صورة علم Jordan
من مجهول
منذ سنة 12 إجابات
1 0 0 1

كيف أتعامل مع ابني من ذوي الاحتياجات الخاصة

السلام عليكم حابه احكي مشكلتي بدون اسم لو سمحتي انا ام لشاب ذو احتياجات خاصه مشكلتي مع ابني ما بنام بليل وبتأخر الوقت كثير لما ينام ومزاجي وما برد معأنو بفهم الولد مزاجي بلحمام لما بدي احممو او يوكل طبعا طلعاتي من البيت معدومه بسببو حاسه حالي كانو صايبني حاله اكتئاب بحب اقعد لحالي معأني هاي كمان محروم منها لانه بضل ابني بلبيت ما بطلع وصوتو عالي هوه ما بحكي ولا بسمع ولا بمشي نفسي بحل جذري عشان اعرف اتعامل معو

ابو نفسيتو تعبت متلي والنوم بلغرفه ما بخليني انام بلمره عاملني متل ضره الي وللعلم ما عندي غير هاد الولد توفى الي تلت ولاد بأعمار الورود عندي بنتين والحمدلله مناح ما حدا يحكيلي اعطي ادويه لانه بعرف شو بشرب اذا اعطيتو حبه بسال لشو هاي واذا نام منها تاني مره ما بوخد منو بعرف كلووو بأجرو بس عنجد الشي صار فوق طاقتي وبحس نفسي اروح دكتور نفسي زوجي منيح الحمدلله بس مش قادر اعطي حقوقه متل اي زوجه او بلأصح بجوز شغله دقائق معدوده بقضيها معو وطبعا خوفي من ابني انو يشوفني بنفس الغرفه مع ابو لحالنا بصير يصرخ وبدو

يضربني الصداع بشكل يومي بصيبني وطلوع من البيت لحالي ما بطلع الا معو ما حد يحكيلي حطي داخلي لانه بخاف عليه وما بحب يبعد عني وبنفس الوقت تعبت والله تعبت حد يعطيني حل الله يجزيكم الخير

أضف إجابتك

صورة علم United States
السؤال التالي