رفضت الذهاب لمنزله والخلوة معه

مرحبا .. انا بنت عمري 24 عام انا بحب شاب هو معي بالجامعة بس مو من نفس قسمي انا و هو تعرفنا عبعض هو يدري اني احبه و هو يگول انو يحبني بس لهسه ما شايفه شي يبين انو يحبني .. المهم قبل چم يوم گالي انو محد موجود بالبيت ليش ما تجين يمي اني هم فكرت گلت اروح حتي اعرف يحبني لو لا يعني اتكلم ويا اني گلت اجي يمك بس بشرط انو ما تلمسني ابدا فهو گال ليش انتي ما تقبلين شنو بيها اني گلت لا ما يصير هسه لحد ما تخطبنى من اهلي هسه اجي بس احجي وياك و خلاص گال لا اذا تجين لازم نسوي اشياء حتي تبقى ذكرة لحد ما يجي وقت الزواج اني ما اقتنعت بكلامه و گلت ما اسلم نفسي لاي احد گال مو اني راح اتزوجج و ما راح اعوفج اذا صار نصيب اني گلت اذا صارت نصيب بعدين نسوي هل الاشياء الممهم ما رحت بيته علمود ما وافقت انو نسوي شي و هو گال اذا ما تقبلين لا تجين اني گلت اوك هو گال اوك .. ف انتو شنو ارائكم .؟؟ زين سويت لو لا ؟؟ و هو هسه شلون شايفني ؟؟ و شنو يفكر ؟؟