أخاف أن أقبل الخطوبة ومازال يفكر في خطيبته السابقة

السلام عليكم ورحمه الله وبركاته لوسمحتم انا عندى مشكلة وعايزاكم تساعدونى فى حل ليها انا عندى 31 سنة ومعايا بكاليورس خدمه اجتماعية وبشتغل فى شركة قطاع خاص بقالى حوالى 8 سنين وكنت مخطوبة من 2011 ومحصلش نصيب وقابلنى بعدها اشخاص فى حياتى بس مكنش فيه جدية فى افعالهم وتصرفاتهم معايا لحد ماوصلت انى اتخنقت وققرت انى مفكرش فى موضو الجواز دى واجله لما يجى النصيب وبعد فترة من قرارى دى كنت موجودة فى محل بالصدفة مع بنت خالتى وبعد ما روحت اتفجئت انها بتتصل بيا تقولى ان جالى عريس من المكان اللى كنا واقفين فيه فى المحل واعدت توصفه وانا حقيقى مكنتش شايفاه نهائى بعد كدة اخدت رقمى وكلمنى واتعرفنا على بعض وحكى لى ظروفه هو معاه اعدادى ومكملش تعليمه عشان كان حابب انه يكون نفسه ومحدش يساعدة عشان ظروف اهله اتحرم من التعليم وفى نفس الوقت اشتغل من سن 12 سنة وحاسس بالمسولية والجدية وهو بيشتغل حاليا صنيعى فى تركيب السراميك وشقته موجودة وتمام وعايز يتجوز فى اقل من سنة بس هو كان خاطب 6 سنين وكان بيحبها اوووووى لدرجة انى بيكلمكنى عنها ويجيب سيرتها لحد ما اتخنقت وطلبت منه ميجبش سيرتها تانى هو احترم دى وقالى حاضر بس بردو غصب هنه بيكلم عنها انا دلوقتى خايفة من حاجة اكون عايزة اتجوز واقبل بالوضع عشان العنوسة الموجودة وغلا ء الاسعار ووضع الشباب اللى مش مخلى حد يتجوز وخصوصا هو كمان من سنى يعنى مش مضريا اقبل براجل فى الاربعين او انى اتاخر كمان شويه فاقبل بعد كدة براجل عندةة ظروف مطلق ارمل وخصوصا انى نسبة البنات كتيرررة اوووى وفيه حاجة تانية مخوفانى انه يكون عايز يرتبط بيا ويخطبنى عشان يغيظ خطيبته او ينساها بيا وانا محتارة وكل ما يقولى حددى ميعاد لقراءة الفاتحة اتهرب منه باى ححة مش عارفة اعمل اية