خيرني بينه وبين عملي فماذا أختار؟

Question

عمري ٢٧ سنة خطبت من شهرين كتبت كتابي و طبعا انا معلمة بمدرسة كبيرة صرلي فيها ٤ سنين و مرتاحة من كل النواحي خطيبي ما مانع اني بشتغل و معلمة اليوم كنا طالعين و اجا شب سلم علي حكالي كيفك مس وقفت شوي معه سلمت عليه لأنه تتخرج هو كان توجيهي و هلا بجامعة طبعا خطيبي بالاول اجا مصدوم فكره شب بعرفه لأنه جهم شوي بعدين قلتله طالب عندي استغرب أنه انا بدرس ذكور و عمل قصة و نكد علينا الطلعة و خيرني يا هو يا الشغل انا مستحيل اترك شغلي بس خطيبي كتير منيح و جارنا يعني ناس راقية و محترمين و بخافو الله و مرتاحين ماديا بس انا بحب شغلي كتير والله ما أنا عارفة شو اعمل حاسة بخنقة انا ما بحب قعدة البيت و اتعودت عالشغل و عالكادر و الإدارة و الطلاب مش عارفة ضايعة ارشدوني

الدكتورة سناء مصطفى عبده · Accepted Answer

يا سيدتي اليك بعض الملاحظات التي يجب ان تتحدثي بها مع خطيبك وتتفاهمي معه عليها أولا كل عمل نوعا ما يوجد فيه زملاء رجال وعليه يجب ان يعلم ان التعامل مع طلبة تحت سن 18 سنة افضل بكثير من التعامل مع رجال ان كان يغار بهذه الطريقة الامر الثاني الطلبة لهم حدود حمراء ويستحيل تجاوزها مع معلمتهم وحبهم لها غالبا ما يكون مصحوب باحترام وفضيلة وتقدير وهذا لا يحدث مع الزملاء الرجال الامر الثالث المدرسة دوامها قصير وعطلها كثيرة واجازاتها طويلة ولن تجدي اي عمل افضل من التدريس رابعا بعد سنوات قليلة يمكن لاولادك ان يدرسوا وبخصم كبير جدا في مدرسة خاصة وممتازة ويذهبون معك ويرجعون معك فلها امتيازات تختلف عن اي عمل اخر والامر الاخير اي خطيب هذا يغار من طالب ويعمل لك نكد وقصة طويلة وعريضة وهو يعلم انه اينما ادرت رأسك ستتعاملين مع رجال غدا ان راك تتكلمين مع البقال او اللحام سيقيم الدنيا في وجهك يجب ان تعلمي ان هناك غيرة معقولة ومطلوبة وهي للمحافظة على العائلة وهي فضيلة وغيرة في غير محلها كما يفعل خطيبك يخيرك بينه وبين عملك وانت لا تزالين على بر الأمان لمجرد الحديث مع احد طلبتك فلا ادري ماذا سيفعل غدا لو حصل موقف اضطررت فيه للحديث مع رجل حقيقي انصحك بمناقشة هذه الامور مع خطيبك ولا تتركي العمل لأن التعليم مهنة ممتازة للمرأة ولكن تفاهمي معه لان الموضوع ليس العمل بل جوهر القصة مشاعر الغيرة والشك السلبي عنده وانتبهي للامر ولا تقولي راقيين الا ان اثبتوا ذلك بسلوكهم وازرعي الثقة بينك وبينه واخبريه ان العمل ليس لانك محتاجة ماديا ولكن لاثبات الذات ضعي معه بعض الاسس للتعامل مثل التواصل والصراحة واخبريه انك ربما تتركين العمل بعد الزواج او الحمل وبكيفك واختيارك وليس لانه يخيرك الان بينه وبين العمل الثقة ثم الثقة ثم الثقة هي اساس العلاقة الزوجية لا تبعدي عن قلب الموضوع وتحدثي معه وتصارحي واياه وربي يهدي سرك

من مجهول · Answer

اياك ان تتركى عملك ايااااااكى هذا الخطيب ليس متدين بل مريض بالشك ولن يفلح زواجكما

من مجهول · Answer

لا تتركي عملك وافسخي عقد الزواج من هذا البني آدم لانه متخلف وتافه

من مجهول · Answer

عزيزتي لا تضحي بشغلك فهو مصدر قوه لك خذي إجازه حتى تتفاهموا أو اعملي في مدارس تدرس الفتيات فقط فالرجال يتغيرون بسرعه وأنت لا تضمني المستقبل

من مجهول · Answer

خدي اجازه مقتوحه ولا تتركي عملك الان ولا بعد حين حتي الله اعلم بالقلوب وتغير النفوس واستخيري

من مجهول · Answer

انا من رأي تاخدي أجازه مفتوحه لغايه ما تتاكدي من انه فعلا باقي عليكي وبعدها ممكن تستقيلي وهو حقه انه يغار عليكي

من مجهول · Answer

ريحيه وخدي اجازه مفتوحه واتجوزي واعملي بيت واولاد وخليه يصرف ويصرف فلوس وهو اللي هيطلب منك تشتغلي ده لو كان عندك وقت

من مجهول · Answer

مفروض تكون ثقته فيكي كبيرة حاولي معه واذا بقي على رائيه دعي الاهل يتدخلون واستخيري الله من قبل بينه وبين الشغل والله يختار الك الافضل

من مجهول · Answer

حبيبتي الوظيفه كل يوم بتيجيك والحمد لله معك شهادة باي زمان واي مكان ممكن تتوظفي بس النصيب الحلو والعريس اللقطه مو باي وقت بيجي والبنت كل ما تقدمت بالعمر بتقل فرصها فما بالك اذا كبرت بالعمر وفاسخه خطوبه كمان تمسكي بخطيبك واسسي اسرة والوظيفه بتتعوض ان شاء الله بس احكي له بلباقه انو بتعطيني مصروف بدل الراتب

من مجهول · Answer

الرجال غيران عليكي وبخاف الله وهاد الشي واضح من وين لوين ليجي شب يسلم عليكي نحنا بلأسلام ماعنا بنات تسلم عشباب الرجال الي مابغار على عرضو وشرفو هاد بكون ديوس وشبعان لحم خنزير أنا برأي الشب بحبك وبغار عليكي ولاتنسي في آخرة والجنه لايدخلها ديوس وهاد حديث عن الرسول صل الله عليه وسلم وفينك تتأكدي بنفسك من هل الحديث

من مجهول · Answer

يااااااعزيزتي الحق والمنطق يقول أخبريه وقولي له أنا وقعت في حيرة ولا أدري أين الخير لذلك سأفوض أمري إلى الله وأعمل إستخارة مرة أو 3 مرات أو 5 مرات إلى أن يتبين لي الخير حيث كان وأمتثل لنتيجة الإستخارة حل ثاني مافي وفي حال رفض الإستخارة أنت أيضا أرفضيه لأن علامة الإذن التيسير

من مجهول · Answer

أولا عندما تصبحي زوجته وأنت كذلك لأن انكتب كتابك فالشغل رهن بموافقه الزوج وارتاحي ببيتك والشهادة للزمن اذ هو مرتاح ماديا لشو الشغل اهتمي ببيتك وزوجك وبكرا عندك مسؤوليه ولاد وإذ قصرتي رح يحاسبك فرح تشتغلي جوا البيت وبرات البيت وراحتك وين حاليا اذ وافق اشتغلي بمدرسه كلها بنات ولما يصير عندك مسؤوليه اولاد وبيت بلاه الشغل

من مجهول · Answer

بنصحك لا تسمعي لكلام اللي بقولوا لك تمسكي بشغلك ولو على حساب خطيبك معلش بصراحه عمرك مو صغير واذا فسختي واللي بعمرك فرصه قليلة سامحيني على قساوة الكلمات بس انا خايفه عليك وخايفه تضيعي فرصه منك حاولي تتناقشي معه بالحسنى واللطف اذا تقبل خلص تمام واذا ما رضي معلش تنازلي عن الشغل الان وممكن بعد الزواط تقنعيه باسلوبك وبالهدوء هم الخطاب بحبوا يتملكوا البنت باول العلاقه وبعد الزواج لما يصمنها صارت له واخدها بيتركها تعمل اللي بدها اياه تمسكي بخطيبك ولا تخلي كلام حدا يخرب علاقتكم ببعض والله ناااااادر تلاقي بهالايام واحد وضعه المادي منيح ومحترم واهله محترمين غالبا بكون محترم بس فقيييير او العكس غني واخلاقه سيئة خلص معك شهادتك الجامعيه ان صار معك اي مشكلة بهالزمن والمستقبل معك شهادة وبتقدري تتوظفي باي وقت الف مبروك

من مجهول · Answer

شغلك احسن لك من الدنيا حبيبتي اياكي تفرطي فيه هاد سلاحك للدنيا التعبانة هاي اوعك تغلطي غلطتي حتى لو هو مرتاح ماديا بيضل شغلك امانك فرطي بكل الدنيا الا شغلك ولو شاريكي بوافق لانه الشغل مش عيب ولا حرام ولو كان فعلا بخاف الله ما بياخد من شغلك ولا درهم بالتوفيق شغلك احسن من الدنيا كلها والنصيحة بذهب

من مجهول · Answer

اختاري شغلك لانه سلاح لحياتك وده سبب غير مقنع للتخيير

من مجهول · Answer

حاولي تغيير المدرسة درسي البنات او درسي الابتدائي اذا كان خطيبك يستاهل لا باس في التضحية قليلا

من مجهول · Answer

ابحثي عن مدرسة للتعليم البنات واتركي هذه المدرسة

من مجهول · Answer

رايي لا تتركي شغلك ابدا ما بتعرفي شو المستقبل مخبي

من مجهول · Answer

اختاري عملك اياك ان تختاري الرجل العمل لا يخون ولا يظلم انا الرجل فهو خوان ظالم

من مجهول · Answer

شوفي هو بصراحه والاصل والصح انو طالما بيعرفك من قبل الخطوبه وانك موظفه ووظيفتك معلمه محترمه جدا فالمفروض انو ما يطلب منك هالطلب بعد ما خطبك المفروض من قبل الخطوبه والقبول يخبرك بشروطه لكن يا ستي يمكن ردة فعله بسبب هالموقف جعلته يطلب منك هيك هلا الواحد بيخاف اللي مثل هالصنف يصير كب مرة يشترط عليك شرط وانتي تتنازلي ويلا كلها تنازلات من طرفك وبالاخر تطفشي برايي انو مشيها هالمرة وتنازلي عن الوظيفه معلش الموضوع بسيط ومو مستاهل تكبري القصه لكننننن انتبهي لبعدين يظل يطلب منك تنازلات وانتي معلش متل الخروف ماشيه معه ما بصير احكي له من البدايه لازم نكون واضحين وكل واحد يحكي للثاني شو شروطه ورغباته وطلباته موفقه والف مبروك

من مجهول · Answer

كم انزعج من هذه السلوكيات اليوم يخيرك بينه وبين عملك وغدا يخيرك بينه وبين أهلك وبعد غد يخيرك بينه وبين اولادكم وهكذا دواليك مهنتك مهنه محترمه وليست مشبوهه وخطيبك كما تقولين محترم تناقشي معه والله يوفق الجميع

من مجهول · Answer

والله يا بنات انتو بتحيروا اذا الشاب طلب بنت موظفه بتقولوا هو طمعان بوظيفتي واذا طلب منها تترك العمل وتقعد ملكة ببيتها معززة ومكرمه بتزعلوا ما بصير هيك انت الان بتروحي على بيت اهلك وبتكون والدتك محضرة طعامك ولباسك ومهيئة كل شي لك بس بعد الزواج صدقيني انتي حتتمني انك تتركي العمل والله الزواج مسؤلية وامانه كبيرة خلص طالما هو كريم معك ويصرف عليك ومو مقصر لا تعملي مشكلة من اشياء بسيطه وتخربي حياتك وعلاقتك مع خطيبك اهدوا يا بنات وبكفي كل يوم والثاني نسمع حالات طلاق قبل الدخول بسبب هالشغلات التافهه

من مجهول · Answer

الاولى خطيبك اهم

من مجهول · Answer

لعلكم تكرهون شيء وهو خيرا لكم ما بتعرفي يا اختي يمكن تركك للعمل خير

من مجهول · Answer

اذا صاحب دين واخلاق وبفهم حاولي انك تفهميه بالحسنى وبطريقة جميلة انه انتي بتأدي رساله وهيه التعليموكل الشباب صغار سن فلا يكبر الموضوع

من مجهول · Answer

سيدتي العزيزة ما لك الا ان تصلي صلاة استخارة وتعرفييمكن هذا الشيء علامة من الله

من مجهول · Answer

ما تسلمي على طول احكي معه او خلي اخد من طرف العائله يحكي معه لان صراحه حق العلم والشهاده الي درستي وسهرت عشانهم الهم قيمه في حياه الانسان المفروض اتفقتي انتي واياه على هيك موضوع قبل كل شي ولكن يا عزيزتي التفاهم هو الرضى اجلسي معه وتكلمي بحضور احد كبير من العائله حتى تصلي الى نتيجه واذا بقي معند على رايه ما عليك سواء القبول

من مجهول · Answer

انت حرة اختاري اللي بدك اياه بس بعد كم سنه لا تنزلي مشكلتك انك ندمانه على خطيبك الاول لانو كان محترم وانت تركتيه عشان الوظيفه والكادر والادارة والمدرسة اللي متعودة عليهم حبيبتي يا ماما انت مو صغيرة عمرك مناسب للزواج بكفي دلع والفرص اللي بتيجي ما بترجع بصراحه ما بدها سؤال ولا حيرة يعني كل هالصفات الجميلة بخطيبك و بتعانديه عشان وظيفه لو ظليتي بهالعقليه صدقيني حتضيعي نفسك وزوجك وعيلتك المفروض واحده بعمرك انضج من هيك بكتير

من مجهول · Answer

يعني هو بدو اياك تتركي الوظيفه وانت بدك خطيبك وما بدك تتركي خطيبك ولفي يا دنيا بينا حبيبتي الله يستر عليك اسمعي كلام خطيبك واقعدي وخلفي كم ولد وبعد الزواج ممكن الوضع يتغير كل الخطاب بغاروا على خطيباتهم باولها بعدين بصير يفرح لما تطلعي من البيت ويرتاح خلص مش مستاهل الموضوع تتطلقي عشانه طاللما وضعه منيح واهم شي راقيين اقعدي وانضبي مع جوزك الله يهديكن يا نسوان يعني جاييك ابن حلال وطيب ومحترم وبتخلقي مشاكل انت هلا ما بتحبي قعدة البيت لانك بنت وما عندك مسؤليات بس بعد الزواج اصلا ما راح تفضي لانو حيصير عندك مسؤليات تنظيف بيت وطبخ واطفال اصلا يمكن البيبي يسهرك طول الليل وتضطري تنامي كل النهار خلص اهدي واسكتي واسمعي كلام خطيبك الراقي

خيرني بينه وبين عملي فماذا أختار؟

شارك في الاجابة على السؤال

شارك في الاجابة على السؤال

احدث الوصفات

طريقة عمل مهلبية الجيلي

طريقة عمل كاسات تشيز كيك

طريقة عمل كاسات اللوتس

طريقة عمل عصير فيمتو

طريقة عمل الموهيتو الصيفي

طريقة عمل عصير المالديف الأزرق

مقالات ذات صلة

كيف أنجح في عملي الجديد؟ نصائح للموظف الجديد

أنواع ختان الإناث وأضرار الختان على الفتيات

حيل تجعل زوجك يهتم بنظافته الشخصية

فوائد زيت جوز الهند للبشرة ولصحة الجسم

فوائد الموز الأخضر والفرق بينه وبين الموز الأصفر

تفاعل الأطفال مع الغرباء

فيديوهات ذات صلة

أسئلة ذات صلة

مقالات ذات صلة

احدث مقالات قضايا اجتماعية

احدث الوصفات

طريقة عمل حلى كرات الشعيرية السهل والسريع

طريقة عمل كيكة الجيلي الباردة

طريقة عمل حلويات سهلة بدون فرن وبثلاث مكونات

طريقة عمل آيس كريم بدون سكر

احدث اسئلة قضايا اجتماعية

اسئلة من بلدك

احجز استشارة اونلاين

شارك في اخر الاختبارات

اختبار التبذير: هل أنت مبذرٌ في المال أم خبير في صرف نقودك؟

اختبار الشخصية الاجتماعية والاغتراب الاجتماعي