كيف اعالج النفور وعدم الثقة بالرجال

السلام عليكم كيف اعالج النفور وعدم الثقة بالرجال بنات عندي مشكله اعاني منها أنا انسانه اقدر احل كل شي بحياتي و اسيطر عليه إلا نفوري و عدم ثقتي بالرجال يخوفني فكرة ان القوامه بيدهم لو استغلوها بشكل غلط مثل ما اسمع انه زوج يضطهد زوجته و يستغلها و يهددها بالطلاق أنا ما احب هالشي اريد زوج عنده رحمه و فهم كافي لمسؤولية الزواج هذا تفكيري مع اني ما تضررت من احد من اهلي لا ابوي ولا اخواني ولا اقاربي الرجال و لكن الغريب اني حذره بموضوع شريك الحياه اللي هو الزوج وهذا سبب لي عائق بالتقدم و الزواج

حاليا تقدم لي واحد و فكرت بهالموضوع لعلها ما تكون المره ال18 لاني رفضت 17 خاطب طول العشر سنوات هذي!و السبب ترددي و عدم استعدادي و كثير منهم مدحهم ابوي لي لكن هذا ما غير فيني شيء و خلاني اقتنع لانه سبب المشكله اصلا تعودت اسمع من حريم انه الزوج يغش الزوجه بفترة الخطوبه و يظهر شخصيته الحقيقيه بعد الزواج أنا و اعوذ بالله من كلمة أنا ارى نفسي ك إنسانه ساكون زوجه صالحه و يعتمد علي من قبل الزوج و اكون له قرة عين لان هذا تربيت عليه من صغري ولكن فكرة الشريك اللي بحصل عليه ترعبني وكأنها لعبة حظ كم مره حاولت اشجع نفسي و أستخير ثم أستخير ثم أستخير عشان أوافق وتتم الخطبه لكني ارفض قبل أشوف الخاطب

احس انه مهما شفت اخلاقه و طيبته رح يوريني وجهه الثاني اريد اتزوج و استقر واعيش مرتاحه بس خايفه من هالموضوع اتمنى الاجوبه من البنات بس و تعلموني ليش و ايش سبب ان كثير حريم قالوا كذا ماهو شي جديد دايم اسمع انه ينغشون بازواجهم و يسألون عنه و يجيهم مدح و يطلع مو قد المدح