والدي اتهمني ظلماً وأثر ذلك على نفسيتي

مرحباً والدي اتهمني ظلماً وأثر ذلك على نفسيتي، أنا بنت عندي 18 سنة، بدي أحكي إشي مضايقني كثير، في يوم من الأيام، يعني قبل فترة قريبة، مش من زمان، كنت ماشية الصبح، شفت أبوي واقف على الطريق، طلعت فيه هيك ومشيت، كان مشغول بالتلفون، وبعد ما مشيت تقريباً خمس خطوات، تطلعت ولفّيت راسي على سيارة، وطلعت تحت العجل، لقيت بنت صغيرة، تقريباً قريبة مني، تحت عجل السيارة، وأبوي ما كان منتبه إن في حدا تحت السيارة

رجعت عند السيارة وأنا بعيّط وبقول: "البنت تحت السيارة، وخر عنها!"، وكان داعس عليها لحد ظهرها، بعد ما إسعفناها، وهيك، ما بدي أدخل كثير في هالنقطة، أبوي خاف وحط كل شي بظهري، وقال للناس وللشرطة إني أنا اللي دهستها، وانفتحت عليّ قضية دهس، والحمد لله انحلّت القضية

بس بعد ما انحلّت القضية، أبوي حكالي: "إذا بتخبّري حدا إني أنا اللي دهست البنت، اعتبريني ميت"، يعني رح يقتل حاله، حتى أمي قالّي ممنوع أخبرها، إنتو متخيلين؟ الأمان اللي الواحد بس يصير معه أي إشي، بيروح يفضفض لأمه ويحكيلها، هو خرب هالأمان، وبدّه ياني أظل كاتمة كل شي، أنا بحس أبوي نرجسي، بيهمّه صورته قدام الناس وبس، وبعايرنا إنه بيصرف علينا، أخوي الكبير متأثر كثير بشخصية أبوي، وعمل كثير أشياء، بس ما بدي أدخل بتفاصيل، أنا الآن بحس حالي مش قادرة أتقبل أبوي أبداً، وبكرهه، وحاولت أتقبّله بس مش قادرة