زاد فشلي من بعد موت والدي

السلام عليكم ، مشكلتي إني فشلت بحياتي كلهااا والله تعبت مو عارفه ليه هيك بصير معي عمري 23 سنة وأحس انه حياتي كلها ما منها فايده وكل يوم بوعد نفسي اتغير بس والله اني تعبت وانا أشوف وأجل بدأت مشكلتي من كان عمري 13 سنة وهي كنت طفلة عايشه بكل سعادة وهنا وهاد كان بس مع بابا الله يرحمه لأني كنت الاصغر في البيت وكان يحبني كتييير ويميزني عن الكل وبهاد السبب خلى في فرق بيني وبين كل اهلي حتى أمي ما يتزكر انها وقفت معي او كنت أحس بحنانها وانا صغيرة ومع هيك كنت ما بركز بهاد الاشي وتناسى كل شي مع انه لهااد الوقت ما نسيت اي اشي ، المهم في عمر 13 والدي اتغير معي كتيييير وكأني عدوته وللاسف كان يسمع كلام من اخوي علشان الخمار وانا ما كنت بدي هاد الاشي وعلاقتي في والدي صارت مو موجوده كليا وانا ما كنت اجادله ولا كنت مقتنعه وكان كل همي الوحيد انه انجح في دراستي وفعلا نجحت وبعدت كل البعد عن هاد الوضع والمشاكل ولكن والدي اتوفى وانا ضميري متعبني كتييييييييير مع انه والدي هو الي يقرر يبعدني عنه ويمنع عني أبسط حقوقي متل المصروف ويحاول يجبرني على الزواج وانا بعمر 15 هل الي انا عملته غلط هل لأني بس بدي انجح واتميز في حياتي هيك الكل يحاربني وانا الحمد لله كنت بلبس الجلباب ومحافظه على صلاتي والحمد لله ما عندي اي علاقة باي شب وسمعتي متل المسك ووالدي بعرف هاد الاشي ومن لما اتوفى وانا فاشلة في حياتي من بعد ما كنت من الأوائل هلا انا بجامعتي ولا اشي وانا مو راضيه عن هاد الوضع صرلي سنيييين تعبانه مع انه طريقي واضح بس بده اجتهااااد وانا عارفه انه بده اجتهاد بس كانه الحياة ميته في عيوني ولا حتى مقرره اتزوج والحمد لله الله اكرمني بالجمااال وبتقدمولي عرسان كتير مناااح بس انا ضايعه عن نفسي ولا بقدر أفكر ببكرااا ولا قدرة احب الحياة وأرجع ابني نفسي من اول وجديد ونفسي اتغير ونفسي اتميز واحقق الي نفسي فيه بس علشاني معقووول انا ما بستاهل أكون في احسن وظيفه ولا باحسن مكان في الدنيا هي صح الفلوس ثانوية عندي بس بحب اعمل بالاشي الي بحبه بحب يكون عندي شي يخصني لنفسي ويسعدني حتى ليه هيك صرت وليه هيك بعدت عن كل اسباب الحياة ومع انه اول مره نجحت فيهاااااا كان شي صعب جدااااااا علي لانه ما كان حدا بشجعني بس اصريت ومن هاد الإصرار بتزكر كان الفصل الأول علامتي في الرياضيات 50 بالزبط والفصل التاني 95 ومن هون اشتغلت على نفسي واكتر وصرت من الاوائل في كل المواد ساعدوني والله تعبت من الفشل .