أهل زوجي يتدخلوا في أدق التفاصيل في حياتنا

قضايا اجتماعية
animate

السلام عليكم انا متزوجة من سنتين و مشكلة الكبرى في الحياة مع دار حماي ، بداية انا بسكن معهم في نفس العمارة و هاد الشي خلاهم يتدخلوا بكتير اشياء بيني انا و زوجي و بكيفية تعاملي مع ابني و بتدخلوا بطريقة مزعجة يعني مثلا شو اطعمي ابني كيف البسه متى ارضعه و متى ما ارضعه و اذا عيط بلاقيهم طلعوا عالبيت يعاتبوني انه ليش ببكي اذا اخدته عالدكتور و ما حكيت بزعلوا حتى بتدخلوا عاي دكتور اخده ، اذا و انا و زوجي بدنا نطلع لازم نمر عليهم و نحكي الهم وين رايحين و غيرو كتير و من جهة تانية بضلهم يسمعوني حكي ، مثلا بعلقوا علبسي و عشكلي و عطولي ، و على تصرفاتي بخلقوا الحكي و النق من تحت الأرض ، مع انه كتير ناس بمدحوا بشكلي و أدبي ، بس ليش همه هيك معي ما بعرف ، احيانا هالأذى و الحكي بكون بحضور الناس بعملوني مسخرة الله و كيلكم ، مشان الله احكولي شو اعمل ؟و الله أنا تعبت و زوجي تعب من هالقصص . سامحوني لاني طولت عليكم بس و الله قلبي مليان و الي حكيته لسه قليل عالوضع الي انا فيه

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدرب ماهر سلامة طبعا هذا متوقع بحكم قرب الجيرة، وإذا كانوا متقاعدين فليس لديهم عمل إلا أنتم. وواضح أن زوجك لا يستطيع فرض شخصيته أمامهم خوفا من زعلهم، فهم في النهاية من قدموا له الشقة وغيره من وسائل الدعم. لا مانع من اخبارهم احيانا الى أين تذهبون، وقد تضطرون الى اخفاء بعض الحقائق حرصا على خصوصيتكم، وارضاءا لبعض فضولهم. لكن عليكم التفكير بوضع خطة لتخفيف تدخلهم خاصة في أي شيئ يتعلق بك. وقد تلجأين الى طريقة مازحة تقولين بها لما لا تنشغلوا بشيئ آخر واتركوا اموري لزوجي، هل تقبلون أن يتدخل أهل ابنتكم ببنتكم بهذه الطريقة. طبعا هذه مهمة حساسة وتقدم بتسلسل ذكي. انتقي الوقت المناسب وحاولي التعبير عن نفسك بوضوح، وارجوهم بعدم التدخل بطريقة ذكية. قولي لهم دعونا نختار تجربتنا وعندما نحتاجكم سنسألكم. من المهم أن تفكري بالعمل ايضا سيدتي لتكوني شخص مستقل ماليا. هذا يقوي موقفك. بالتوفيق سيدتي
  • صورة علم
    صورة علم
    من مجهول
    مالك حل سوى الابتعاد انتى وزوجك عن هذه البيئة المريضة
  • animate

  • صورة علم
    صورة علم
    من مجهول
    طبيعة اهل زوجك متعبين وحشريين يجب ان تتاقلمى مع عقليتهم وتاخذيهم على قدر عقولهم
  • صورة علم Algeria
    صورة علم Algeria
    من مجهول
    كلنا نعاني من نفس المشكلة حبيبتي اقولك احسن حل انك تطنشي اعملي حالك و لا كأنك سمعتي و اذا تمادو في التجريح يا اختي ردي و وقفيهم عند حدهم المفروض يحترمو خصوصياتكم و حياتكم و مش لازم تخبريهم بالطلعة و الجية و إذا زعلو يخبطو راسهم بالحيط المهم أنو زوجك عارف انك مش ظلماهم بالتوفيق اختي الله يعينا عليهم.
  • صورة علم
    صورة علم
    من مجهول
    هذه التدخلات بتقدري تلغيها اذا حكيتي معهم مرة او تنين انو هاذي حياتكم وانتو حرين كيف تعيشو وتربوا ابنكم ..لا تخلي احد يسرق فرحتكم وانبساطكم
  • صورة علم
    صورة علم
    من مجهول
    انتي حاولي تطنشي وما تدققي ع كل شيء بتسمعيه حتى تقدري تعيشي وما تنكدي ع حالك وع زوجك
  • صورة علم
    صورة علم
    من مجهول
    هذه المشكلة مشكلة الكل و جميع الكتزوجين يشتكو من هذا الامر ، حاولي تقنعي زوجك في مسكن خاص بعيد عن الاهل ، يعني المشكلة انه راحت البال و الحل لما يكون موجود ليه ما تسعيله .. حاولي بكل ما عندك انه تقنعيه تنقلوا من مسكنكم الحالي
  • صورة علم
    صورة علم
    من مجهول
    طيب حاولتي تكسبيهم لصفك ؟؟ حاولتي تكونوا عائلة واحدة ؟؟ هدول النوعية من الناس يجب ان تجاريهم و مثل ما منحكي تاخذيهم على قد عقلهم . اعملي الي بحيوه و البسي الي بيحبوه لو امامهم ما تسمحي لحد يدعسلك ع ظرف و لا يغلط فيكي بس بنفس الوقت داريهم لحد ما تكسبيهم
  • صورة علم
    صورة علم
    من مجهول
    انا للحين ما تزوجت لكن اسمع امي وخالاتي وجارتنا يتكلمون ويشكون من اهل زوجهم ونفس المشكلة كلهم نفس المشكله والمرأه الشاطره اللي ما تسمح لهذول يأثرون عليها ولا كانها سمعت ولا كانها شافت كان اللي يتكلم حيط كذا تريح راسها وراس زوجها نصيحة انسيهم تجاهليهم لا تفكرين بيهم وما تبين هالقرب على رأي المثل تبعد تحلى
  • صورة علم
    صورة علم
    من مجهول
    اختي كل زوجه بتعاني من هيك مشكله اهل الزوج لزوجة الابن لانهم بيشعورا انك اخدتي شئ ملكهم ماتتاثري بتصرفاتهم وتقربي منهم وبيني حسن نيتك وزوريهم دائما لغييروا فكرتهم عنك
  • صورة علم
    صورة علم
    من مجهول
    أختي العززية , المشكلة هذه الامور لا يمكن التحكم بها لوحدك، انت يجب ن تتكلمي مع زوجك و تفهميه انه حياتكم مختلفة و منفصلة و انه هو الوحيد القادر على وضع حد لهم ، و طول ما زوجك يدرى تصرفات اهله لا تحزني المهم عارفك و عارف أخلاقك.

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟