أمي قلبت حياتي إلى جحيم بسبب عشقها للمال

السلام عليكم ورحمه الله وبركاته وصباحكم سعيد واسال الله بمنة وكرمة وفضله ان يفرج همومكم وينفس كرباتكم انة القادر على ذلك وهو على كل شي قدير ::::: اخواني واخواتي انا عندي مشاكل كبيرة جدا مع امراضي النفسيه كالاكتئاب والضيق وامراض روحيه كالعين والحسد ومشاكل الظغط في البيت من زوجة ابوي وبناتها رغم طيبتي معهن واعطاهن المال ومن اغراضي رغم ان اغراضي بشنطة سفر ببيت ابوي لاني ماعشت عنده الا بعد طلاقي الذي لم يدم سوي شهرين بسبب انه طلقني لانة يلعب على بنات الناس يطلق ويتزوج وحنا ماعرفنا الا بعد الزواج هو ماعلية شي لكن مع العشرة اكتشفت شخصيتة ومشاكلي مع اهل ابوي الذين دمروا شخصيتي منذ صغري كل هذة المصائب واكثر منها ببلايين المرات بسبب من يقال لها (ام) فقد تركتني منذ اسبوع ورمتني على اهل ابي ومن بعدها بدات المصايب تنهال علي الين الان وانا من رجعت لها بسبب ابي رضا ربي ولكنها بس تبي فلوس كانت بالبدايه ماتوضح لي هذا الشي مااكتشفت انها ماتخاف الله الا قبل سنتين منذ ليله زفافي اعطيتها مال وتمشي بين الناس تقول ماعطتني ولاشي ومن بعدها بدات تتكشف لي موقف وراء موقف وتزعجني من اشهر تعالي تعالي واذا رحت لها لااكل ولاشرب ولاغطاء علشان لو انام ويكون ببيت ابوي وتمنعني زوجتة ولاشي اقدر اخذه معي لان انا ماعندي فلوس الا راتبي ومايبقى منة الا شي قليل اخليه لااكلي وشربي ومصروفي ببيت ابوي لان ابوي مايصرف علي ولايخلوني اكل ارجع للبيت مالقى اكل هذا غير السواق وانا اول اعطي ماتسمى ام قبل سنين لاني اتسلف علشانها واركب نفسي الدين وانا اساسا محتاجه بس اقول مايخالف لاني انا بطبعي اعطي الناس وافرح اكثر منهم وهي مضاعفه لاني كنت احسبها ام بس بعد ماعرفتها على حقيقتها خلاص وامس يوم قلت لها ابي اجيكي الجمعه (زيارة لها وبسبب هروبي من جحيم زوجة ابوي) قالت ابي فلوس قلت ماعندي منين لي قالت من راتبك رديت عليها انة مصروفي قالت اسمعي تراني ماراح اسامحك انصدمت عجزت اتكلم لفترة وبعدها قلت طيب ابي اجي قالت اذا صار معك تعالي انا ابي اروح الجمعه وسمعتني كم كلمة وسكرت الجوال وحتى لما ادق عليها وتاخذ اسبوع وزياده ماترد واذا ردت اقول وينك ماتردين خفت ان فيكم شي تقول لا بس انا اروح واجي وزيارات واشوف رقمك وماني فاضيه ارد عليكي وحتى مند صغري مااعلمها باي شي لاني توقعتها تتعب علشاني وسمعت من البر بالوالدين ان الواحد مايعلمهم بشي علشان لايتعبون ولاتعرف عن حياتي ولاحاجة :::اللي يقهر انها تاركتني طول حياتي وهي سبب كل عذابي وتنقلي من امراة لاامراة وقت صغري علشان يربوني ومن 7 سنوات انا ربيت نفسي بنفسي غير التحرشات بسبب الاهمال والامراض وانتقاص الناس لي ونقصي عن البنات لاني بلا اب ولاام ولااخوة وكل شي وبالنهايه انا بعمر 16 رجعت لها وبر عظيم بها واعطيها فلوس واكلمها واعايدها الساعه الاول من الفجر بالنهايه باعتني علشان الفلوس ان اعطيتها عاملتني اشواء وان مااعطيتها وجيتها بدونهن مسحت فيني الارض اقسم بالله العلي العظيم ان ماغير الشاهي والقهوة والتمر واخوي اللي عندها بالبيت تمر من قدامي للاكل توديه لعندة حتى طلاقي فرحت به لدرجة مو متوقعه بسبب انة مااعطاها فلوس انا محتارة هل اعطيها فلوس دايما ولا اتركها واغضب ربي ؟؟؟ مع انها بنظري نهائى مو ام فقط حمل وولادة حتى وهي حامل حاولت بشتى الطرق انها تطيحني حسبي الله بس،،، يارب يارب اتزوج خارج مدينتي ولا راح تقلب حياتي جحيم بسبب عشقها للمال يعني لو تجي بيتي وتروح وانا مااعطيها فلوس او اي حاجة اكيد راح تدعي علي وتتكلم فيني قدام الناس وتزود من عندها لانها ماتخاف الله ولاتصلي واقسم بالله انها ماتركع لله ركعه تشوفن قدامها اصلي لما اجيهم واقولها قومي صلي تقول ايه ايه او تطلب زوجي لو تزوجت داخل مدينتي تبي منة فلوس وكيف نظرتة لي وراح تسبب بيننا مشاكل وغيرها ابي الهروب من مدينتي بسبب جبروت اهل ابوي وخاصه عمتي الكبري، ،، دعواتكم لي وانا اعتذر اني طولت وعارفه لكن وش اسوي ماعندي الا الله ثم انتم هالكلام ماقدر اقوله لو صديقاتي لان زوجة ابوي وبناتها يتسمعون لكلامي وينشرونة فلا املك غيركم اخوة كرام واخوات حبيبات واساتذة افاضل وجزاكم الله خير الجزاء