ملزومة بزميلة خطيبي وكأنها حماتي

أنا امرأة مطلقة عندي ٢٤ سنة تزوجت لمدة شهرين وتطلقت برغبة أهلي أن هذا هو القرار الصحيح .قصة زواجى أنى اتخطبت لزميل لى فى العمل عن طريق مديرة موجودة فى العمل ايضاً ،كانت إمرأة غريبة وقريبة منه جداً وكانت تظهر اهتمامها به بسبب أنه مؤدب وملتزم فى العمل و تقول أنه مثل ابنها ،المهم أننا اتخطبنا وبدأت هذه المرأة فى افتعال المشاكل بيننا وتقول له اثناء الشجار أمامنا بقيت بتكلمها فى التليفون ومبتكلمنيش زي زمان وأنا كنت أستغرب من كلامها وأقول ربنا يهديها هى عاملة عليا حماة ولا إيه وكنت أتكلم معاه بخصوص غرابتها يضحك ويقولي أنها بتعزه جداً ومتقصدش حاجة . المهم بعد كدة هى بقت بتفتري عليا وبتقوله حاجات بالظلم أنا معملتهاش وكان بيجى يسألنى كل كام يوم أنتى عملتى كذا وكذا وشوفتيها ومسلمتيش عليها أو شوفتيها وبصيتى عليها بقرف كل ده محصلش أصلا وأنا كنت بدافع عن نفسى واقوله إنت المفروض تبقى واثق فيا وبعدين يقولى ماشى خلاص أنا بسألك بس علشان اتأكد وهكذا استمرت فترة الخطوبة وكنت بقول معلش استحملي بكرة ربنا هيظهر الحق وأني صادقة وبريئة وأنها بتكذب وقولتله الست دى أنا تعبت منها ومليش علاقة بيها تانى بروحلها كل يوم فى مكتبها أسلم عليها واسأل عنها وهى بتسلطه عليا وبتظلمنى وتقول عنى كلام محصلش ،راح قالى براحتك متروحلهاش تانى ،انا قولت بينى وبين نفسى الباب اللى يجىيلك منه الريح سده واستريح فقولت ابعد عنها ومشاكلها انا استحملتها كتير علشانه بس لحد كدة كفاية ،المهم هى بعد ما بطلت اروح اروح عندها زادت فى الافتراء عليا وتقوله انى بقول لزمايلى فى الشغل انى مش عايزاه يروحلها تانى ويقطع علاقته بيها وكل ده من تأليفها هى حسبى الله ونعم الوكيل فيها.أنا كنت بستغرب أنها تعرفنا على بعض وبعدين تبقى عايزة توقع بيننا ،مكنتش فاهمة ليه بتعمل كدة وكانت علطول بتروح معاه من الشغل فى عربيته و كنت بقول معلش دى ست كبيرة اكبر منه بحوالى ١٧ سنة تقريبا . بس كنت دايمامش مستريحة من علاقته بيها بالذات مرة قبل ما اقطعت علاقتى اتخانقت فى الشغل معانا فى مكتبها وطردتنا وهو نفسه كان زعلان منها وساعتها قعدنا اتكلمنا واتفقنا أنها بتعملنا مشاكل وإن احنا الاتنين هنقطع علاقتنا بيها وخلاص ساعتها دى انا قولتله لحد كدة وخلاص وهو قالى اه طبعا خلاص متزعليش واتفقنا . المهم بعد فترة أمه قالت لماما خلاص كل واحد فى حاله يدوب سلام وبس .وبعد فترة جت سيرتها روحت سألته انه ملوش دعوة بيها مش كدة راح قالى ليه هو ايه اللى حصل استغربت من كلامه