تغير حال طفلتي بعد هذه الزيارة فهل تحتاج لعلاج نفسي؟

سلام عليكم انا فى مشكله كبيرة مع بنتى فى الاول هحاول ادى ملخص عن نفسى انا من اسرة ليها مستوى اجتماعى كبير بالإضافة ان منصب بابا حساس جدا ومهم فى الدولة اخواتى بردة فى مناصب كبيرة و انا فى السلك الدبلوماسى فى منصب مهم متجوزة وعايشه فى المدينة بنتى فى مدرسة انترناشيونال اغلبية كلامها مش عربى كنت بنزل القرية عند اهل ماما وبابا زيارة ضرورى بنزل فى اى مناسب و ممكن انزل زيارة مره كل سنه انا واخواتى وجوزى اخر زيارة بنتى رجعت متغيرة خالص اصبحت عدوانيه مع كل زمايلها فى المدرسة وتصرفاتها نع المدرسين مش كويسه حاليا رافضة تروح المدرسة ومصممه انها تحول لمدرسة حكومى بنتى واخده ملامح بابها البياض والشعر الطويل النااعم والعيون العسلى الفاتح بنتى عندها ٨ سنين ونص وشعرها يجتاز ظهرها بكتير لما رجعنا اخر مرة قصت شعرها يكاد يوصل لاذنها بالعافيه بنتى اتعرضت للتنمر هناك من اطفال فى سنها واكبر منها كنت مفكرة الموضوع عادى وانهم اطفال مع بعض كنت بفضل معملش مشاكل يعنى كنت بتعامل بحنيه مع الأطفال اللى عرفته من بنت اختى هى اصغر منها ان حتى الاهل الكبار كانوا بيدايقوها ويفضلوا يعايبوا فى شكلها عشان اولادهم بيغيروا من بنتى بنتى دلوقتى حالتها صعبة بقالها ٤ ايام مبتروحش المدرسة ومصممه خلاص ان اوديها مدرسة حكومى بنتى بتلبس دايما هدوم كاجول من يوم ما رجعت وهى بقت ترمى هدومها فى الارض وتقولى انا مش ولد انا عايزة البس زى البنات فساتين اجى البسها تقولى انا وحشه وتفضل تعيط بانهيار اخويا واختى بيقترحوا عليا ان بنتى لازم تروح لدكتور نفسى حتى جوزى شايف ان داه الحل الامثل بس انا مش عايزة بنت تروح لدكتور وهى فى السن داه احساس بالندم هيموتنى عشان انا كنت بفرح لما الاقيها بتتعامل مع الأطفال والكبار دايما بيتكلموا معاها لو كنت اعرف انهم بيدايقوها او هيوصلوا طفلة للحالى دى مستحيل كنت انزلها القرية وكنت اسمع كلام جوزى واخواتى ان البنت تفضل عند جدتها ام باباها عشان البيئه هتبقى غريبه عليها انا عمرى ما اهملت فى حق بنتى طول الوقت كنت مدياها هى كل وقتى على الرغم من كل حاجة حالة بنتى بتموتنى انا