صورة علم Germany
من مجهول
منذ 11 شهر 38 إجابات
1 0 0 1

لا أحد يتقبلني وأعيش بوحدة بسبب شخصيتي الأنثوية، فما الحل؟

مشكلتي انا كشخص لما كنت ببلدي كنت مهمش ومحط سخرية من قبل الجميع من قبل اهلي وأقربائي وزملائي بالمدرسة انا قضيت طفولتي بين اخوات بنات كانو شخصيتيهم أقوى من شخصيتي ،فمشان هيك طلعت شخصيتي أنثوية نوعا ما حتى طريقتي بالحديث أنثوية ويستخدم كتير كلمات بيستخدموها البنات ،حاولت غير حالي وغير من شخصيتي بس ماقدرت ، الأصدقاء اللي كان عندي علاقة طيبة معهم كانو بينعدو عالاصابع ،بهداك الوقت كنت قول لحالي بكرا بكبر وبنسا والمستقبل واللي جاي رح يكون احلى وماكنت مفكر انو اثار هالطفولة السيئة رح ترافقني لمكان هجرتي الجديد ،دائما منعزل ومابحب أتعمق بالعلاقات مع الناس بضل في عندي ضعف ثقة بنفسي وبالعالم ،بقول لحالي بكرا بس يعاشروني منيح رح يصيرو يكرهوني ويتمسخرو عليي لان شخصيتي وطريقتي بالحديث اغلب الناس ما بتتقبلها ،صعب كتير اندمج ولاقي اشخاص مقربين مني ،كل ما بلاقي حدا وبفكرو رح يصير مقرب مني بكتشف انو كان مرافقني مصلحة او كان يتمسخر عليي بغيابي وبس تخلص مصلحتو معي بيختفي فجأة من حياتي بدون اي مقدمات ،انا مع الوقت صرت اعرف انو بس لاقي واحد لطيف زيادة معي أنو هادا الشخص عندو غاية بنفسو وبدو يوصلها ،وانا بسايرو وبعمل حالي مافهمان عليه بس مشان اكذب عحالي وحسس حالي أني حدا مرغوب ،حاليا انا بالجامعة وكل الناس الي بعرفهم الوضع بينا بس سلام واحاديث جانبية ،حتى في شلة بالجامعة من نفس بلدي حاولت اندمج معهم وقوي علاقتي فيهم ،ما اتقبلوني وبلشو يكذبو عليي،حتى أهل البلد ذاتهم حاولت عاشرهم كمان نفس الشي نفس ردود الفعل ،بس يشوفوني بالطريق بيضحكو عليي ،اذا رح تضل حياتي هيك عنفس المنوال يمكن انتحر ،لان من وانا وصغير متوقع يكون المستقبل احلى مايطلع بهالصورة ،بدّي حل أرجوكم