خطيبي يحدثني بتلك الطريقة من أول مقابلة

قضايا اجتماعية
خطيبي يحدثني بتلك الطريقة من أول مقابلة

السلام عليكم .. ما عندي مشكله الحمد لله ولكن بثق برأيكم ..وقرار مستقبلي وحياتي بين ايديكم ارجوكم انصحوني .. انا طالبة ماجستير وعمري ٢٦ سنه والحمد لله ربي رزقني بالجمال وشخصيتي اجتماعيه مو عاطفيه خليني احكي اني بستخدم الذكاء العاطفي اكتر لاني ما بحب اذي اي انسان الحمد لله ما كان عندي علاقات حب او صداقه لاني كنت بشوف الحب عظيم وكنت بخاف ينكسر قلبي وعلشان هيك ركزت مع نفسي اشتغلت على نفسي ووثقت باختيار رب العالمين وريحت بالي تقدملي اشخاص كانوا مناسبين بس مو اللي ومميزين بس فعليا انا ما كنت انجذب وكنت انهي الموضوع من دون ما افكر لاني بعرف نفسي كتير منيح وكذبت مع الايام بتغير او بحبه ما كنت اقتنع فيها وقراري من نفسي من دون تدخل حدا ومن كم يوم تقدملي شب عمره ٣٢ سنه دارس بكالوريس خليني احكي اني اتقبلته نوعا ما ارتحت انا من المدينة وهو من القرى ممكن اللي مخليني اتردد هو كلامه وبصراحه خلاني محتاره كتير متلا حكى عن خطبته السابقه حكى انه هو كان اسعد واحد بالدنيا لما خطب وبعدين حكى انه اخدها جبر خاطر بصراحه مستحيل حدا يكون اسعد واحد بالدنيا ويرتبط جبر خاطر وحكى انه من يوم فحص الدم هو حسها مو هاي البنت اللي بده اياها وحكى انه لباسها ما كان حلو ومع انه هو كمان حكى انه هي حكتله لباسه مو عاجبها وحكى انه هي لما كانت بدها تطلع من البيت كانت تقعدت ساعتين وهي تلبس وحكى لمين !!! باستغراب بس انا بصراحه كنت مصدومه وحكى انه هو بغار ولكن لما حكتله ما عندي علاقات حب ولا صداقه حكالي انه هو الاولى بحاسبني عليها او بتهمه ولكن التانيه وقصده عن الصداقه ما بتهمه وبنحكي عن الشباب بهاي اللحظه استنتجت انه هو عنده صداقات بنات وما بده احاسبه عليهن لو ارتبطنا وحكى انه في علاقاته كان مخلص ووفي وبعدين بهرب وضحك بكل برود اعصاب يا الله قديه اذى بنات قديه هو ضحك على البنات وانا لساتني مصدومه وبفتخر بحاله انه هو(( بهرب )) وبرضوا حكى عن خطيبته السابقه انها بتستاهل واحد احسن منه وهي فعلا اتزوجت واحد احسن منه وهي بتستاهل الافضل منه وحكى انه هو مو مهم يرتبط بوحده احسن المهم خطيبته السابقه هي ارتبطت باحسن وبصراحه وقع الكلام في نص قلبي وحكى انه في مره اشتغل شهر وبعدين الشغل فنشوه والمفروض على شخصيته ما يتفنش وحكى لما خطب قبل سنتين حكى انه ما كان عاقل يعني كان قريب ٣٠ سنه ولساته مو ناضج وما كان يفكر منيح وبعقاله وحكى انه صار موقف معاه ومع والد خطيبته وطرده من البيت لانه متأخر عندهم واخته حكت انه كريم كريم جدا بس هو حكالي انه خطيبته السابقه كان عندها طلبات واتوقع انه مو كريم وحكى انه طلب بنت تانيه وبرضوا ما صار نصيب وحكى انه هو متغير من ٦ شهور بس متخيلين بس من ٦ شهور هو متغير وله هو كاين عصبي وكاين غير مسؤول وكاين عنده افكار غلط واخطاء كتيره وهو بده بنت الحلال اللي تغيره للاحسن وبده بنت الحلال اللي تخليه افضل هاد كله حكيه طبعا وحكى كتيير قصص بس صدقا لاول مره حدا بشتتني والله محتاره والمشكله اهلي كانوا قابلين ومتقبلين قبل ما يجي وانا كنت رافضه من دون ما اشوفه ولكن بعد ما اجى اهلي رافضين وانا محتاره صدقا وهو بشتغل بره واجت معهم بنت صغيره هو اذاها بالكلام وانا عنجد صرت مصدومه اكتر واكتر لانها طفله حرام وقلل منها بطريقه كتير غلط ومؤذيه انا مو هيك والله انا دايما بجرح نفسي ولا اجرح حدا انا شخصيتي غير انا اذا بديت بموضوع بنهيه بس هو لأ هو حكى كتير مواضيع وكل هاد من القاء الاول بس وحكى انه بحب الحب وبعدين حكى لأ وكل كلامه فيه تناقض شوي وحكالي انه هو بقدر يحرك مشاعري يعني هو عارف انه ما حرك مشاعري وحكى كلام بصراحه مو المفروض ينحكى للاسف انا بنت محترمه وهو جاي على بيت اهلي انا لا بعرفه ولا هو بعرفني والمفروض كلامه ما يكون فيه اي ايحاءات غلط وتحديدا لانها اول مقابله ارجوكم ساعدوني وانصحوني اعتبروني متل بنتكم .

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده الها بك يا ابنتي وبما ان اهلك غير موافقين انا رايي ان تسمعي كلام اهلك وانت ما شاء الله عليك راقية وواعية وتتكلمين بنضج وصحيح كلامك قال امور كثيرة فيها تناقض وتعارض وكل هذا في اول لقاء مما يعني انه غير ذكي اجتماعيا، ونعود للنقطة الاصلية لا تخسري اهلك لاجل اي شخص وبما انك لا زلت في اول الطريق لا تضغطي على نفسك وبما انك مترددة وارسلت لنا هذه الرسالة فانت تحتاجين لشخص يقول لك انك على الطريق الصحيح وهو شاب كبير ودخل في عقده الرابع مما يعني انه ليس مراهق ليقول من 6 اشهر تغيرت، ورغم اننا لا علاقة لنا بماضيه فانت لك به في حال الخطوبة ولكن الرجل كثير الكلام يقع في الخطأ، ويبدو من الصفات انه ليس ما تتمنينه لنفسك، كوني قوية ولا تضعفي ولك ان تقابليه مرة ثانية وبعدها تعطه القرار وابق بذات العقل المنفتح ولا تنجرفي عاطفيا وربي يوفقك.
  • صورة علم Jordan
    صورة علم Jordan
    من مجهول

    من خلال كلامك يتضح أنه غير مناسب لك فنصيحه لوجه الله تعالى أنصحك حبيبتي أن ترفضيه ولا ترتبطي به نهائيا لأن الإرتباط به سيجرك إلى أكبر ندم في حياتك وعسى الله عز وجل أن يرزقك بشخص أفضل منه قريبا جدا

  • animate

  • صورة علم Jordan
    صورة علم Jordan
    من مجهول
    ما توقعي بغلطتي كأنك بتحكي عني و الله لو يرجع الزمن لفسخت الخطبة! ما تسلمي حالك لشخص مو مقتنعة فيه ! مطلقة غير مدخول بها احسن من مطلقة و معها خلفة .
  • صورة علم Egypt
    صورة علم Egypt
    من مجهول
    انتي كده داخلة تدرسيه وتعلميه مش داخلة ترتبطي وتعيشي حياتك .. حبيبتي ده شخصية معقدة وغير مرتبة ومتناقضة وانتي حافظتي على نفسك عشان تاخدي واحد يريحك ويقدرك مش يرمي بلاه عليكي وتقعدي تعلمي وتهندسي فيه ده اذا تقبل منك تعليم اساسا ده لافف وداير لايستحق الا واحدة مثله اهربي بجلدك
  • صورة علم Germany
    صورة علم Germany
    من مجهول
    أختي انتي مثقفه و راقيه و حساسه لا تستاهلي شخص كهذا كلامه غير موزون و كما قلتي جرح طفله صغيره كيف أنتي لما تكونين زوجته ،و اذى اكثر من بنت و هرب منهم و تكلم بموضوع غير لائق ان يتكلم به كما ذكرتي ،هذا شخص لايناسبك على الإطلاق ربي يعوضك بأحسن منه و انتي جميله و واعيه و عاطفيه لا تقودي نفسك للهاويه مع شخص مشاعره فوضويه و مبعثره و غير ناضج و كلامه متناقض .
  • صورة علم Saudi Arabia
    صورة علم Saudi Arabia
    من مجهول
    اتركيه وانفصلي عنه الرجل اللي كان له علاقات نسائية قبل الزواج لا يجد كل مواصفاته في زوجة واحدة وبعد فترة من الزواج يبحث عن غيرها
  • صورة علم Saudi Arabia
    صورة علم Saudi Arabia
    من مجهول
    اذا قلبك مش مرتاح اختصري ع نفسك كل هالحيره والتعب
  • صورة علم Algeria
    صورة علم Algeria
    من مجهول
    معجبني كلامو ليش بيحكي علي خطيبتو هيك انت صلي صلاة استخارة اذا اهلك مبدهم خذي رايهم احسن متندمي اهل الهم تجربة بيفهو اد منحن نفهم مي وقت صحيح منفهم بنكون متل اطفال نصحتي انت شوفي اهلك اسالي عليه كتير روحي خطيبتو سابقة حلفيها تقول حقيقة هيد زواج مو لعب هيدا مصير حياتي الله يوفقك يا اختي يبعتلك ابن حلال لي يفهمك يحبك من قلبو يهنيكم مع بعض
  • صورة علم United Kingdom
    صورة علم United Kingdom
    من مجهول
    الله يوفقك ويكتب لك اللي فيه الخير
  • صورة علم Jordan
    صورة علم Jordan
    من مجهول
    الحل تبعك بكتوب بقصتك ! بتكملي معه رح تكملي ع هالمنوال من التخبيص ورح يزيدما بدك تخبيص و توتر بتصرفي نظر فورا... كل هاد كرجلك ياه بأول لقاء... الزلمة اللتات " اللي بيلعي وبيخكي كتير " مو حلو اذا نحنا ونحنا عمنقرا لعت منافسنا منه
  • صورة علم Algeria
    صورة علم Algeria
    من مجهول
    ابتعدي عنه من يتلذذ باذى الناس فهو مريض
  • صورة علم Jordan
    صورة علم Jordan
    من مجهول
    من جمال قلبك وعقلك انك شايفيته لسه ممكن يكون فيه اشي منيح مع انه هو شخص سيء جدا وما بستاهل وحده مثلك اتركيه عزيزتي وربنا بعوض
  • صورة علم Jordan
    صورة علم Jordan
    من مجهول
    اتركيه ممكن يكون شخص لعوب وهدفه يشوف بنات الناس وبس لانه مش المفروض يحكي عن سيئاته الا اذا قرر الانسحاب وحس حاله اتورط لانك كاملة المواصفات بكل اشي وهو ما كان متوقعك هيك
  • صورة علم Saudi Arabia
    صورة علم Saudi Arabia
    من مجهول
    ده شخص مقرررف و لا تعيريه أي إهتمام و تأكدي إن هذه لن تكون الصدمة الأولي منه.كفاية بس إنه قال إنه أذي بنات كتير الله يبعت له اللي يأذيه مثل ما أذي بنات الناس.و بعدين شو كل هالقصص و السالفات. حتي الحريم ما عادوا يكتروا في كلامهن و هو ما حصل الحريم حتي. شو هالقررف.انتي باينة من بيت و أصيلة لو أخذك هذا المقرف راح يقرف عمرك.احذريه نصيحة من أم.
  • صورة علم Jordan
    صورة علم Jordan
    من مجهول
    كل اشي واضح ومبين ولكن في وهن بالعاطفه قليل ومع اراء الجميع اتوقع وصلتك الفكره لانك عاقله وواعيه وما بتحتاجي كثير تفكير لتعرفي طريق سعادتك
  • صورة علم Egypt
    صورة علم Egypt
    من مجهول
    استماره ١٦يعنى استغناء عن خدماته
  • صورة علم Egypt
    صورة علم Egypt
    من مجهول
    صلي استخاره...وانا شايفه ان محدش بيتغير علشان حد وله انتي المعجزة اللي جايه تنفذه انتي انسانه من حقك تحسي بالأمان معاه هو متغيرش طول السنين دي عمره ما هيتغير دلوقتي وكمان اسلوبه سيئ ف الانفعال وعصبي مش بعيد يهينك بالكلام زي ما عمل مع الطفله اهربي منه وارحمي نفسك واهلك اكيد ليهم نظره عنك ..وبرضو صلي استخاره لعله يكون خير ليكي برغم كل ده
  • صورة علم Turkey
    صورة علم Turkey
    من مجهول
    شخص غير مناسب لكي انتي كشخصية بحاجة لأفضل منه ومع ذلك عليك بصلاة الاستخارة وركعتين قيام ليل ينور الله عقلك وقلبك ويبعد عنكي المستقبل المجهول المخيف
  • صورة علم Turkey
    صورة علم Turkey
    من مجهول
    الموضوع كلو مخربط ومبين حياتو معقدة ومدري كيفأنا برأيي ترفضي
  • صورة علم Jordan
    صورة علم Jordan
    من مجهول
    بنصحك تنسي موضوعه المكتوب مبين من عنوانه وانت مبين عليك محترمه ومش وجه بهدله لساتك صغيره هذا الشخص ما بيناسبك

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟