صورة علم Saudi Arabia
من مجهول
منذ 6 شهور 10 إجابات
0 0 0 0

ابنتي تعاني من تأخر بالنطق، ماذا افعل؟

السلام عليكم ابنتي عمرها سنتين و ١٠ شهور و متأخره بالنطق مقارنة مع اخواتها و الاقارب تقول كلمات و الوان و اسماء حيوانات و تقلد اصواتهم و تتفاعل مع اي اغنيه تحبها و تكررها و لكن الكلمات ليست واضحه تماماً و ايضاً تعد من الواحد الى العشرة بالانجليزي و اغلب الحروف مبلوعه لكن ينعرف انها تعد حتى بعض الاحيان تفتح ايدها و تأشر ع اصابعها و تقول ون توو و تكمل كمان تعرف الحروف و هي تشاهد بالايباد قبل لا يقولونه تقوله هي مثلا في اغنية if you are happy and you know it قبل حتى ما يقولون الطلب تسويه لان حافظتها و مش لازم تشوف علشان تقلد عادي لو بالصوت تعرف الاوردير تقفز ع السرير و تلعب مع اخواتها five little monkeys و تضحك و تتفاعل معاهم لو مثلوا انهم تعوروا و تتفاعل بالحركات مع اي اغنيه تحبها و تقلدهم و مرات كثير تعيد كلامي يعني لو طالعين و اقولها شوفي black car تعيد كلامي و اذا شافت حوض سمك تركض و تقول fish مسكتها للملعقه وقت الاكل و الاكواب و للاقلام ممتازه و متعلقه فيني كثير و لا تبي اي احد بوجودي حتى ابوها و تبيني احملها او تكون بحضني لكن غلطتي ان دوامي طويل و ماسجلتها بحضانه و ظلت بالبيت مع العامله و امي كبيره بالسن ومافي اطفال و اخواتها بالمدرسه فكانت اغلب الوقت ع الايباد و ما اتكلم كثير معاها بسبب انشغالي بمذاكرة اخواتها فماتعرف تكون جمل ولا طلبات صحيح انها تنفذ لو اقولها ارميه زباله او تعالي احضنيني او بوسه و لكن لو تبي مني شي تمسك ايدي علشان اسويه او توديني ما تطلبه بالكلمات طبعاً سجلتها حضانه من اسبوع و متفاعله و تلعب مع الاطفال و شلت الايباد نهائياً لاحضت انها صارت تقول كلام بس ما نفهمه اللي كثير احاتيه انها ممكن يكون فيها توحد لا سمح الله مع اني لمن اقرأ عن الصفات ماشوف فيها ولا شي منهم غير انها تمسك ايدي علشان اسوي الشغله الا تبيها واعتقد سببه انها ما تعرف الاسم او مش عارفه تشرح لي و لكن التواصل النظري و التفاعل ممتاز اغلب الاحيان تسمعني وانا اناديها و تجيني ركض بس ما تناديني الا نادراً ولا تنادي اخواتها هل انا هوسيه اكثر من اللازم او الموضوع يحتاج حل فوري ؟ هل المفروض انتظر شهرين او ثلاثه و اشوف التطور بالحضانه او اعرضها ع اخصائي ؟ بشكل عام سلوكها عادي او مش طبيعي ؟ انا صار هالموضوع هاجس عندي و زوجي يقوللي انا مكبرته اكثر من حجمه