه 5000ج وسايب ف البنك 50,000 بصراحه هو بيقول انه بيحاول يزودهم علشان يعرف يجيب الفرش قولتله ماشي واتنازلت عن تجديد المطبخ هو مش بيتصل ب ماما وبابا خااااالص ف قولتله اتقرب منهم اتصل بيهم ع الاقل مره ف الاسبوع فضل يجادل ف الاول و بعدين قال ماشي هتصل وفعلا اتصل قال لماما ان انا بقول انها زعلانه منه وانا مش قولت كده لما واجهته قال كنت بهزر وعاديتها لانه موضوع بسيط ماما مش عرفت تكلمه كويس يوميها لانها كانت ف الشغل ف اتصلت بيه تاني يوم كانسل عليها ومش رجع اتصل لحد الساعه 4 العصر لما سألته قال انا حافظ رقم مامتك ع الفون عندي بس هي لما رنت طلعلي رقم من غير اسم قولتله ازاي حافظه ع الفون ويحصل كده قالي انتي بتكدبيني ورفع صوته ف انا طبعا رفعت صوتي قالي انتي بتقولي كلم بابا وماما طيب ما انتي كمان مش بتكلمي مرات اخويا قولتله المفروض هي اللي تطلب رقمي وكمان دي مش مامتك ودخل بقي ف اسطوانة انا مضغوط وبجهز نفسي انا مش ماديه خاااالص بالعكس انا عمري ماطلبت منه حاجه بس لما بلاقي معاملته معايا كده بقول يمكن علشان انا برضي ب اي حاجه منه وكمان هددني 3 مرات بطريقه غير مباشره انه لو مش عاجبك نفركش دايما يقولي انا مضغوط ماديا مع اني عمري ماطلبت منه حاجه قالي هجيب هدية عيد ام لماما ورجع ف نص الكلام قال الميزانيه لا تسمح قولتله يعني ايه قال بهزر انا مش عارفه المشاكل دي عاديه ولا ايه لاني تعبت وكمان انا عاتبته علي امل ان انا اسمع كلمت مش تزعلي فضل يكلمني ساعتين ومش قالي كلمه واحده تجبر بخاطري قولتله انت حتي مش قولتلي مش تزعلي قالي لا خلاص انا هنسي الكلام ده ونبدأ من جديد قولتله انسي ازاي وانت مش طيبت خاطري باردو مش قالي مش تزعلي انا دلوقتي شايفه ان انا افركش احسن بدل تعب الاعصاب ده لكن اهلي بيقولوا ده مش سبب ومش هتلاقي حد كامل انا مش عايزه حد كامل انا عايزه حد ارتاح معاه حد يعرف يخليني احبه انا مش بكرهه بس مش بحبه باردو بس كنت بقول الحب بييجي بعد الجواز وكنت بعامله بما يرضي الله انا مش عارفه اعمل ايه؟ انا مياله ان انا افسخ بس اهلي شايفين ان انا كبرت وبقولوا مش هتلاقي غيره مع ان انا شكلا حلوه ومستوي تعليم عالي مخليني خايفه اندم وف نفس الوقت انا عايزه ارتبط بواحد اكون مبسوطه معاه مش كل شويه مشاكل اسفه علي الاطاله