هل أكمل الخطوبة رغم عدم الارتياح؟

السلام عليكم، هل أكمل الخطوبة رغم عدم الارتياح؟ مين مر بتجربة مشابهة أو بيقدر ينصحني؟ أنا مخطوبة، وخطيبي إنسان محترم وصاحب دين وأخلاق، وبيحبني، بس بحس حبه أكتر بالكلام مو بالفعل، أحيانًا بارتاح معه وأحيانًا لا، وهاد الشي مخليني مترددة جدًا

في شغلات مضايقتني: ما عندي انجذاب كبير لشكله، وهو قصير، وكمان بحسه شخص بلا طموح أو إرادة، سجل بالجامعة وترك، ورجع سجل وقال ما قدر يكمل لأن كل شي صعب، شغله مو ثابت، بيشتغل قليل، ودائمًا يشتكي ويتذمر من الشغل، كمان هو شخص ما بيحب يطلع من البيت

غير هيك، بحس عنده نوع من البخل، وصار في مواقف حسستني بهالشي، وفي نقطة كمان مقلقتني: لما نطلع سوا أحيانًا يطلع على بنات (مو بشكل مبالغ فيه، بس بيطلع)، الناس اللي حولي عم يقولولي إن أخلاقه منيحة وكمّلي، بس أنا من جوّاتي مو مرتاحة وكتير محتارة، شو بتنصحوني أعمل؟ أكمل ولا أوقف قبل فوات الأوان؟