صورة علم Saudi Arabia
من مجهول
منذ سنتان 12 إجابات
1 0 0 1

الظروف جعلت ابني بلا ثقة في نفسه

السلام عليكم مشكلتي هي ابني عمره الآن ست سنوات وكلامو خفيف هو كان عندو بصغرو شمع في الأدن وماكان يسمع ممتاز اكتشفنا هادا الشيئ بعمر ثلاث سنوات ونصف تقريبا لانو ماكان يتكلم نهائيا واحنا مااخدناه عدكتور لهالوقت لانو زوجي واخوه مااتكلمو لعمر صلاث سنوات فكانت تقلي حماتي عادي متل ابوه بكرا بيحكي لاكن انا كنت حس في مشكله ولما عرضناه عدكتور خبرنا انو عندو شمع بآدانو وهادا السبب الي خلاه مايكتشب مهارات متل لولاد التانيين الحمدلله عالجناه ولاكن المشكله ابني مهاراتو

عمتتطور بشكل بطيئ وكلامو مابيوصل جمل مع بعض اخدتو عدكتور تخاطب وقلي لازم يجمع مفردات عشان يحكي جمل هالكلام من سنه تقريبا انا بشوف ابني بيتحسن بس بشكل بطيئ والمشكله انو كمان بينسى بشكل فظيع بدرسو حرف برجع بعد شوي اقول شوهاد مابيعرف بينسى كتير متعبني بهالناحيه ولانو هيك خايفه تروح عليه السنه الجايه لانو لازم يكون صف اول وانا حاليا دخلتو روضه وحاولت السنه الي قبلا الدكتور قلي اهم شي المدرسه دخلتو لاكن المدرسه بعد اسبوع طردوه بحجة انو مشاغب جدا ومابركز مع انو الدكتور قلي حطيه بمدرسه عاديه عشان يتعلم من الاطفال ومسكين كسرو خاطرو كان مبسوط جدا

جدا واتدهورت حالتو اكتر بعد ماطالعتو تقطع قلبي عليه كان ينتظر اختو هي وراجعه من المدرسه عند الباب عشان يشوف شوجايبتلو كتير كنت انقهر عليه ولما حطيتو بمدرسه كتير انبسط ولما طالعتو مسكين كتير زعل هو ماعندو ثقه بنفسو لما بيتكلم بحسو بسكر تمو لانو عارف كلامو مو مفهوم وهو بسبب انو مابيتكلم بطلاقه فهمو محدود مثلا بنادي لزوجي بقلو تعالي مو تعال او العكس فهمو محدود هو حاليا الحمدلله متحسن بالروضه كلامو ولاكن بشكل بطيئ جدا وفهمو محدود بحسو بحاول امدحو لما بيعمل اي شي وهو عندو مشكله بيبلل نفسو كتير بالنهار بس بالليل بيصحا على حالو بس بالنهار كتير كتير ببدل وهادا الشيئ محرجني كتير وهو للعلم عمل عمليتين وحده الزايده كان عمرو اربعه وعملية خصيه معلقه عمرو كان اربعه سنين ونص وانا عندي بنتي لكبيره عمرها سبعه حاليا ماشالله ذكيه وكلامه ممتاز وهو كان بغار منها واحيانا بظلمها علشانو علشان تقوا شخصيتو وانا فهمتها وحكيت معها قلتلها عشان اخوكي هي ترضا لاكن بعدين لانها طفله تنسا ابني مسكين حتى لما بكون مع اولاد تانيين وبدو يحكي مابيقدر يعبر تمام حتى كان قبل هيك اولاد يضربو ومايقدر يقلي قلبي يتقطع عليه هلا يعني بقول فلان ضربني بس كلامو مو واضح كتير مابيربط جمل مع بعض انا بحاول اد مابقدر اعلمو بالبيت لاكن تحسنو بطيئ وخايفه تروح عليه السنه الجايه أول كيف ممكن اعالجو وعفكرا البول بالنهار عرضناه عدكتور خاف يكون عندو سكر لاسمح الله بس الحمدلله طلع مافي شي يعني السبب نفسي وانا زعلانه عليه بحسو اقل من ولاد سنو مع انو كتير طبعو حلو واجتماعي جدا وطيب لاكن مسكين الظروف خلتو ماعندو ثقه بنفسو انا آسفه عالإطاله لاكن لاني مقهوره على ابني كيف ممكن أساعدو يتخلص من مشاكلو ويتحسن كلامو ويصير يربط جمل مع بعض ويحكي بشكل مفهوم شاكره جهودن

أضف إجابتك

صورة علم United States
السؤال التالي