صورة علم Jordan
من ريما فايز
منذ سنتان 202 إجابات
9 0 0 9
  • عاد مغتصبي من هجرته ماذا افعل؟!

    انا بنت عمري 23 ابوي شوي عصبي وشديد وانا بعمر 13 سنه يعني قبل 10 سنين اجا صاحب ابوي يسال عنه خلال دوامه وكنت لحالي لانه امي كمان بتشتغل ، واخواني كانوا مسجلين بنادي كاراتيه وصاحب ابوي بعرف سال عنه وحكتله انه بالشغل حكالي حفوت استناه استغربت وقتها بس كوني كنت طفلة ما دققت فات البيت واعتدى علي وحكالي وهو طالع احسنلك ما تحكي لحد لانك بتعرفي ابوكي حيقتلك قبلي وانا اصلا مسافر هلاء... وبالفعل عرفت من ابوي انه سافر بعدها بيومين وانه كان حاجز .. سافر هو وانا تاقلمت مع قصتي عشت مع كابوسي بسرية وما حد عرف عنه وكل ما يجني عريس كنت اتحجج بصغر عمري او الدراسة او مستقبلي... ومن اسبوع رن جرس بيتنا وطلع صاحب ابوي رجع من السفر قعدنا على سفرة وحدة ونظراته كانت بتخوفني ... انا بكرهه وحاسه نفسي اقتله وبنفس الوقت نظراته مخيفة كانه بقول فيها حيكرر الي صار ... المشكلة انه هلاء صار اصعب من قبل اعترف لابوي ... خايفة منه وخايفة من اي ردة فعل الي ... والاعتراف لابوي اصعب قرار ممكن افكر فيه شو الحل؟!